Blogues
COLABORACIÓN COA ASOCIACIÓN VECIÑAL PONTEPEDRIÑA
Enviado por anpapontepedriña o Mar, 19/01/2016 - 05:36
Estimadas familias veciñas ou usuarias do barrio de Pontepedriña:
Os cursos de fotografía a cargo de Víctor Barro (http://www.fotosconletra.com/) son unha das moitas actividades que se veñen desenvolvendo no Centro Socio Cultural de Pontepedriña. Como é lóxico, en moitas ocasións, os alumnos e alumnas fan as súas prácticas nas inmediacións do barrio, polo que xurdiu a posibilidade de facer unha exposición coas fotografías que estas alumnas e alumnos realicen.
Un dos aspectos que máis nos interesa aos representantes da asociación é retratar o día a día do noso barrio e retratalo coma un barrio vivo, un lugar no que conviven xentes de todas as idades e condicións. Veciñas e veciños que nos atopamos na rúa, que saímos a traballar, a comprar, a facer deporte ou a tomar algo nun bar... pequenas e pequenos que xogan no parque, que van ao colexio, mozas e mozos que estudan no instituto, maiores que pasean sós ou acompañados...
Tamén nos interesa conectar o pasado do barrio co presente e as súas xentes, polo que é posible que expoñamos algunhas das fotografías históricas do barrio contrastándoas co presente.
O obxecto desta exposición fotográfica, que se custearía con fondos da asociación, é amosala no Centro Sociocultural e, posiblemente, no Facebook da Asociación ( https://www.facebook.com/pontepedrina.asocvecinal) para disfrute da veciñanza.
Para levar a cabo este proxecto precisamos da súa colaboración, xa que para fotografar persoas recoñecibles, máis aínda menores e dependentes, necesitamos unha autorización de cesión de imaxe dos titores. Por elo, rogámoslle que se desexan participar nesta actividade nos fagan chegar a través dos responsables dos centros educativos e/ou residencia a cesión que se adxunta. Tamén poden depositala na caixa de correos da asociación que está ao lado da entrada principal do centro socio cultural. Moitas grazas pola súa colaboración e apoio.
En Santiago de Compostela, a 8 de decembro de 2016
Asdo: Susana Losada Soto
Presidenta da Asociación Veciñal Pontepedriña
Pódese descargar o formulario no documento adxunto
CORRIXIMOS
Enviado por anpapontepedriña o Xov, 29/10/2015 - 13:34O vindeiro martes 3 de novembro arranca o obradoiro de teatro, en horario de 15:15 - 16:15.
AÍNDA ESTÁS A TEMPO DE PARTICIPAR. APÚNTATE!
CORRIXIMOS!
Enviado por anpapontepedriña o Xov, 29/10/2015 - 13:33O vindeiro martes 3 de novembro arranca o obradoiro de teatro, en horario de 15:15 - 16:15.
AÍNDA ESTÁS A TEMPO DE PARTICIPAR. APÚNTATE!
ARRANCA O TEATRO
Enviado por anpapontepedriña o Xov, 29/10/2015 - 13:24O vindeiro martes 2 de novembro arranca o obradoiro de teatro, en horario de 15:15 - 16:15.
AÍNDA ESTÁS A TEMPO DE PARTICIPAR. APÚNTATE!
OBRADOIRO DE TEATRO
Enviado por anpapontepedriña o Mér, 14/10/2015 - 03:49
OBRADOIRO DE TEATRO
A Equipa de Normalización Linguística e a ANPA do IES Pontepedriña poñen a andar un ano máis o obradoiro de teatro, os martes en horario de 15:15 - 16:15.
Os alumnos interesados deberán poñerse en contacto con Víctor.
A actividade é libre e gratuíta para todo o alumnado, pero animámosvos a facervos socios para continuar facéndoa sostible. Grazas.
COTA SOCI@ 2015-16
Enviado por anpapontepedriña o Lun, 05/10/2015 - 03:51A cota de socio/a é de 20€ por familia, podendo realizarse o pagamento en prazos ou adiarse a calquera momento do ano escolar en curso.
Podedes descargar o modelo no ficheiro adxunto
ASEMBLEA ORDINARIA
Enviado por anpapontepedriña o Lun, 05/10/2015 - 03:11NAIS, PAIS E/OU TITORES DO ALUMNADO DO IES PONTEPEDRIÑA:
Desde a directiva da ANPA Amor Ruibal, convocámosvos a unha asemblea ordinaria coa seguinte orde do día:
CONVOCATORIA ORDINARIA
Día e hora: mércores, 7 de outubro de 2015 ás 19:00h. en primeira convocatoria e ás 19:30h. en segunda.
Puntos da orde do día:
· Aprobación, se procede, da acta da asemblea anterior.
· Aprobación, se procede, das contas 2014-15 e orzamento previsto para o curso 2015-16.
· Modificación da Xunta Directiva: dimisión da secretaria e elección de novo representante.
· Avaliación das actividades realizadas:
- Obradoiro de teatro
- Banco de libros
· Inicio do curso: Libros, dotación de profesorado, obras, camiños escolares. Toma de decisións se procede.
· Rogos e preguntas.
Orlas do alumnado Curso 2015-2016
Enviado por anxa o Ven, 25/09/2015 - 08:04Nos arquivos inferiores están as orlas do alumnado.
LIBROS DE TEXTO
Enviado por anpapontepedriña o Mar, 22/09/2015 - 10:01BANCO DE LIBROS DA ANPA
Enviado por anpapontepedriña o Mar, 01/09/2015 - 14:58
BANCO DE LIBROS DA ANPA DO IES PONTEPEDRIÑA
Lembrade que en SETEMBRO as datas para o banco de libros da Anpa son as seguintes:
· Data para a recollida dos libros de texto: día 4 de setembro entre as 11:00h. e as 14:00h.
· Data para a entrega dos libros de texto: día 8 de setembro entre as 17:00h. e as 20:00h.
Se estades interesados e non podedes pasar nas datas sinaladas poñédevos en contacto coa ANPA no Correo-e: anpa.pontepedrina@yahoo.es
- « primeira
- ‹ anterior
- …
- 13
- 14
- 15
- 16
- 17
- 18
- 19
- 20
- 21
- seguinte ›
- última »