Skip to Content

Crónica

Feira da Ciencia de Navia

Mér, 01/05/2019 - 19:57 — karina
O xoves 21 de marzo os alumnos/as de 2º ESO fomos á VI Feira da Ciencia do  IES Galileo Galilei de Navia. Dito evento dividíase en:

Postos:
Na primeira parte estivemos vendo uns postos de robótica nos que os alumnos do instituto de Asturias nos mostraron uns xogos que eles mesmos crearan e tamén nos ensinaron un robot que pintaba pelotas de ‘”pimpón’’ segundo o manexaban eles.

Máis adiante, ensináronnos ... seguir lendo a crónica de Sofía García González e Antón Expósito Campo – 2º ESO A no blogue de Perdourando.
  • 804 lecturas

Actuación dos Clásicos no IES Perdouro

Ven, 26/04/2019 - 18:18 — karina
O día 8 de febreiro viñeron facernos unha demostración verdadeiros gaiteiros de Galiza. Esta visita foi con motivo do vixésimo quinto aniversario da Asociación Cultural Os Matos. Nesa actividade participamos todos os alumnos de 1º e 2º ESO e os alumnos de Música de 4º ESO.
Un grupo de gaiteiros veteranos de zona das terras da Fonsagrada e zonas limítrofes entre Asturias e Galicia (Oscos, A Pontenova...) fanse chamar "Os Clásicos" e os seus nomes son: Nela de Bres (Taramundi), Modesto de Murias (A Fonsagrada), Ilario  (Taramundi), Antón e Vicente de Lourenzá. Non son profesionais da música, pero podemos consideralos como grandes músicos. 
  • 1027 lecturas

Ruta pola Mariña Central

Xov, 25/04/2019 - 17:00 — karina
O día 26 de marzo as rapazas e rapaces de segundo da ESO e PMAR saímos facer unha ruta histórica. Xa saímos directamente hacia o castro de Fazouro. Alí explicáronnos que era moi antigo e que  actualmente ten moita importancia. Despois fomos ver a catedral de San Martiño de Mondoñedo, tamén moi antiga e que tiña un bispo. Cando acabaron de explicar os profesores tivemos que cubrir unhas fichas sobre esta catedral e o castro. Por último visitamos Mondoñedo e a súa catedral que recibe o nome de “catedral axeaonllada” porque cando se construíu a praza quitoulle espazo e parece máis baixa.
Accede a reportaxe fotográfica aquí.
Yoselín Manchego Ballesteros.- 2º ESO B

 

  • 1070 lecturas

Intercambio Radio Escolar A Voz da Mata - Proxecto Neo

Xov, 04/04/2019 - 21:45 — karina
O pasado 28 de abril un autobús con procedencia do Rosal chegou ao Porto de Burela. Nel viñan trece alumnos e alumnas do CPI Manuel Suárez Marquier acompañados de dúas profes: Loli, coordinadora da radio escolar, e Bea, responsable da biblioteca. A chegada produciuse sobre as 21.00h e aí os estábamos esperando uns cantos anfitrións do IES Perdouro.

Ruta xeolóxica por Burela

Xov, 04/04/2019 - 15:19 — karina
O mércores 25 de marzo os alumnos e alumnas de 4º ESO fomos de ruta xeolóxica pola nosa localidade, por Burela, acompañados das profesoras de Bioloxía, Alba e Charo, e un guía chamado Fran Canosa, que nos deu fantásticas explicacións en cada unha das paradas que fixemos ao longo da mañá.
A primeira ruta a pé saía dende o Instituto e chegaba ata a praia da Marosa, onde, ... seguir lendo no blogue de Perdourando a crónica de Yaniss dos Santos Méndez de 4º ESO.
  • 1152 lecturas

Concerto "Palabras con Corazón" na Coruña

Xov, 04/04/2019 - 15:10 — karina
O mércores 20 de marzo os alumnos e alumnas de Música de 4º e todo o alumnado de 3º da ESO fixemos unha viaxe á Coruña.
Saímos de Burela ás 8:30h e chegamos, aproximadamente, ás 10:45h. Xa alí, fomos directamente ao Palacio da Ópera, pero aínda non era hora de entrar e puidemos aproveitar para visitar a zona, mercar algo etc.
Entramos ao Palacio e, despois de sentar nas butacas, presentaron a todas as persoas que participaban no espectáculo Palabras con corazón. Trátase dunha montaxe didáctica no que a directora Lydia Botana mistura distintos estilos musicais coa danza, a pintura e a poesía para ... seguir lendo a crónica de Daniela Enríquez Canoura de 3º ESO no blogue de Perdourando.
 
 
  • 1467 lecturas

Prácticas na aula: ondas luminosas.

Dom, 24/03/2019 - 22:21 — karina
Os alumnos de física de 2º de Bacharelato elaboramos unha serie de prácticas sobre os fenómenos das ondas luminosas.
Para demostrar que a luz se comporta como unha onda, comprobamos que sufre o fenómeno da difracción. A difracción consiste en que, cando unha onda se encontra cunha ranura ou obstáculo de tamaño menor á súa lonxitude de onda, ese punto convírtese nun novo foco emisor de onda. No caso da luz, a ranura debe ser moi pequena, de menos dun milímetro. 

 

  • 1101 lecturas

Física Re-Creativa

Ven, 22/03/2019 - 23:39 — karina
O pasado mércores 20 de febreiro recibimos no instituto a visita de Benito Vázquez Dorrío, profesor de física na Escola de Enxeñaría de Minas e Enerxía da Universidade de Vigo.

Anteriormente amosara as súas experiencias aos alumnos de 4º da ESO e debido ao seu éxito, solicitouse que dera unha charla ao alumnado de bacharelato, cunha finalidade educativa e motivadora para os futuros universitarios e universitarias.

Realidade Virtual na aula

Mér, 20/03/2019 - 13:38 — karina
Os alumnos e alumnas do IES Perdouro puidemos participar nunha serie de retos matemáticos, científicos, tecnolóxicos e de enxeñaría grazas á plataforma de realidade virtual que nos proporcionou a Fundación 3M. e que ten como finalidade acercar o coñecemento dunha forma divertida. 

A ciencia como profesión

Xov, 14/03/2019 - 09:56 — karina
O alumnado de 2º BAC de TIC levou a cabo un traballo en relación co papel da muller na ciencia.
No noso centro realizaron a enquisa para este traballo un total de 168 homes e 192 mulleres, entre os alumnos e alumnas de 3º e 4º ESO e 1º e 2º BAC. Comparamos estes datos cos achegados pola enquisa do Campus Terra de Lugo, feita a científicos e científicas.

Viaxe a Coruña

Lun, 11/03/2019 - 22:07 — karina
O pasado 8 de xaneiro fomos á Coruña co Departamento de Tecnoloxía e co de Educación Física.
Tiñamos que estar no instituto ás 08:30h, como todos os días,  para coller o autobús cara á Coruña. Subimos e en dúas horas chegamos, máis ou menos.

Fomos ao MUNCYT (Museo Nacional de Ciencia y Tecnología) que é unha institución centrada na divulgación científica e tecnolóxica. Había todo tipo de aparellos e salas, dende un simple taller para facer mecanismos eléctricos ata unha cabina dun avión. Tamén había dous robots que falaban e facían bromas sobre nós e ata se movían sós. Estaban moi ben feitos.

... seguir lendo a crónica de Nicolás Sixto Guisasola no blogue de Perdourando.
  • 1314 lecturas

Preparando a X Olimpíada de Xeoloxía

Dom, 10/03/2019 - 22:14 — karina
Para a preparación da X Olimpíada de Xeoloxía celebrada o 13 de febreiro na cidade de Viveiro, tivemos que aprender a usar o compás. Era necesario levar un para as probas da olimpíada e, por ese motivo fomos o mércores 30 de xaneiro, o mércores 6  e o xoves 7 de febreiro á praia Perdouro. Na área xeolóxica da praia aprendimos a situarnos nos mapas utilizando as curvas de nivel, a  medir o buzamento (inclinación) e a orientación dos estratos co compás..... seguir endo a crónica de Aarón Artime de 2º de Bacharelato no blogue  de Perdourando.
  • 818 lecturas

X Olimpíada de Xeoloxía

Dom, 03/03/2019 - 23:25 — karina
O pasado mércores 13 de febreiro os alumnos e alumnas de 1º e 2º de bacharelato acudimos á X Olimpíada de Xeoloxía, que tivo lugar en Viveiro.

Os equipos de Xeoloxía mais as profesoras acompañantes, saímos de Burela ás 11:00 da mañá cara a Viveiro. Ao chegar alí, tomamos unha serie de fotografías co resto de participantes da proba procedentes do IES Ortigueira, o IES María Sarmiento e o IES Vilar Ponte.
A proba práctica comezou sobre as 12:00 da mañá despois dunha serie de explicacións que deron os organizadores do evento. Nesta primeira proba, tivemos que facer ... seguir lendo a crónica de Elena Enríquez Peralta de 2º Bacharelato no blogue de Perdourando. 

  • 1204 lecturas

Charla "E se a chave estivese en ti...?"

Ven, 01/03/2019 - 20:17 — karina
Leandro Fernández Macho acudiu a pasado 5 de febreiro ao IES Perdouro para darnos, ao alumnado de 1º e 2º de Bacharelato, unha conferencia que nos axudara a coñecernos mellor; para isto comezou explicándonos en que consistía o cerebro e como reacciona este ante distintas situacións.
O noso cerebro é capaz de prestar atención a un 100% só durante vinte e un minutos. Despois, a atención tende a decaer posto que este feito de estar concentrados gasta moita enerxía. Para estar atentos necesitamos movemento, toques de atención, intervir en accións ou conversas… e así activar a nosa mente.
O obxectivo principal do noso cerebro é ... seguir lendo a crónica de Paula Neira de 1º Bacharelato no blogue de Perdourando

 

  • 1063 lecturas

Visita ás exposicións sobre Castelao en Santiago de Compostela

Mér, 27/02/2019 - 21:38 — karina
O 20 de febreiro, o alumnado de “Literatura Galega” de 2º de Bacharelato, tivemos a sorte de poder visitar a exposición “Alba de Gloria” en Bonaval e o impresionante cadro "A derradeira lección do mestre" de Castelao na Cidade da Cultura. 
Alí, no Monte Gaiás, tamén tivemos a oportunidade de ver unha recreación de como eran as escolas durante a República e unha listaxe cos nomes dos mestres asasinados por non ser afíns ao réxime do momento. 
Xa en Santo Domingos de Bonaval experimentamos os efectos da realidade virtual da "Compaña dos Inmortaes Galegos", o discurso que deu Castelao en Bos Aires en 1948, ... seguir lendo a cronica de Teresa Crego Deán de 2º Bacharelato no blogue de Perdourando.
  • 1601 lecturas
Distribuir contido


by Dr. Radut