Crónica

O equipo de alumnado formado por Alicia Cabarcos e Sonia González do Ciclo Medio de Peiteado e cosmética capilar e Raúl Fraga e Alberto Cabana, estudantes do CS de Mecatrónica industrial, acompañados da directora do IES Perdouro María José Pardiñas, de Fernando López, profesor de Mecatrónica, e de Javier Rouco, coordinador do proxecto INNOVATECHFP 23-24 e profesor de Imaxe persoal, viaxamos ao recinto Expourense para recibir o galardón do programa InnovatechFP 23-24 da Consellería de Educación, que nos outorgou o primeiro premio na final celebrada na mañá de hoxe martes 18 de xuño por ter presentado e defendido un proxecto que deu resposta ao reto empresarial que a marca L’Oréal España-Portugal presentou ante 170 centros educativos da FP de Galicia na localidade de Culleredo a finais do ano pasado.

O trece de decembro de 2023, os alumnos/as de francés de 3º ESO embarcámonos nunha viaxe a París en autobús. Despois de 16 longas pero amenas horas, os 35 alumnos chegamos ao hotel para deixar as maletas e iniciamos o que ía a ser unha grande experiencia vital para todo o grupo.

O primeiro día, collemos o metro e empezamos polo barrio bohemio de Montmarte. Visitamos a basílica de estilo bizantino de Sacré-Coeur, paseamos pola praza de Tertre para finalizar o noso percorrido diante do mítico cabaré, o Moulin Rouge. Xantamos no Bouillon, un restaurante típico parisiense onde probamos pratos tradicionais ata algún compañeiro atreveuse cos "Escargots". Pola tarde, navegamos polo Sena nun Bateau-Mouche e vimos o monumentos máis emblemáticos da cidade. Fíxose de noite axiña e deambulamos para admirar as decoracións e iluminacións especiais natalicias paseando pola elegantísima praza Vendôme, a praza da Concordia, os Campos Eliseos ata chegar aos grandes almacéns Les Galeries Lafayette e asombrarnos coa xigantesca árbore de nadal colocada debaixo da cúpula de estilo Art Déco.

O segundo día, madrugamos para subirnos ata o terceiro andar da Tour Eiffel e contemplar a precisas vistas. Sen dúbida foi unha das mellores experiencias. Pola tarde, tocou ruta museística polo museo de Orsay onde coñecemos as principais obras dos impresionistas e do Art Nouveau. Xa no Louvre, vimos a famosa Mona Lisa, a Vitoria de Samotrace, o escriba sentado así como a espectacular colección do antigo Exipto. Antes de cear polo barrio, tivemos tempo para estar no mercado de Nadal e atraccións dos xardíns das Tuileries.

O terceiro día collemos rumbo a Versailles. Visitamos o castelo do rei Sol, Louis XIV, e os pazos do Grand et Petit Trianon e a aldea da raíña, Marie Antoinette. Rematamos o día cun baño de luces, primeiro diante do Estadio do Paris-Saint-Germain, logo na Torre Eiffel iluminada e finalmente no pico do Arco de Triunfo vimos como brillaban as máis de 400 árbores dos Campos Eliseos engalanados cun manto dourado mirífico simulando burbullas de champaña.

O cuarto día entramos nunha xoia gótica, la Sainte Chapelle, con máis de mil vidreiras espectaculares. Vimos a catedral de Notre Dame e acabamos en Beaubourg onde xantamos. Pola tarde puidemos gozar dunha tarde de compras e paseos movéndonos en metro e así explorar libremente todo o que París tiña que ofrecer.

Como broche final da estancia, mergullámonos nos mundos máxicos de Disneyland. Foi a mellor excursión e das mellores experiencias que non esqueceremos nunca.

Albúm de fotos AQUÍ.

Alumnado de 3º ESO BC

Este programa educativo pretende, ademais de dar continuación aos coñecementos recibidos polo alumnado na aula, mellorar e presentar de forma máis atractiva a formación recibida nos seus respectivos centros, a través dunha contorna máis experimental e visual. Isto favorecerá non só a formación artística, literaria, científica, cultural, histórica, medioambiental e social, senón tamén o seu desenvolvemento integral. 

 Na segunda xornada, visitaron as Tablas de Daimiel, un corral de comedias en Almagro, onde asistiron a unha representación teatral, e logo dirixíronse a Bailén, localidade onde se aloxaron. 

 Podedes ver máis imaxes AQUÍ. 

Na xornada do martes 17 de outubro o alumnado de 1º de Bacharelato e de CM de Peiteado e Cosmética Capilar acudimos a unha charla sobre o alzhéimer, unha enfermidade que afecta actualmente en España ao redor de 70.000 persoas. Esta actividade foi organizada pola Fundación Barrié e por AFAN Burela.  

O neurobiólogo Carlos Spuch explicounos cales son as causas da enfermidade, os datos máis relevantes sobre ela e como podemos axudar ás persoas que a sofren. 

O alzhéimer non afecta a todo o cerebro, senón só a unha pequena parte, a correspondente á fala, toma de decisións, comportamento e pensamento, entre outras. Pola contra, non afecta nin á memoria musical nin ás emocións, polo que a musicoterapia é unha das formas de atrasar a aparición desta enfermidade; tamén axuda a isto algunha das medicinas descubertas e o adestramento do cerebro. Sabemos tamén que a memoria non se perde, senón que fallan os lóbulos sinápticos, é dicir, as redes que conectan as neuronas entre si. 

Unha das preguntas máis frecuentes sobre este mal é: o alzhéimer é xenético? A resposta é non: é unha enfermidade que se dá a causa do noso ambiente aínda que, raramente, tamén pode ser xenética. 

En conclusión, para axudar ás persoas afectadas, deberiamos escoitar e interpretar o que nos queren dicir. Outra opción sería falarlles e poñelas en contexto da situación na que se atopan, para que poidan así expresar as súas emocións. 

Para rematar a charla, Carlos Spuch nomeou tamén diferentes persoas que padecían esta enfermidade ou algún outro tipo de demencia, como Carmen Sevilla, unha actriz española, e unha veciña da localidade de Burela, a cal estivo presente no acto. 

Pódese acceder a máis imaxes da actividade AQUÍ.

 Laura Alonso Fernández - 1º BACB

Esta actividade sempre está moi concorrida, por desgraza só por rapaces.

RAPAZAS, ANIMÁDEVOS!

Podedes acceder a outras imaxes AQUÍ. 

Hugo Sanjurjo e Borja Cortegaza - 4º ESO A

“Paréceme moi necesario falar da situación na que se atopan os delincuentes menores de idade”  

A trama de Mentira, que trata sobre a delincuencia xuvenil, e o quefacer literario da escritora catalá centraron o coloquio que se celebrou o pasado día 29 do mes das Letras Galegas na Casa da Cultura de Burela, coa participación de estudantado de varios institutos lucenses. 

Como mostra do que deu de si o encontro, a seguinte entrevista inclúe algunhas das preguntas que lle formularon a Care Santos as alumnas e os alumnos do Perdouro, nas voces de Laura Alonso Fernández, Aroa López Casas, María Fuente Álvarez e Iria González Díaz. 

- As accións escritas no libro Mentira, segundo comentaches, están baseadas en feitos reais. Tamén o está o momento no que matan a Marta Villanueva cunha pa? 

- Si, o asasinato desta personaxe tamén está baseado nun feito real. En concreto, no caso de Sandra Palo. A esta muller matárona igual que a Marta no libro. Un grupo de menores quitoulle a vida cunhas pas e despois enterrárona. O dato relevante que marcou este caso real foi que a rapaza tiña síndrome de Down.

O venres 21 de abril o alumnado de TIC de 1º de Bacharelato, xunto co alumnado de 3º da ESO de Educación dixital, participamos na 6ª edición da competición de Robots organizada pola Escola de Enxeñería Industrial da Universidade de Vigo. Nesta xornada de convivencia somerxémonos no mundo da robótica e desfrutamos dos resultados do longo proceso de montaxe e programación dos mBot2. 

Os alumnos/as, acompañados dos profesores Santiago e Adrián, partimos cara a Vigo ás 6:30 da mañá desde a estación de autobuses de Burela. Tras unha breve parada en Mondoñedo para recoller un grupo de compañeiros do IES Plurilingüe San Rosendo, continuamos a nosa viaxe ata as instalacións onde tiña lugar o concurso, ás que chegamos sobre as 10:30. 

Unha vez alí os participantes separámonos en 6 grupos e dirixímonos aos nosos respectivos tapices ou circuitos. Despois dun curto período de proba para comprobar que todo funcionaba correctamente, comezamos a competición. 

Os equipos Juanma&Company e Torques de Burela, ambos os dous de 1º de Bacharelato, situáronse no tapiz 7 onde, tras unha intensa primeira rolda na que debían conseguir o maior número de puntos ao completar 2 circuitos diferentes no menor tempo posible, só Juanma&Company conseguiu clasificarse para a seguinte proba. 

Mentres, no tapiz 8, o equipo Príncipe Azul, tamén de 1º de Bacharelato, conseguiu unha vitoria maxistral ao obter a máxima puntuación en ambas probas da primeira rolda, pasando así á segunda e deixando abraiados a moitos participantes. 

Por outro lado, Burela Bonita (1º de Bacharelato C), no tapiz 9; Perdouro Burela (3º ESO), no tapiz 5; e Mondonedo2 (4ºESO), no tapiz 6, malia poñer todo o seu esforzo non foron capaces de avanzar na competición, quedando eliminados. 

Pouco tempo máis tarde, ás 12:30, reanudouse a competición dando comezo a segunda rolda, na que competían os catro mellores equipos da proba anterior de cada tapiz, sendo un total de 12. Nesta rolda o nivel e a dificuldade aumentaron xa que, aínda que os circuitos eran os mesmos, os equipos contra os que nos enfrontamos tiñan programas máis efectivos e moito máis innovadores que na proba anterior. 

Nesta segunda rolda as tensións e nervios estaban moi latentes e cada vez que os nosos robots circulaban polo tapiz dábanos un volco o corazón. Por desgraza, nesta ocasión non saímos vitoriosos. A competencia era dun nivel moi alto e, aínda que fixemos un papel moi digno, quedamos ás portas da gran final, acadando o cuarto e o sétimo posto de 36 equipos.