Skip to Content

Charla

Conferencia "Mitos románticos, violencia de xénero e estereotipos nas series para adolescentes"

Dom, 23/02/2020 - 15:57 — karina
O pasado xoves 13 de febreiro, o alumnado de 1º de BAC acudimos a unha conferencia que tiña como título: “MITOS ROMÁNTICOS, VIOLENCIAS DE GÉNERO Y ESTERIOTIPOS EN LAS SERIES PARA ADOLESCENTES”.
A conferencia foi impartida por María José Masanet, unha profesora da Universidade de Barcelona. Ela ten o doutorado de audiovisuais e telecomunicacións e adícase a analizar diversas cuestións entre elas das que nos falou. A idea principal desta conferencia foi como analizar os mitos románticos, a violencia de xénero e os estereotipos de personaxes de series para adolescentes, actuais ou pasadas. A dinámica da conferencia foi a seguinte: a través de pequenos fragmentos destas series e foros de comentarios das mesmas, fomos comentando o contido do amor romántico, irracional… O ideal de amor mostrado nas obras para adolescentes provocou o surdimento de creenzas falsas sobre o que é, e o que non, unha relación afectiva saudable. A ponente advirtíu ter moito ollo, ser críticos, e ensinou a detectar o mito do amor romántico, as relacións amorosas prexudiciais e tóxicas.

Conferencia "Series de televisión e mitos románticos" a cargo de Masanet

Mar, 04/02/2020 - 17:35 — karina
María José Masanet (Doutora en Comunicación Social e licenciada en Comunicación Audiovisual. Profesora da Universitat de Barcelona) impartirá unha conferencia sobre Series de televisión e mitos románticos destinada ao alumnado de 1º de Bach o vindeiro xoves 13 de febreiro.
  • 606 lecturas

Presentación do libro "Navegando a bordo do San Lorenzo de Foz"

Mar, 21/01/2020 - 17:38 — karina
Antón Niñe naceu no concello de Barreiros en 1958. Foi durante moitos anos profesor de Relixión no IES Perdouro de Burela, tamén é autor de libros e foi presidente da A.C. Os Matos de Burela.
En outubro publicou un libro titulado Navegando a bordo do San Lorenzo de Foz. O seu libro ten 5 capítulos e conta a historia dun barco de cabotaxe. Dedicou varios anos a investigar nos arquivos do barco, nas bibliotecas e a falar cos tripulantes. Escribiu este libro para gardar a memoria do barco, de seu pai (que foi patrón do mesmo) e dar a coñecer desta embarcación.
O barco foi construído en 1944 nun estaleiro de Asturias e despezárono en 1965. Navegou 21 anos, 19 deles seu pai estivo a bordo, 4 de mariñeiro e 15 de patrón. Como era un barco de cabotaxe transportaba moitos tipos de mercadorías como madeira ou cemento. O barco levaba 9 tripulantes entre o patrón, o fogoneiro, o cociñeiro e os mariñeiros.

David Val Pena fálanos da súa viaxe en bicicleta

Sáb, 09/11/2019 - 16:38 — karina
O martes 8 de outubro David Val Pena, locutor en Radio Foz, veunos contar ao alumnado de 3º e 4º de ESO a súa impresionante viaxe polo mundo que narrou no libro "Un nómada en bicicleta. Pedaleando alrededor del mundo" (LAR Libros. Serie Vivencias. Viveiro 2018), unha vaixe duns 19.000 kilómetros por 20 países en 13 meses.
Para comezar, púxolle nome á súa bicicleta. Chamoulle Quiscolina, porque levaba a casa nela, co cal só podía levar o importante e imprescindible. David marcouse esa ruta porque leu un libro de Xurxo Mariño e decidiu facela. Fíxoo sen adestrar, só cunha boa bicicleta e boas rodas e en toda a viaxe só tivo que poñer un parche. El, ademais, non ten coche polo que anda en bici habitualmente. A bicicleta baleira pesaba 20 kg e coas cousas pesaba 147 kg. De Foz a Francia xa adelgazou 6 kg, polo que foi deixando pertenzas polo camiño, porque se deu conta de que non podía transportar tanto peso. Tamén influíu a dificultade do camiño. Por exemplo, tivo que baixar 1200 chanzos coa bicicleta.

Mulleres negras na ciencia

Sáb, 26/10/2019 - 14:15 — karina
O día 27 de setembro de 2019 visitounosZinthia Álvarez Palomino. Os alumnos/as de 1º e 2º de ESO acudimos á biblioteca para que nos falara do seu libro titulado Mujeres negras en la ciencia dentro dunha iniciativa chamada Mujeres negras que cambiaron el mundo, un proxecto para dar visibilidade a mulleres negras e afrodescendentes.


 

No libro aparecen 12 microbiografías de mulleres afrodescendentes que fixeron historia na ciencia xa que as súas aportacións cambiaron o mundo.
Estas mulleres revolucionaron a Historia grazas á súa determinación, esforzo e valentía pero aínda hoxe non son coñecidas por unha inmensa maioría da poboación.
Algunhas destas mulleres eran astronautas, químicas, enxeñeiras ou inventoras.
Só cinco delas seguen vivas na actualidade. 

Accede ao albúm de fotos aquí.
Unai García – 1º ESO B

 

  • 596 lecturas

Conferencia Especial Día das Letras Galegas - Antón Fraguas

Sáb, 11/05/2019 - 18:57 — karina
O profesor Amancio Liñares Giraut impartiu unha conferencia sobre a figura homenaxeada das Letras Galegas deste ano, Antón Fraguas. Falounos da infancia do historiador, antropólogo e xeógrafo no Concello de Cotobade, dos seus estudos en Santiago, das persoas que coñeceu e que foron influentes para el. A partir da información recibida, o alumnado de 2º de ESO que tomou nota de todo, terá que elaborar unhas presentacións sobre o historiador e defensor da lingua.
Accede á reportaxe fotográfica aquí.
  • 1327 lecturas

Conferencica sobre Antón Fraguas Fraguas

Xov, 09/05/2019 - 21:34 — karina

O profesor Amancio Liñares Giraut dará unha ponencia sobre o autor homenaxeado nas Letras Galegas deste ano. Falaralle ao alumnado de 2º de ESO sobre a vida e obra de Antón Fraguas Fraguas.

 

 

  • 1106 lecturas

Acoso Escolar do Plan Director

Lun, 06/05/2019 - 16:10 — karina
O 14 de marzo o alumnado de 3º ESO tivemos unha charla que comezou ás 12:20 e rematou ás 14:00 h. Falaba sobre o acoso escolar e estaba impartida polo Ramón Peña e Héctor Méndez, formadores da Garda Civil de Lugo, dentro do programa do Plan Director para a convivencia e mellora da seguridade.


Empezaron por poñernos un "videoclip" dunha canción chamada... seguir lendo a crónica de Eva Fernández Riveira de 3º ESO B no blogue de Perdourando.

  • 949 lecturas

Computación evolutiva

Xov, 02/05/2019 - 13:08 — karina
O martes 12 de marzo alumnos de 1º BAC A, 4º de ESO e tamén dous de 2º BAC asistimos a unha actividade sobre a computación evolutiva que impartiron Alberto e José María, profesores da Escola Técnica Superior de Enxeñaría da USC no Grao de Enxeñaría Informática e Robótica.
O taller dividiuse en catro partes, empezando por unha charla introdutoria na que se falou da intelixencia articifial, que se basea nas tecnoloxías das linguaxes naturais (as linguas que lles serven aos humanos para comunicarse na vida cotiá) e consiste en que as máquinas poidan razoar, encontrar solucións a problemas e aprender dos erros. 
 
 
  • 1557 lecturas

1º ESO - Charla sobre novas tecnoloxías e as redes sociais

Mér, 27/02/2019 - 21:36 — karina
Dentro do  Plan Director para a convivencia e a mellora da seguridade escolar nos centros educativos e nos seus contornos, Ramón Peña, formador da Garda Civil de Lugo, informou e asesorou o noso alumnado de 1º de ESO no manexo e uso responsable de internet en diferentes dispositivos informáticos como poden ser os ordenadores, teléfonos ou tablets nunha charla impartida o pasado mércores 13 de febreiro.
 
O axente Peña expúxonos nun vídeo moi didáctico e moi claro os perigos que hai ao falar con descoñecidos polas redes. Noutro vídeo, obserbamos como existen mafias que se fan pasar por adolescentes para pedirnos fotografías. E o peor é que se non pagamos, compartirían as fotos. Por iso, o consello foi o de ter moito coidado coas fotos, vídeos… que enviamos.
Outro perigo está no Instagram. Se temos a conta privada non deixamos pasar a todo o mundo; pero se a deixamos aberta, estamos desprotexidos.
Escoitamos consellos sobre como crear os contrasinais. Estes deben ser seguros, mesturando letras e números e nunca debemos usar a mesma para todas as aplicacións.
Outro posible perigo é co xogo do Fortnite. Están creados para que gastemos moito diñeiro.
Por último, anotamos un número de teléfono ao que debemos chamar en caso de apreciar algún periogo. Este é o 900.11.61.17 e está dispoñible os 365 días do ano. 
Paula López Calvo – 1º B
  • 1395 lecturas

Día de Rosalía de Castro - Encontro con Antía Yáñez

Sáb, 23/02/2019 - 18:11 — karina
Onte estivo Antía Yáñez, ex alumna do centro e enxeñeira de Camiños, visitando o seu colexio da infancia e os institutos de Burela. Antía foi recibida na biblioteca por un grupo de alumnos e alumnas de 1º de ESO  que leron varios poemas de Rosalía de Castro. A Continuación deuse paso á lectura do Manifesto do Día de Rosalía de Castro a cargo do alumnado de 1º CS Administración e Finanzas. Logo a escritora e convidada do día contestou a unha batería de preguntas que lle tiña reservada o alumnado de 2º de ESO sobre a súa participación en certames literarios, a súa formación como escritora nobel, a súa inspiración á hora de escribir, temática, persoaxes, a súa paixón pola lectura dende moi pequena. Preguntaron tamén pola segunda parte do Misterio de Portomarín (Galaxia, 2016) que se chamará o Misterio do Torques de Burela. Falou da súa novela para adultos Senlleiras  (Galaxia, 2018) e da obra infantil A Reconquista (Baia, 2018), merecedora do premio Fina Casalderrey pola Igualdade. Tamén anunciou próximas publicacións pendentes como Be water. No final do encontro, houbo tempo para as dedicacións e Antía asinou uns cantos exemplares. 
Foi un acto emotivo no sentido de que Antía, alumna do centro, usuaria da biblioteca e oínte de moitas charlas que organizamos, se convertise en protagonista esta vez e blanco de todas as miradas entre as paredes que a viron medrar.

Accede á reportaxe fotográfica aquí. 

Tamén podes escoitar o programa especial que fixemos en Radio Burela previamente a súa visita sobre Antía Yáñez.


  • 1203 lecturas

Día de Rosalía de Castro con Antía Yáñez

Mar, 19/02/2019 - 10:55 — karina

VISITA DA ESCRITORA VENRES 22 de 12:30 a 13:15h (ver PDF)

  • Lectura do manifesto da AELG a cargo do alumnado de 1º CS Administración e Finanzas
  • Video Recital "Recordando a Rosalía" a cargo do alumnado de 1º de ESO
  • Entrevista a Antía Yáñez a cargo do alumnado de 2º de ESO 
 
  • 1448 lecturas

Obradoiro de linguaxe publicitaria

Lun, 17/12/2018 - 22:04 — karina
Desde a Escola Galega de Consumo, viñeron a pasado 20 de novembro ao centro a falarnos sobre publicidade e ensináronnos que a linguaxe publicitaria agocha moitos segredos:

-As liñas da publicidade ... seguir lendo a crónica de Laura Ares Rodríguez no blogue de Perodurando.
  • 1180 lecturas

O noso instituto cumpre 40 anos

Ven, 26/10/2018 - 16:33 — karina
O día 8 de outubro visitounos un antigo profesor do centro, Antón Niñe, moi activo nas actividades do IES Perdouro para falarnos da historia do noso centro. 
Contounos que hai moitos anos en Burela había moitos problemas para ir ao instituto porque a xente se tiña que desprazar a Lugo, Ribadeo ou outros lugares. Pero o 7 de outubro de 1978 todos estes problemas acabáronse. Inaugurouse o noso instituto. A este gran evento acode parte do pobo, o alcalde, representantes da Mariña, etc... Nese primeiro curso só había cinco mestres  - agora xa son uns 60 - .
Daquela o consello escolar dicidiu o nome do noso centro, escolleu o nome por unha praia que hai en Burela. Chamárono IES Perdouro. 
Nestes 40 anos de vida fixéronse moitas actividades:  viaxes culturais (Santiago, Segovia, Mérida,...) intercambios internacionais (Francia, Bélxica, Alemaña, Italia, Turquía), convivencia no Monte Castelo, viaxe ao Congreso dos Deputados, Camiño de Santiago, etc ....
 
Accede a reportaxe fotográfica aquí.
 
Crónica de Manuela Seijo Rolán - 1º ESO C
  • 1889 lecturas

Coloquio con ex-parlamentarios dos tres grupos políticos

Xov, 25/10/2018 - 16:40 — karina
O Dpto. de Xeografía e Historia programou o encontro anual entre 3 ex-parlamentarios e os alumnos de 3º de ESO. A actividade enmarcase dentros das actuacións promovidas polo Parlamento de Galicia e pola Asociación de Exparlamentarios/as. A charla-coloquio tivo lugar esta mañá, xoves 25 de outubro, na biblioteca do IES Perdouro.
 
Neste acto participaron os exdeputados Alberte Xullo Rodríguez Feixóo (BNG), Sergio López García (PPdeG) e Ismael Rego González (PSdeG-PSOE).Logo dunha breve presentación, os ex-parlamentarios mantiveron cos alumnos un coloquio moderado por Toño Blanco, Xefe de Dpto. de Xeografía e Historia.
 
Esta charla-coloquio ten como finalidade que os alumnos do centro educativo coñezan o Parlamento de Galicia. Con ese fin, os exparlamentarios relataron en qué consisten as funcións da Cámara autonómica, a súa composición e órganos, e contestaron as preguntas dos asistentes, algunhas delas comprometidas e de actualidade como os incendios en Galacia ou a declaración unilateral de independencia de Cataluña e de difícil resposta.  Previamente o encontro, os alumnos visionaron unha proxección audiovisual, que fai un percorrido pola realidade da principal.
 
Accede ás fotos do noso albúm aquí.
  • 1273 lecturas
Distribuir contido


by Dr. Radut