BANCO DE LIBROS DA ANPA DO IES PONTEPEDRIÑA

Estimadas familias:

            A ANPA pon  en marcha, de novo, o Banco de libros. Este ano coa particularidade da existencia de DOUS BANCOS DIFERENTES:

·                       O BANCO  DE LIBROS da ANPA,  que funcionará de xeito similar a anos anteriores, e

·                       O Fondo Solidario de Libros para  2º e 4º  de ESO creado pola Xunta cos libros  procedentes da devolución do “cheque” do curso 2014/2015, que xestionará o Instituto.

·                       Organizar isto vai ser máis complexo ca nunca, polo que É MOI IMPORTANTE aclarar:

-        OS LIBROS ADQUIRIDOS CO CHEQUE DEBERÁN SER ENTREGADOS AO INSTITUTO.

-        O RESTO DOS LIBROS  PODERÁN ENTREGARSE AO BANCO DE LIBROS DA ANPA(*)

    *recollemos só os libros que non cambian para o curso 2015-16, consultade o listado.

As datas para previstas para o BANCO DE LIBROS DA ANPA son:

En xuño:

·                     Data para a recollida dos libros de texto: día 23 de xuño entre as 11:00h. e as 14:00h.

·                     Data para a entrega dos  libros de  texto: día 30 de xuño entre as 17:00h. e as 20:00h.

En setembro  (confirmarase no taboleiro de anuncios do instituto en setembro):

·                     Data para a recollida dos libros de texto: día 4 de setembro entre as 11:00h. e as 14:00h.

·                     Data para a entrega dos libros de texto:   día 8 de setembro entre as 17:00h. e as 20:00h.

Se estades interesados e non podedes pasar nas datas sinaladas poñédevos en contacto coa ANPA no Correo-e: anpa.pontepedrina@yahoo.es

O BANCO DE LIBROS DA ANPA ESTÁ DESTINADO AO ALUMNADO DA ESO, SE BEN O ALUMNADO DE BACHARELATO PODE SERVIRSE DAS HORAS E DOS DÍAS DO BANCO DE LIBROS PARA CONTAREN COA NOSA COLABORACIÓN.

Colabora con nós e faite socio!  Moitas grazas   A ANPA

BANCO DE LIBROS DA ANPA DO IES PONTEPEDRIÑA

Estimadas familias:

            A ANPA pon  en marcha, de novo, o Banco de libros. Este ano coa particularidade da existencia de DOUS BANCOS DIFERENTES:

·                       O BANCO  DE LIBROS da ANPA,  que funcionará de xeito similar a anos anteriores, e

·                       O Fondo Solidario de Libros para  2º e 4º  de ESO creado pola Xunta cos libros  procedentes da devolución do “cheque” do curso 2014/2015, que xestionará o Instituto.

·                       Organizar isto vai ser máis complexo ca nunca, polo que É MOI IMPORTANTE aclarar:

-        OS LIBROS ADQUIRIDOS CO CHEQUE DEBERÁN SER ENTREGADOS AO INSTITUTO.

-        O RESTO DOS LIBROS  PODERÁN ENTREGARSE AO BANCO DE LIBROS DA ANPA(*)

    *recollemos só os libros que non cambian para o curso 2015-16, consultade o listado.

As datas para previstas para o BANCO DE LIBROS DA ANPA son:

En xuño:

·                     Data para a recollida dos libros de texto: día 23 de xuño entre as 11:00h. e as 14:00h.

·                     Data para a entrega dos  libros de  texto: día 30 de xuño entre as 17:00h. e as 20:00h.

En setembro  (confirmarase no taboleiro de anuncios do instituto en setembro):

·                     Data para a recollida dos libros de texto: día 4 de setembro entre as 11:00h. e as 14:00h.

·                     Data para a entrega dos libros de texto:   día 8 de setembro entre as 17:00h. e as 20:00h.

Se estades interesados e non podedes pasar nas datas sinaladas poñédevos en contacto coa ANPA no Correo-e: anpa.pontepedrina@yahoo.es

O BANCO DE LIBROS DA ANPA ESTÁ DESTINADO AO ALUMNADO DA ESO, SE BEN O ALUMNADO DE BACHARELATO PODE SERVIRSE DAS HORAS E DOS DÍAS DO BANCO DE LIBROS PARA CONTAREN COA NOSA COLABORACIÓN.

Colabora con nós e faite socio!  Moitas grazas   A ANPA

https://www.change.org/p/conselleria-de-educacion-da-xunta-de-galicia-volver-ao-sistema-de-prestamo-universal-de-libros-de-texto-en-galicia

A Equipa de Normalización Linguística e a ANPA do IES Pontepedriña convídante á representación da obra de teatro “HISTORIAS”, dirixida por Fran Rei e protagonizada por alumnado do instituto.

Vindeiro  mércores  día 6 de maio ás 20:00 horas  na  sala  de  usos  múltiples  do  Centro.

Agardámoste.

actividade subvencionada por:

Vindeiro  mércores  día 6 de maio ás 20:00 horas  na  sala  de  usos  múltiples  do  Centro.

Agardámoste.

Actividade subvencionada por

COMUNICADO  DA ANPA DO IES PONTEPEDRIÑA INVITANDO Á COMUNIDADE ESCOLAR A SUMARSE Á MOBILIZACIÓN EN DEFENSA DO GALEGO QUE O VINDEIRO DOMINGO 8 DE FEBREIRO VAI CELEBRARSE EN COMPOSTELA, CONVOCADA POLA PLATAFORMA QUEREMOS GALEGO!

Os nosos fillos e fillas, mocidade galega do século XXI, non senten a necesidade de falar galego, pois na sociedade actual calquera xove pode desenvolverse sempre en castelán ou mesmo en inglés en todos os ámbitos e lugares polos que se move. A potenciación destas dúas linguas hexemónicas no mundo leva consigo o abandono de linguas como o galego. Como nais e pais galeg@s, esta situación alármanos.

Hoxe, calquera mozo ou moza que realizara os seus estudos obrigatorios en Galicia está en condicións de usar oralmente e na escrita a lingua galega e, se non o fai, é por unha destas dúas razóns: ou ben porque non o precisa, porque tamén está en condicións de usar o castelán e por economía escolle a que lle vale para todo; ou ben porque, aínda querendo usar o galego, sendo un falante consciente da situación da lingua propia de Galicia, resúltalle imposible na sociedade actual poder vivir en galego, a non ser que estea disposto a ir sempre contracorrente e a reclamar unha e outra vez os seus dereitos, até o esgotamento ou a frustración. Como nos leva pasando ás nais e pais do estudantado galego desde que nós eramos tamén estudantes.

Ao galego pásalle como ao carballo. Se de cada mil plantacións só dez son de carballo e no resto plántase eucalipto, os carballos están, antes ou despois, condenados á desaparición, por moita vontade e afán que poñan no seu coidado os individuos que os plantan. Só se os poderes públicos median, primeiro, formando en conciencia ecolóxica, despois, protexendo, e, finalmente, incentivando as plantacións de carballo, só así, os carballos poderán recuperar os terreos usurpados polos eucaliptos. Só con vontade política pode mudar esta situación, senón non haberá futuro para o galego … nin para os carballos!

Vivimos nun mundo plurilingüe no que a diversidade é a característica máis salientable. O raro é atopar un estado no que só haxa unha lingua. Non respectar esa diversidade lingüística supón destruír a diversidade cultural do planeta e a sabedoría ancestral dos seus pobos, aínda máis, supón destruír a variedade dos pobos que habitan este planeta. Camiñar cara á redución desa variedade é camiñar cara a uniformización cultural, cara a unha única lingua hexemónica, cara a unha única cultura e cara a unha única forma de entender a realidade e de estar no mundo, é dicir, supón camiñar cara ao pensamento único, eliminando aquilo que nos fai diferentes e que nos fai ser o que somos, galegos e galegas.

Chegou a hora de lembrarlles aos nosos representantes políticos que, se existen, se traballan no Parlamento de Galicia e na Xunta de Galicia é só por obra e graza do galego. Sen a lingua propia de Galicia ningunha destas institucións terían sentido, ningún dos seus cargos políticos terían sentido.  Están obrigados, por mandato constitucional e estatutario, a protexer, dinamizar, fomentar e, sobre todo, a normalizar a lingua propia de Galicia, o galego.

máis información: http://www.queremosgalego.org

DATOS SOBRE O LABOR DO GOBERNO GALEGO EN RELACIÓN Á LINGUA GALEGA

Todos os estudos dan conta da perda acelerada de galego falantes e confírmano os datos máis recentes do informe do INSTITUTO GALEGO de ESTATÍSTICA, no que se constata que o 75% de menores de 15 anos non falan nunca en galego.  Pola contra, as medidas adoptadas polo Goberno Galego en relación coa lingua foron:

1.    Eliminación da proba de galego para acceder á función pública.

2.    Eliminación das axudas económicas ás liñas en galego en educación infantil, posteriormente suprimidas.

3.    Posta en marcha das “enquisa trampa” ás familias para escoller a lingua dos seus fillos/as no ensino público.

4.    Desmantelamento das galescolas.

5.    Redución dos premios aos proxectos de innovación en lingua galega e recortes aos equipos de normalización lingüística.

6.    Aprobación do novo Decreto de Plurilingüismo (que conta con sentenzas en contra e cun mandato do TSXG para que a Xunta execute esas sentenzas, pero o Goberno Galego segue a ollar para outro lado).

7.    Eliminación da palabra ‘normalización’ do nome dos equipos, substituída por dinamización lingüística.

8.    Prohibición de impartir Matemáticas, FeQ e Tecnoloxía na nosa lingua (polo que, en plena crise dilapidáronse entre 5 e 8 millóns de € para comprar libros en español nesas materias).

9.    Publicación da Orde de Centros Plurilingües (como estratexia para reducir a presenza da nosa lingua fronte ao inglés).

10. Aprobación da LOMCE e todos os seus decretos contrarios á normalización das linguas cooficiais.

ESTIMADAS FAMILIAS.:

O VINDEIRO DÍA 25-11-2014 EN HORARIO DE 17-20 HORAS CELÉBRANSE AS ELECCIONS AO CONSELLO ESCOLAR.

QUEREMOS FACER UN CHAMAMENTO Á PARTICIPACION DOS PAIS E NAIS NA ELECCION DOS SEUS REPRESENTANTES NO ÓRGANO PRINCIPAL DE XESTIÓN E ORGANIZACIÓN DA VIDA DO NOSO CENTRO.

A VOSA VOZ É NECESARIA. PARTICIPADE!

INFORMACIÓN ÁS FAMILIAS DO ALUMNADO DO IES PONTEPEDRIÑA

Estimadas familias:

            Queremos informarvos de que, desde o ano 2010, o noso centro ven demandando da Consellería de Educación arranxos e obras en distintos espazos do mesmo, especialmente no que a humidades e filtracións se refire. Ante a falta de resposta por parte dos seus responsables, aceptamos en Consello Escolar a implicación da ANPA nesta demanda e na denuncia da situación en que se atopa o centro. En consecuencia, pola nosa parte dirixiremos un escrito á Unidade Técnica e á propia Conselleria solicitándolle a realización das obras e arranxos que o instituto precisa. En caso de chegarmos a Setembro sen resposta, convocaremos unha asemblea da soci@s para informarvos da situación e adoptar novas medidas.

Por outra banda, tamén queremos informarvos de que a ANPA pon  en marcha, de novo, o Banco de libros. Esta iniciativa consiste en que se poden entregar os libros utilizados  este curso polos  vosos fillos e fillas e, a  cambio, pódense recibir os libros do próximo curso. Por exemplo, eu entrego os libros da miña filla de 3º ESO e, a cambio, recibo os de 4º ESO doutra nen@ que tamén os teña entregado. NON PODEMOS ASEGURAR QUE TODO O MUNDO QUE ENTREGUE LIBROS RECIBA TANTOS LIBROS COMO ENTREGA, ISTO DEPENDERÁ DO NÚMERO DE INTERESAD@S EN PARTICIPAR NESTE INTERCAMBIO.

Como podedes imaxinar, organizar isto non é un proceso sinxelo e require da boa vontade e colaboración de todas as persoas interesadas. O máis importante é pensar que podemos entregar os libros que xa non imos necesitar e permitir que outra persoa os utilice antes que almacenalos para os nosos netos ou tiralos á cacharela. É unha cuestión de solidariedade!

A ANPA tomará nota das persoas que entreguen libros.   Posteriormente, os libros recibidos de cada curso repartiranse entre as persoas que entregaran os do curso anterior. En caso de que non haxa libros suficientes para repartir entre os participantes, o criterio para o reparto virá marcado pola orde de chegada dos interesados. Tratarase de favorecer o reparto do maior número de libros posibles entre os participantes. Favorecerase que chegue algún libro a todos os participantes e non un lote completo a uns poucos. 

Este curso recolleremos nós todos os libros (os que entregamos o curso pasado e os que entreguedes os que esteades dispostos a participar); ademais, recolleremos os libros de todas as materias, pois non haberá cambios nos mesmos de cara ao curso que ven.  As datas para a recollida de libros son:

En xuño:

·        Data para a recollida dos libros de texto: día 27 de xuño entre as 10:00h. e as 14:00h.

·        Data para a entrega de libros de texto: día 30 de xuño entre as 18:00h. e as 21:00h.

En setembro:  

·        Data para a recollida dos libros de texto: día 5 de setembro entre as 10:00h. e as 14:00h.

·        Data para a entrega de libros de texto: día 8 de setembro entre as 18:00h. e as 21:00h.

SE ALGUNHA PERSOA ESTIVESE INTERESADA E  NON PUIDESE PASAR POLO INSTITUTO NOS DÍAS SINALADOS, NAS HORAS INDICADAS, PODE POÑERSE EN CONTACTO COA ANPA :

Ø  TEL:          639975156 (Sofia)      /           663588556 (Luísa)

Ø  Correo-e: anpa.pontepedriña@yahoo.es /      http://www.edu.xunta.gal/centros/iespontepedrina/

O BANCO DE LIBROS DA ANPA ESTÁ DESTINADO AO ALUMNADO DA ESO, SE BEN O ALUMNADO DE BACHARELATO PODE SERVIRSE DAS HORAS E DOS DÍAS DO BANCO DE LIBROS PARA CONTAREN COA NOSA COLABORACIÓN.

Moitas grazas pola vosa colaboración!                                    A ANPA

CINE-FORUM: O ACOSO ESCOLAR

Convidámosvos a participar na seguinte actividade o martes 1 de abril, ás 18:30h.

 v Visionado da película COVARDES.

v Coloquio, a partir da película, sobre o acoso escolar: as causas, as consecuencias, as posibles solucións, o papel das familias, o papel do centro escolar….