Mediante este Plan Proxecta, pretendiamos dar pasos na dirección de acadar a igualdade real, efectiva, entre mulleres e homes, promovendo o cambio de actitudes entre o alumnado, de xeito que se faciliten as relacións en pe de igualdade e a igualdade de oportunidades entre mulleres e homes, previndo situacións de discriminación e, en xeral de violencia de xénero.

A participación no Plan Proxecta deunos acceso a certas actividades e recursos, ao tempo que serviu para impulsar e reforzar no centro dinámicas de colaboración no traballo neste ámbito, tanto entre o profesorado do centro como con instancias externas, nomeadamente o Concello de Ortigueira (especialmente o persoal do CIM), co que o centro ven colaborando asiduamente nestes temas, e as entidades responsables das actividades que se ofertan no programa. Deste xeito, e no esforzo do profesorado por poñer en marcha intervencións efectivas, a comunidade educativa foi ampliando a súa capacidade transformadora, o que ten unha relevancia fundamental dende a perspectiva preventiva e, máis alá, promotora de saúde dende a que plantexamos o proxecto.

O antedito refléxase na implementación dentro do proxecto de accións interdisciplinares de gran amplitude que, ademáis conforme avanzaba o curso foron adquirindo maior relevancia. Tamén na integración curricular de todas as intervencións realizadas polo profesorado do centro.

ORTIGUEIRA en PIE

por la IGUALDAD 

Preme na imaxe para acceder ao contido

Mira AQUÍ a Antoloxía poética elaborada por alumnado e persoal do centro

Preme na imaxe para escoitar o tema interpretado por ESE RAS no concerto final de curso