"Si a tus manos ha llegado este conjuro errante

ya no tendrás que usar más desinfectante;

pues si algo de COVID quieres evitar

la siguiente fórmula mágica has de realizar.

En una hoguera debes colocar 

cuatro ramas de abeto

y de pino una, nada más;

y cuando el humo se empiece a elevar

en dicha hoguera debes arrojar:

diente de ajo, piel de sandía,

cuerno de toro, una castaña galeguiña,

ojo de sapo hecho al baño maría 

y , para acabar, una mascarilla.

Escapa de alli, porque puede explotar;

sal al pueblo y como acto final:

ve y abraza a alguien aunque se pueda enfadar,

coge una gripe, te puede ayudar;

tócalo todo sin usar hidrogel,

del cielo caerá escrito el hechizo en un papel.

Ahora corre, vuelve a la hoguera,

antes de que se apague, grita como quieras

el verso que el señor te ha mandado en este escrito

para que puedas ya olvidarte del odioso coronavirus".

 Por Ariadna Valdés, alumna de 4º ESO

Pincha no seguinte enlace para ver outros conxuros presentados ao concurso organizado pola Biblioteca, no que participou alumnado de toda a ESO. Noraboa a todos eles.

http://bibliocabe.blogspot.com/2020/10/conxuros-de-samain-contra-covid.html?m=1

Tamén houbo unha actividade que propuña unha reflexión: Por qué en todas as culturas hai un día en honor aos mortos? Atoparedes as interesantes reflexións do alumnado no enlace:

http://bibliocabe.blogspot.com/2020/10/samain-2020-reflexionando.html?m=1

E se queres seguir as recomendacións de Bibliocabe de películas de terror para este Samaín, pincha  neste enlace e desfruta:

 http://bibliocabe.blogspot.com/2020/11/samain-2020-pasando-medo-en-galego.html?m=1

O pasado venres 23 de outubro acompañounos, na biblioteca do Río Cabe,  a regueifeira Alba María Rodríguez.

O alumnado de 3º de ESO foi o afortunado que puido desfrutar do bo facer desta artista, cantante, compositora e improvisadora oral, quen,  dende os trece anos, desenvolve unha intensa actividade no campo da Regueifa.

A pesar da súa xuventude, Alba María publicou o libro "Regueifa en Bergantiños. Celestrino de Leduzo vs. Calviño de Tallo" e é colaboradora habitual no programa "Luar" da TVG. Ademais participa no proxecto Regueifista, na introdución do diálogo cantado e improvisado no ámbito educativo.

Niso consistiu o obradoiro que impartiu ós nosos alumnos e alumnas, que nesta ocasión, e por mor da pandemia, tiveron que ser menos: estes aprenderon dun xeito divertido a dialogar cantando, a usar a ironía e o "pique" xunto co bo humor, e crearon unha regueifa que queren convertir no himno da súa clase. Pincha nos cursos para ver parte do seu traballo.

3º ESO - A

3º ESO B

Agradecemos a Alba o seu estupendo traballo e o bo rato que nos fixo pasar a alumnos e profesores e esperámola en futuras ocasións.

O 30 de xaneiro,  toda a comunidade educativa do Rio Cabe  quixemos mostrar o noso unánime desexo de Paz. Dende a Biblioteca e o Programa TEI (Titoría entre Iguais), propúxosenos facer mil grúas de origami, xa que, segundo reza unha antiga lenda xaponesa, quen consiga facer mil grúas conseguirá que o seu maior desexo se faga realidade. Pois ben,  coa  axuda de todos, o reto conseguiuse e superouse, xa que se fixeron 1400!!

Moitas grazas a todos os que colaborastes, en especial a Flor e Xurxo,  que traballaron arreo colocando, dirixindo e animando a alumnado e profesorado nunha marabillosa labor conxunta.

Tivemos voluntarios tamén para formar a palabra PAZ no chan. Grazas a todos eles

Queremos agradecer  a colaboración de Alejandro García Rodríguez, de 2º BAC por elaborar un precioso cartel para conmemorar este día.

O alumnado de 1º de ESO e o da asignatura de Valores de 2º ESO  participou o pasado mércores 30 de outubro na actividade     “O noso Samaín: Historias á luz do lume” , promovida pola biblioteca do centro eambientada para a ocasión.  A contacontos  Teresa Grau, membro da “Red Internacional de Cuentacuentos” foi a encargada da representación de varias historias que encandilaron  e “aterrorizaron” aos máis pequenos.

O xoves 28 contamos no Río Cabe cunha invitada excepcional: a Catedrática de Mediciña legal e Directora do Instituto de Ciencias Forenses da USC Victoria Lareu Huidobro.

Cunha charla titulada: Qué puede contarnos la genética forense: “CSI verdades y mentiras” o interese que despertou o tema provocou numerosas cuestións que ó alumnado se lle ían plantexando ó longo dunha amena e moi didáctica exposición.

Desde a súa experiencia como investigadora punteira no ámbito da xenética forense desgranou casos prácticos cos que se enfrentan diariamente ou cos que colaborou o seu equipo interdisciplinar: a análise do ADN leva, por exemplo, á identificación de vítimas tras catástrofes ou atentados, a probas de verificación para resolver delitos ou crimes, polo que a colaboración da ciencia co axuda de novas tecnoloxías é clave para axudar a resolver moitos casos do ámbito xudicial.

Hoxe tivemos unha clase práctica de xenética que foi de grande interese para todos. A actividade foi organizada dende a Biblioteca do centro co obxecto de homenaxear a mulleres extraordinarias, neste caso do ámbito científico.

Hoxe a poesía inundou o noso instituto

 

Este venres 8 no Salón de actos do centro os alumnos de 1º e 2º de BAC asistiron a unha charla impartida por Carmen García Rodeja (investigadora da Asociación para a Recuperación da Memoria Histórica) e Miguel Bugliot, sobriño do deportado a Mauthausen Manuel Barreiro Bugliot,

O acto enmárcase nas actividades organizadas pola Biblioteca con motivo da Exposición "F. Boix fotógrafo de Mauthausen" (que estará no noso centro ata o venres 15). A charla levou por título: "Galegos e españois en Mauthausen".

Os poñentes acercáronnos ó tema das deportacións de españois a campos de concentración, centráronse na necesidade de recuperar a memoria histórica das persoas que foron represaliadas ou perderon a vida sen que, en moitos casos, os familiares teñan a oportunidade de enterrar dignamente os seus restos e homenaxear o seu recordo.

Miguel Bugliot tamén leu varias emotivas cartas de familares das vítimas que naquel momento dan unha visión moi real da dor que lles tocou vivir, pola guerra,  carencias, medo e o sofremento que provocou a ausencia inxustificada dos seres queridos, por causas de intolerancia e marxinación do que simplemente pensa distinto ou se lle considera inferior por algunha razón.

Esta Asociación traballa de modo altruísta para que as familias podan recuperar os restos dos seus, que ás veces acabaron en fosas comúns ou non están aínda localizados.É importante non esquecer episodios cercanos do noso pasado que moitas veces están silenciados no inxusto olvido.

Rapaces e profesores plantexaron moitas cuestións e reflexións tras unha interesada e atenta escoita de todo o público presente. 

Desde o mércores 6 ata o venres 15 está na entrada do centro unha interesantísima Exposición, organizada pola Biblioteca, que trata sobre a figura de Boix, fotógrafo de Mauthausen, que documentou coa súa testemuña gráfica o sucedido nos campos de concentración nazis, o exterminio masivo, o traballo forzado...por medio de fotografías que sacaron á luz os horrores do campo de concentración de Mauthausen.

Todos os alumnos do IES Río Cabe están tendo a oportunidade estes días (acompañados por varios profesores que presentan a exposición) de facer un percorrido, a través dos paneis, por unha parte da historia que non convén esquecer: o horror dos campos de exterminio e a recuperación da memoria de miles de exiliados españoles e galegos que foron deportados entre 1939 e 1945.

O venres 8 Carmen García Rodeja, investigadora para a recuperación da Memoria histórica, e Miguel Bugliot (sobriño dun deportado a Mauthausen -Manuel Barreiro Bugliot) darán unha charla, ás 13:15, no salón de actos do centro. A Conferencia leva por título: "Galegos e españois en Mauthausen, unha historia non recoñecida".

Invitamos a visitar a exposición a todo o público en xeral.

Os alumnos do Ciclo de Turismo farán o luns unha visita guiada ás 18:00 para o alumnado de Bacharelato de Adultos e ciclo de fútbol. Unha segunda visita (para a ESA) será ás 18:40.

A anterior é a felicitación de Nadal coa que, desde  a Comunidade educativa, felicitamos o Nadal e  Aninovo.

Foi a postal gañadora do concurso convocado dende o Departamento de Plástica e a Biblioteca do centro. O deseño, sobre o logo do Río Cabe,  realizouno a alumna de 4ºC Nina González López. 

E na entrada do centro impresiona esta proposta da Biblioteca na que colaboraron alumnos, profesores e pais... ó decorar a man 262 CD´s  cunha mensaxe que configura unha grande árbore de bos desexos. 

Bo Nadal e Feliz Aninovo.

O profesorado do centro e alumnado de 4º de ESO e 1ºBAC presenciou este venres, nun Salón de actos abarrotado, o relato apaixoante que nos regalou a alpinista Chus Lago. Cun silencio sobrecolledor cando se trata de adolescentes, escoitamos asombrados un relato de viaxes impresionantes que ía acompañado de música de fondo e imaxes moi ilustrativas das aventuras vividas por esta exploradora. Coas palabras engaiolantes de Chus viaxamos á Antartida, chegamos  á cima do Everest, paseamos por Laponia, imaxinamos desertos polares...pasamos verdadeiro frío, aprendemos o valor dos retos e tamén puidemos reflexionar sobre a posibilidade de cumplir soños imposibles e o significado da soidade e dos silencios en circunstancias extremas.

Todos quedamos impactados coa valentía desta muller pioneira, que nos anunciou con paixón o seu próximo reto, no que estárá acompañada por outras dúas mulleres coas que percorrerá Siberia.

En Bibliocabe podedes ler máis sobre o tema posto que co "lema Viaxeiras, intrépidas, exploradoras, aventureiras, ...: Mulleres!!", celebrarase o Día da Muller na Biblioteca durante todo o curso, motivo polo que tamén se colaborou coa presenza desta grande pioneira.. 

Agardamos escoitar  de novo a Chus Lago transmitindo tanto entusiasmo.