IES Maximino Romero de Lema

Esta semana comezamos unha campaña de recollida de aceite usado, que se pode depositar no contedor que hai instalado na entrada do Centro, onda Conserxería. Dita campaña enmárcase dentro da liña de reciclaxe que o noso Centro sempre intenta seguir, para deste xeito contribuír, na medida do posible, a evitar contaminar.

Ademais o aceite recollido servirá tamén para que a empresa encargada (ARIOIL) contribúa cunha pequena achega económica, que lle será entregada ao alumnado de 4º da ESO para sufragar a súa excursión.

IMPORTANTE: O aceite debe traerse en botellas de plástico ben pechadas e introducilas así no contedor. O profesorado tamén podedes traer o voso aceite usado.

A pasada semana o IES Maximino Romero de Lema (Baio) participou en Cardiff nun proxecto Europeo (Erasmus + KA1) para fornecer estratexias e criterios para implementar a función directiva e observar as novas propostas de ensino en Wales. O director do Centro (Manolo Maseda) xunto coa directora do CEIP dos Muiños (Aurelia Picallo) visitaron un total de 8 centros educativos públicos de infantil, primaria e secundaria. Ao mesmo tempo recibiron cursos de innovación na función educativa, estructura organizativa do sistema educativo galés, modelos de liderazgo e organización, currículum internacional, escolas pioneiras…

Este proxecto está coordinado polo CFR (Centro de Formación e Recursos) da Coruña e asinaron un convenio cos nosos Centros para seguir realizando xuntanzas nos próximos dous anos en Polonia, Suecia e Dinamarca. Tamén participaron deste proxectos equipos directivos do CFR de Ferrol.

Unha estratexia conxunta dos Centros de Formación que buscan novas canles de motivación e inspiración nos proxectos de intercambio de profesorado dentro dos proxectos Erasmus+.

No curso 2018-2019 procedeuse a renovación do Consello Escolar no noso centro.

Membros Consello Escolar

A partir do día de hoxe comeza no noso Centro, o concurso de recollida de pilas "PILABOT, Recicla con enerxía!". Ata o mes de xaneiro pódense traer as pilas usadas que se teñan nas casas e metelas no contedor que está onda Conserxería.

Terán lugar o 29 de novembro ás 12.45h as seguintes actividades:

Obradoiro de baile galego con perspectiva de xénero impartido por Chus Caramés, que xunto con Carme Campo, son mestras de baile e impulsoras do proxecto 'Andar cos tempos'.

Ver actividade no Facebook

Alumnado asignado á actividade: 1º e 2º da ESO. 

Profesorado: O correspondente nesa franxa horaria.

Lugar: Ximnasio do IES. 

Apatacón é unha compañía de nova creación da man da vocalista Faia Díaz (De Vacas) e a contadora Vero Rilo (Daboapipa) onde se xuntan por gusto e querencia investigando os límites e puntos de encontro das súas disciplinas de orixe para achegalos ata diluilos.”Por unha Peseta” é o seu primeiro traballo conxunto onde voz narrada e cantanda achéganse por menos de nada para atopar canto vale unha peseta.

Alumnado: 3º e 4º da ESO, 1º BACH e 3º e 4º da ESO de Zas (30)

Profesorado: O correspondente nesa franxa horaria.

Horario: 12:45h

Lugar: Salón de usos múltiples. 

Como cada ano, o 25 de novembro ten lugar o “DÍA INTERNACIONAL POLA ELIMINACIÓN DA VIOLENCIA CONTRA A MULLER”, día no que nos detemos a pensar sobre as causas e consecuencias de este tipo de violencia sobre as mulleres. A campaña de concienciación contra a violencia de xénero ten que ser cada día do curso, e coa implicación de toda a comunidad educativa. Para iso estamos a desenvolver estratexias e propostas educativas de análise de causas e consecuencias e traballar propostas educativas que axuden aos rapaces e rapazas a identificar e rexeitar todo tipo de violencia e, en concreto, a que se exerce sobre as mulleres, rapazas e nenas. Baixo os lemas #Amor non é control, #Amar é coidar na semana do 19-23 de novembro centrámonos nos rapaces e rapazas, nos adolescentes, onde o tipo de violencia sobre as rapazas baséase no control nun senso amplo: sobre os seus amigos, vestimenta, ocio, redes, sociais, ou móbi. E por iso, precisamente, a campaña terá como fío condutor as redes sociais e móbil:

1. CAMPAÑA FOTOGRÁFICA sobre imaxes que denuncien a violencia contras as mulleres e rapazas: @s participantes enviarán ao Facebook e Instagram do IES e da ANPA as súas fotografías (cancelo #Amor non é control, #Amar é coidar), cun título e o autor/a da fotografía, poden ir acompañadas dun texto breve.
2. Propostas para traballar nas TITORÍAS da semana do 19-23 de novembro: @s titores/as explicarán a campaña fotográfica e poden traballar os contidos a partir do material audiovisual proposto [se precisan doutro material, indicádeo] para iniciar a reflexión e debate arredor do tipo de violencia como control sobe redes sociais e móbil: Amor no es control, la campaña del Consejo Superior de Deportes para erradicar la violencia de género”.

VER CARTAZ COMPLETO