Skip to Content

Charla

Comeza o mes da ciencia en galego

Xov, 03/11/2022 - 19:44 — miruca
Novembro é o mes da ciencia en galego. 

Desde Igaciencia ofrécennos unha serie de videoconferencias:  

      • O verán do 2022, extremos climáticos sen control? "De como as ciencias básicas poden axudar a predicir o clima" Francisco Díaz-Fierros Viqueira, catedrático de Edafoloxía e Química Agrícola da USC, da RAGC. Día 4 de novembro, ás 12 horas.
      • Mergullámonos no óceano do futuro? Emilio Fernández Suárez, catedrático de Ecoloxía da Universidade de Vigo. Día 21 de novembro, ás 12 h.
      • A pegada do home e os seus efectos na xeomorfoloxía de Galicia. Dr. Fran Canosa, divulgador da Xeoloxía de Galicia. Día 25 de novembro, ás 12 h. 
      • Cambio climático e sistema alimentario. Por Dr. Luís Díaz Allegue, investigador. Día 28 de novembro, ás 12 horas.
 
A primeira é xustamente o venres 4 de novembro, Día da Ciencia en galego. 
 
Este é o ENLACE para conectarvos a un directo de YouTube no que poderedes acceder á videoconferencia "O verán de 2022, extremos climáticos sen control? De como as ciencias básicas poden axudar a predicir o clima". 
 
A partir das 12:00h o profesorado que estea interesado pode acceder á videoconferencia na súa aula. 
  • 75 lecturas

Visita de Camilo Díaz Arias á exposición sobre Ediciós do Castro

Sáb, 01/10/2022 - 17:34 — miruca
A figura polifacética de Isaac Díaz Pardo na voz do seu fillo
 

O pasado xoves 22 de setembro do 2022, o alumnado de 4º da ESO e de Ciclo Medio de Xestión Administrativa, acudimos ao encontro con Camilo Díaz Arias, un dos fillos de Isaac Díaz Pardo.

A súa visita foi ligada á exposición “O Castro tamén na orixe da literatura infantil e xuvenil”, instalada estes días na nosa biblioteca, a cal nos conta o nacemento de Ediciós do Castro en Sada, no ano 1963. Esta editorial sacou á luz 1500 volumes entre os que destaca Memorias dun neno labrego de Xosé Neira Vilas, o máis vendido con 24 edicións tiradas. 
 
Camilo comezou falándonos da importancia que tivo o seu avó, Camilo Díaz Baliño, na traxectoria profesional de Isaac, ata chegar a converterse nunha figura polifacética: pintor, ceramista, deseñador, editor, escritor, empresario, político... 
 
Durante a Guerra Civil Española, Camilo Díaz Baliño fora fusilado polo réxime franquista o que marcou moito a Isaac, quen tamén uns anos máis tarde, tivo que fuxir a Madrid, onde estudou Belas Artes. Anos máis tarde abandona as artes plásticas, e volta a Galicia onde fundou, en 1949, a fábrica de porcelana, Cerámicas do Castro, en Sada. 
 
En 1963 constituíu en Arxentina, xunto con outros destacados galeguistas, como Luis Seoane, o Laboratorio de Formas. Nese país, en concreto na cidade de Magdalena, funda e dirixe a fábrica Porcelanas Celtia. 
 
Dende 1968, funda o Grupo Sargadelos, sendo a dirección e administración do mesmo o seu labor máis coñecido, ao cal destina gran parte dos beneficios para recuperar a cultura galega e a memoria histórica. No centenario do seu nacemento, Sargadelos foi declarado Ben de Interese Cultural, ademais de celebrarse unha exposición na Cidade da Cultura de Galicia titulada “As miradas de Isaac”. 
 
Finalmente, Camilo falounos de Isaac como pai, o cal xogaba con el e os seus irmáns, ideaba papaventos e construía camións de madeira para que puidesen montar neles. 
 
Podedes acceder ás imaxes AQUÍ. 
 
Adriana Polo González 
Damaris Gabriela Popovici 
2º Ciclo Medio de Xestión Administrativa
  • 228 lecturas

Combater as noticias falsas

Ven, 22/04/2022 - 17:08 — karina
Esta mañá, Ángel Vizoso, investigador da Facultade de Ciencias da Comunicación, impartiu unha conferencia sobre noticias falsas. O alumnado de 1º de bacharelato aprendeu a desconfiar das noticias e de aprender a contrastar sempre as fonte da información. O xornalista explicou os intereses que existen destras da desinformación e dos bulos que circulan polas redes sociais con fins ideolóxicos e económicos.
En definitiva, temos que ser escépticos constantemente, ter moita cautela coas fontes descoñecidas ou anónimas e non participar da difusión das noticias falsas.

 

Accede ao álbum de fotografías AQUÍ.

Entrevista a Angel Vizoso na Voz de Galicia (16/05/20)

  • 50 lecturas

Coñece a Ledicia Costas

Mér, 06/04/2022 - 22:26 — miruca
O alumnado de 2º ESO de Investigación e Tratamento da Información elaborou esta pequena presentación sobre a traxectoria de Ledicia Costas, autora tan lida no noso centro e que estará connosco este xoves 7 de abril.
 
  • 115 lecturas

Encontro literario con Ledicia Costas

Dom, 03/04/2022 - 19:19 — miruca
Este xoves recibiremos á escritora Ledicia Costas. É un encontro moi agardado, pois hai dous anos, antes da pandemia, iamos reunirnos con ela e non puido ser. 

Agora, despois destes dous cursos, por fin poderemos compartir con ela as nosas impresións sobre as súas novelas: O corazón de Xúpiter, Unha estrela no vento, Escarlatina, a cociñeira defunta...

Estamos desexando que chegue o día!

 

  • 116 lecturas

8M: Antía Yáñez e a súa novela Senlleiras

Xov, 31/03/2022 - 14:43 — karina
O martes 8 de marzo (Día Internacional da Muller) tivemos a visita de Antía Yáñez, autora do libro Senlleiras que lemos na primeira avaliación de Lingua Galega.

A escritora falounos da orixe deste libro. Un día, escoitando un podcast de “Cuarto Milenio”, oíu que unha muller fora atopada morta e o seu bebé xogando xunto ao cadáver; a isto sumáselle que na última fotografía publicada dela víase unha man pantasma. Por iso, ela decidiu escribir un libro que empezara cunha morte e que os feitos se foran desencadeando ao longo da historia. Nese momento ela sabía pouco da violencia machista mais decidiu entrar nese tema para entendelo mellor. A súa intención era escribir sobre mulleres da súa idade coas que sentirse identificada, xa que o común na literatura é que os papeis protagonistas sexan para homes (como exemplo puxo a Harry Potter, unha das sagas que a introduciron no mundo da lectura, xunto coa serie de libros de “Los cinco”; sobre estes últimos libros contounos que sempre se identificou cunha das protagonistas (Georgina), pero que ela non quería deixar de ser muller para facer o que Georgina facía, posto que a protagonista quería ser un rapaz para correr moitas aventuras). 

Amosounos diversos exemplos sobre o papel da muller na literatura, como o caso da autora de Harry Potter, quen non puxo o seu nome completo nos libros porque, se o público masculino sabía que era unha muller, non os lerían. 

Con respecto á violencia machista, ao longo da charla ensinounos algúns titulares de noticias redactados de maneira agresiva cara ás mulleres, mentres que, no caso dos homes, moitas veces se intentaba diminuír a importancia da situación. A violencia convértese nun circo mediático que parece esconder os agresores e intentar suavizar os delitos que se cometen contra as mulleres. 

Tamén nos presentou algúns dos lugares que aparecen no libro como “Vila Chorima”, que agora está en ruínas e que era o lugar a onde Alana foi servir coa súa nai, e onde vivimos a súa infancia. Tamén falou da Rúa Betanzos e da Praza de Lugo, lugares onde se desenvolvía a vida de Alda e Alana, e o Hotel de Francia, que actualmente é o Blue Coruña. 

Gustoume moito a charla xa que a escritora fusionou temas do libro coa realidade da violencia machista que estamos vivindo na nosa sociedade. 

Podedes acceder ao álbum de imaxes AQUÍ. 

Sandra Lopes Monteiro, 1º BAC-B

  • 43 lecturas

Obradoiro Linguaxe de signos

Mér, 16/02/2022 - 19:26 — karina
O pasado venres 11 de febreiro a Federación de Asociacións de Persoas Xordas de Galicia (FAXPG) impartiu un obradoiro de dúas horas de aproximación á linguaxe de signos destinado ao alumnado de 2º CM de Xestión Administrativa e 1º CS de Administración e finanzas. Informaron sobre o traballo que realizan e concienciaron aos asistentes sobre os problemas que sofren as persoas xordas e como a lingua de signos é unha ferramenta fundamental para superar barreiras comunicativas e sociais do día a día.
Nunha primeira parte máis teórica, Xavier Sánchez Álvarez, logopeda, ofreceu un panorama amplo respecto ao que significa ser unha persoa xorda: tipos de xordeira, detección, modos de actuación (familia, colexio, médicos), principais barreiras ás que se enfrontan e alternativas para solucionar ou adaptarse a esta discapacidade. Ademais, explicou cales son os servizos que ofrece a fundación e en que provincias se encontra.
Na segunda parte máis práctica,  Isabel Pardo Sampayo, persoa xorda, fixo unha breve introdución á linguaxe de signos española e púxoo en práctica. Non todo se comunica co abecedario, utilízanse expresións, movementos, xestos e sobre todo coas mans. Ensinoulles desde adxectivos, días do ano, días da semana, sentimentos e todo con moito humor e alegría que os cativou a todos.
Accede AQUÍ á reportaxe fotográfica.
 
Aurora e Nenúfar, 1º CS de Administración e finanzas
  • 38 lecturas

Encontro con Javier Miranda de Terras de Miranda

Sáb, 18/12/2021 - 17:41 — karina
O pasado 3 de novembro, recibimos no noso centro a Javier Miranda, representante e propietario de “Hortícolas Javier Miranda”, de Riotorto. Veunos falar do seu proxecto empresarial: como foron os inicios do seu negocio, que produtos cultiva e comercializa, como vai rotando os cultivos para evitar a sobreexplotación do solo, o emprego de químicos, dificultades que atopa no seu día a día… Sorprendeunos o novo que é e o ben que fala! Sen dúbida, foi unha actividade moi interesante e que nos conecta co mundo “real” do rural, ademáis de servirnos para profundar no que demos nas clases de Sociais sobre o sector primario.

Fabiana Monteiro Pereira  e Kassandra Soria Febrero, 3º ESO PMAR

  • 139 lecturas

Videoconferencia de Igaciencia – Novembro: mes da ciencia en galego "O que aprendemos da pandemia"

Sáb, 18/12/2021 - 17:01 — karina
O 16 de novembro a doutora e neurocientífica Sonia Villapol falounos sobre o tema da pandemia e un pouco da súa vida fóra de Galicia.

Contounos cousas moi interesantes como a existencia das “Fake News”, noticias que provocan moita desinformación. Acompañou isto cunha mensaxe da OMS (Organización Mundial da Saúde): “Non só loitamos cunha pandemia senón cunha infodemia, debido á abundacia de noticias”.

Charla Bocados da Domus

Xov, 29/04/2021 - 16:54 — karina
O martes 13 de abril o alumnado de 4º da ESO do IES Perdouro tivemos unha charla virtual co museo Domus na cal nos falaron de distintas cuestións sobre a nutrición, a enerxía ou a contaminación.

A visita virtual trataba de relacionar a nutrición cos Obxectivos de Desenvolvemento Sostible (ODS) da ONU, que compromete aos estados membros a actuar en favor de cambios globais e integrados que permitan poñer fin á fame e á malnutrición antes do 2030. Os ODS son 17 obxectivos que directa ou indirectamente están relacionados coa nutrición.

A exposición abordou temas ... seguir lendo a crónica de Mateo Balseiro Santos, 4º ESO-B no blogue Perdourando.
 

  • 116 lecturas

Conferencia Mulleres, enxeñaría e informática

Mér, 28/04/2021 - 16:11 — karina
O pasado mércores día 21 de abril os alumnos e alumnas de 4º da ESO tivemos unha videoconferencia sobre mulleres, enxeñaría e informática que foi impartida por Beatriz Pérez Sánchez, unha profesora da Universidade da Coruña.

A charla poderíase resumir en tres grandes puntos:

  • comentar a baixa presenza das mulleres nesta profesión.
  • os factores de influencia que fan que isto ocorra.
  • as porcentaxes de mulleres nesta clase de profesións.

A conferenciante comezou falándonos dos estereotipos sexistas, primeiro en ... seguir lendo a crónica de Saray Barro Rodríguez, 4º ESO-B no blogue de Perdourando.

  • 94 lecturas

Relevo 2020, proxecto formativo orientado ao sector marítimo pesqueiro

Dom, 31/01/2021 - 17:59 — karina
No marco da II edición do Relevo2020, proxecto formativo orientado ao sector marítimo pesqueiro, o día 25 de xaneiro de 2021 o alumnado de 4º ESO  desfrutou dunha charla sobre os diferentes e diversos traballos relacionados coa actividade pesqueira.

A charla foi impartida por unha oceanógrafa que nos informou sobre cursos e estudos básicos, medios e avanzados para aqueles interesados en desempeñar esta actividade laboral; tamén nos informou dos requisitos económicos e estudos que farían falta para desempeñar os diferentes cursos.

Outro punto da charla a destacar foi o percorrido laboral da conferenciante: pasou de querer facer criminoloxía a ser oceanógrafa.

A charla tivo unha duración dunha hora e resultou interesante para todos nós, informándonos e entreténdonos sobre a vida laboral no mar.

Raúl Fernández Fernández, 4º ESO B

  • 92 lecturas

Charla sobre doazón de órganos e tecidos da Unidade de Transplantes de Órganos de Galicia

Mar, 12/01/2021 - 18:33 — karina
O 17 de decembro de 2020 os alumnos/as de 1º de Bacharelato tivemos unha charla sobre a doazón de órganos e tecidos de ADOS (Axencia de Doazón de Órganos e Sangue). Estivemos acompañados por Marta Álvarez, unha traballadora do centro de transplantes de Galicia e por Delia Lorenzo, unha paciente transplantada.

Para comezar esta charla, Marta explicounos que o transplante de órganos é un tratamento complexo no que se necesita un doante san, sen enfermidades transmisibles, e no que, ademais, un só doador mobiliza cen persoas aproximadamente: ... seguir lendo a crónica de Claudia Liñán Rabost – 1º BAC A no blogue de Perdorurando.

 

  • 82 lecturas

Prevención na violencia de xénero

Mar, 03/03/2020 - 10:28 — karina
O pasado martes 11 de febreiro, o alumnado de 4º da ESO e 1º de FP Básica asistiu á charla impartida por Ana Caleya e Héctor Méndez, especialistas en violencia de xénero da Garda Civil, sobre a importancia de detectar e previr a violencia de xénero dentro das actividdes de sensibilización do Plan Director.
Nela explicáronnos os tipos de violencia que había, tanto a que era visible nos telexornais, que ..... seguir lendo a crónica de Kai Quelle Lombardía - 4º B no blogue de Perdourando
  • 542 lecturas

Obradoiro de Ciberseguranza na Fundación ABanca

Dom, 23/02/2020 - 15:58 — karina
VISITA A LUGO: XINCANA HISTÓRICO-LITERARIA E CHARLA SOBRE PROTECCIÓN DA IDENTIDADE EN INTERNET 
 
O venres 14 de febreiro, o alumnado de 1º ESO fomos a Lugo acompañados por Charo, Santiago, Mª José e Alicia. Saímos ás 10:15h.
... Unha vez en Lugo, fixemos unha xincana. A actividade consistía en facer grupos de 3 ou 4 persoas da mesma clase para buscar as respostas a unhas preguntas polo centro da cidade. Unha das fichas trataba sobre escritores galegos ... seguir lendo a crónica de Fábio de Barros Gomes e Carla Lavinia Martins Sanyang – 1º ESO B no blogue de Perdourando.
  • 468 lecturas
Distribuir contido


by Dr. Radut