1º ESO

Co fin de coñecer e poñer en valor o noso patrimonio, o novo alumnado do Otero Pedrayo (1º ESO e 1º BAC) goza a comezo de curso dunha visita guiada ao noso museo pedagóxico. Esta visita é fundamental para que logo a rapazada respecte, coide e valore o enorme patrimonio que nos foi legado.

Grazas ao departamento de Bioloxía pola organización e desenvolvemento da actividade.

 

 

Co lema "A saúde das aves é a saúde dos ecosistemas. Se é bo para as aves, é bo para ti", o Otero Pedrayo uniuse hoxe á conmemoración do Día das aves.

O noso alumno de 1º ESO, Guillerme Mioño Pazos, preparou unha estupenda presentación centrada nas aves da nosa contorna e, a continuación, os diferentes grupos de 1º foron saíndo ata o Xardín do Posío para gozar dunha magnífica visita ornitolóxica na que nos explicou diferentes características das aves que viven ao noso carón, fixemos un xogo de búsqueda de niños, démoslle de comer aos paxaros e acabamos colocando unha casa-niño nunha das árbores (casiña feita por el, por certo!).

Grazas a Guille Mioño por unha iniciativa tan bonita, tan traballada e tan necesaria. Orgullosos do noso alumnado.

 

 

Esta semana, o noso alumnado de 1° ESO puido gozar dunha actividade de astronomía ben interesante. Consistiu nunha pequena charla na Aula da Natureza, observación solar e a ruta das estrelas.

Grazas á Concellaría de Educación do Concello de Ourense por ofrecernos esta oportunidade.