Co gallo do 25 de novembro, Día Internacional da eliminación da violencia contra as mulleres, o Concello de Monforte convocou a actividade: “Monforte en negro”, na que se propón vestir de loito en todo o Concello en sinal de dor por todas as mulleres que sofren violencia. 

No marco desa proposta, hoxe, venres 23 de novembro, no Parque dos Condes ás 12:00 convocouse a alumnado de 6º de primaria e 4º de ESO de distintos centros para participar nun acto no que se leu un manifesto e, a continuación, propúxose a formación dunha cadea humana que bordeou o río Cabe de modo simbólico. Proporcionouse material para que todo o alumnado fose vestido de negro en sinal de loito.

Os nosos estudantes de 4º ESO participaron masivamente no acto, que non puido ser levado a cabo na súa totalidade por problemas climatolóxicos. Na seguinte imaxe recollemos algúns momentos da xornada:

E, no centro, co lema "Nos teus zapatos, nos seus zapatos" houbo unha orixinal e impactante chamada de atención preparada pola encargada da  Biblioteca , Flor, e polo profesor do equipo da Biblioteca e de Plástica, Bernardino, cos que colaboraron os alumnos. Poden verse os detalles na páxina de Bibliocabe.

Cando se cruza a porta do IES Río Cabe, ninguén queda indiferente.

Este curso na Biblioteca do Río Cabe adícanse os días 1 e 2 de novembro á celebración do día dos mortos en México (declarada pola Unesco Patrimonio da humanidade).

Entre as múltiples e espectaculares actividades realizadas, que poden verse explicadas en detalle no blog Bibliocabe, estiveron as seguintes: Ambientación e decoración da entrada, con diversos traballos do alumnado; concurso de catrinas (caveiras mexicanas) ou proxección da película "Coco" na Biblioteca para o alumnado de 1ºESO.

Podedes ver algunhas fotos das diferentes propostas coas que estes días nos sorprenden na Biblioteca.

O día 17 de febreiro de 2011, ás 12:30 horas, dende o salón do Ateneo de Madrid, celebrouse a ceremonia de entrega dos premios ITE a "Materiales Educativos 2010".

Con motivo da concesión do 1º premio ao blog educativo "Bibliocabe" realizado polas profesoras do centro, Beatriz Gonzáles e Mª Luz Paramio. Ao acto asistiron, Suso Verao, en representación do centro, Beatriz González e Mª Luz Paramio.

D. Mario Bedera, Secretario de Estado de Educación e Formación Profesional e D. Miguel Soler, Director Xeral de Formación Profesional, que presidiron o acto, ootorgaron os galardóns correspondentes aos autores e aos centros que foron premiados.

Picando na imaxe, podes acceder ao video que o ministerio de educación ten colgado na súa web. O acto no que saen os nosos galardonados comenza a partires do minuto 24.

A Consellería de Educación fixo público a resolución provisional dos premios á innovación educativa para profesorado de centros educativos de ensino non universitario.

Entre os agraciados está o proxecto do blog "Tictiza" coordinado pola profesora de Língua Castelán e Literatura do centro, Mª Luz Paramio Gutiérrez.

No mes de marzo botou a andar o blog da biblioteca, Bibliocabe, con motivo dun curso realizado por un grupo de profesores do centro. Dende entón, as súas administradoras, Mª Luz paramio e Beatriz González, non pararon de realizar diversas actividades na biblioteca que se ven reflectidas e actualizadas no blog.

Bibliocabe ten xa 10 anos de vida e a administradora e encargada da Biblioteca dende hai varios anos, Flor Rodríguez Lemos, continúa a dar conta en dito blog das numerosísimas actividades de dinamización que se realizan no noso centro.

---