IES Maximino Romero de Lema

Normas provisionais para o uso da Biblioteca

Acaban de instalar no noso centro a aplicación MEIGA para a xestión da Biblioteca. Mentres non estea elaborado o novo catálogo seguiremos utilizando o programa Biblio para rexistrar os préstamos.

Neste momento os libros de consulta das distintas disciplinas están desordenados e hai que esperar un tempo para reorganizalos.

ENCICLOPEDIAS E DICIONARIOS:

As enciclopedias están situadas no espazo anexo á Biblioteca e pódense consultar solicitándoo ó/á encargado/a cando se precise.

Os dicionarios están ordenados e accesibles para o seu uso.

As películas e CD's de audio só se poderán utilizar no centro educativo.

LOCALIZACIÓN:

Os números de rexistro e as etiquetas identificativas de todo o fondo documental non están vixentes polo que só se poden localizar os LIBROS DE LECTURA como se explica a continuación:

1. Establécense cinco categorías dentro da literatura de lecer: CASTELÁN, CLÁSICAS, FRANCÉS, GALEGO, INGLÉS e BANDA DESEÑADA.
2. Dentro de cada unha das categorías, os libros están ordenados seguindo o criterio de orde alfabética do APELIDO DO AUTOR e o título do libro.
3. Comeza a ordenación no andel de ANÓNIMOS e remata no andel de VARIOS para os libros de máis de un autor. As ANTOLOXÍAS de textos e recopilacións de autores diversos están tamén no apartado de VARIOS.
4. Establécense algunhas excepcións cando os apelidos dan lugar a confusión, nese caso hai que consultar ó profesorado de garda sobre a localización do libro.

PRÉSTAMOS:

A duración do préstamo é de 15 días.

PRENSA E OUTRAS INFORMACIÓNS:

Na sala hai cinco ordenadores con acceso a internet a disposición do alumnado para acceder á información.

Baio, a 5 de decembro de 2012