O Departamento de Música convídavos a toda a comunidade educativa a partillar os vosos gustos musicais para facer unha lista de reprodución para todo o curso. Deste xeito, poderemos ir mudando a música dos corredores cada 15 días. Animádevos a revisar as novidades discográficas que engadimos na discoteca do centro e recomendade cancións. Ou, de ser o caso, propoñede novas músicas para implementar a nosa oferta. A carón da Biblioteca, no corredor, hai un taboleiro para facer as vosas recomencacións musicais. E lembra... sen música o mundo sería moito máis gris.
O mércores 31 de outubro celebramos un ano máis o tradicional Samaín na Biblioteca do Instituto. Este ano contamos cuns contacontos moi especiais: os alumnos do Club de Lectura de 1º e de 2º da ESO. Foron eles os que amenizaron e aterrorizaron nesta xornada tan especial, e fixeron gozar dunha velada de relatos aorredor do Samaín, da morte, do medo, do alén... a todo o alumnado de 1º e 2º da ESO. Nun primeiro momento leron tres albums ilustrados: O noso Samaín, Jack e a morte e, Dip, más allá de la oscuridad; e despois estívose traballando a oralidade contando contos de tradición popular sobre esta temática tan nosa. Tamén contamos cunha exposición de fondos relacionados con este día que todos puidemos ollar na entrada do Centro.
O vindeiro mércores, nas dúas últimas sesións (12,25-14,25), o alumnado de 4º da ESO organiza as actividades do Samaín e Magosto. Coma sempre venderán produtos (saúdables) no posto que terán enfronte da cafetaría e tamén repartirán gratuitamente castañas para todo o alumnado e profesorado. Así mesmo organizarán competicións deportivas no patio cuberto. Estas actividades están abertas a todos os cursos quedando á elección do profesorado de 2º Bach. e Ciclos se participan ou non.
Xa é posible consultar as programacións didácticas das distintas disciplinas que se imparten no noso Centro.
Desde a Biblioteca queremos informarvos de que o próximo mércores 30 de outubro de 10:45 a 11:35 horas haberá unha lectura ambientada no Samaín para o alumnado de 1º e 2º da ESO.
Esta pasada fin de semana celebrouse no Teatro Principal de Santiago de Compostela a gala de entrega dos premios Enreguéifate 2019. Xente de todo o país (escolares e categoría xeral) encheron o auditorio para non deixar de rir na hora e media que durou o acto de entrega. Un acto conducido polo mestre Manolo Maseda e a regueifeira Lupe Blanco (ademais de Sechu Sende e Olaia Liñares) e que serviu para recoñecer as regueifas que máis emoción octosilábica ao longo deste curso.
Houbo 52 pezas de vídeo-regueifa, 42 na categoría escolar e 10 na categoría xeral, procedentes de varias localidades galegas (Ames, Arzúa, Baio, Baiona, Burela, Cabana de Bergantiños, Carballo, Compostela, Cuntis, Lugo, Marín, Muros, Ordes, Pontecesures, Pontevedra, Teo, Trives, Vilasantar, Xove e Vigo) e con regueifeiros e regueifeiras de todas as idades a partir dos 5 anos do grupo máis cativo.
Pero a comarca de Bergantiños demostrou o seu potencia. O alumnado de Regueifa do IES Maximino Romero de Lema e o do CEIP Labarta Pose recolleron sendos premios á regueifa máis brava e máis revindicativa. Un luxo de alumnado que incluso improvisou alí unhas coplas para mostrarlle ao mundo que teñen talento dabondo para partillar. As Marías, Ángela e Andrea (de segundo da ESO do IES) deixaron ao público sen palabras, ao gastalas todas elas regueifando.
A maiores, tamén a nosa sociedade baiesa sube na revolución regueifeira. Do Centro de Formación "O Ábaco" gañaron coa Regueifa da Costa como a mellor cantada.
Tamén levaron premio As Pataqueiras Jessica Reumiñan e a súa nai Mari, como a regueifa máis brava.
Saídas previstas para este mes de outubro:
Achegamos calendario escolar do noso Centro para o presente curso.