O 25 e 26 de Maio o alumnado de 2º ESO participou no PROXECTO TERRA (INTERCAMBIO   TERRITORIAL DE MELGAÇO). Para desenvolver a actividade tiveron que desprazarse a Portugal. No primeiro día na Porta da Lama de Mouro asistiron a unha visita guiada onde observaron a Exposición “ Ordenación do Territorio” e viron un proxección sobre o Parque Natural de Peneda Gerés.  Xa pola tarde, debido o mal tempo non puideron facer o percurso pedestre programado” Castelo e muiños” e  fixeron un tour en autobús no que visitaron unha ponte románica, observaron as brandas e inverneiras e remataron  no santuario da Virxe da Peneda.
O aloxamento foi na Pousada da Juventude (Melgaço) onde, antes de cear, fixeron distintas actividades deportivas.
No segundo día, un percorrido pola vila de Melgaço e os seus museos: Ruínas arqueolóxicas da Praza da República, Torre de Homenaxe, Museo do Cine e o Espaço Memoria e Fronteira. A volta a pé a Pousada para comer foi pasada por auga que nos acompañou en todo o percorrido.
Remataron a actividade relaxándose nas termas de Monçao.
Actividade moi interesante a ter en conta cara a programación de vindeiros cursos.
 

O 18 de maio alumnado de 4º da ESO e de 1º de bacharelato participaron na VI edición "Creación e convivencia na praia da Lanzada". A actividade consistiu en traballar o volumen coa area. Por equipos tiveron que realizar esculturas na area desenvolvendo unha maqueta feita previamente na aula baixo o lema "comida sá".

Oss profesores acompañantes, Carlos e Joseba, valoraron moi positivamente esta actividade, que esperan volver repetir anos vindeiros.

O xoves 13 de maio o alumnado do PCPI e 3º e 4º da ESO de diversificación realizaron no Salnés unha visita guiada, moi interesante, ao Instituto Galego de Formación en Acuicultura, onde observaron as salas de acuicultura e mergullo. Visitaron de seguido o casco antigo de Cambados con parada especial nas ruinas de Santa Mariña e no Museo do Viño. Despois do xantar en Caldas fixeron unha ruta de sendeirismo no entorno do río Umia.

O profesorado acompañante recomenda realizar esta actividade en vindeiros cursos. Alumnos/as participantes expresaron a súa opinión:

"Foi unha excursión moi entretida: visitamos moitos sitios, as fervenzas do río Umia, o Instituto de acuicultura, onde nos dixeron que lebraramos unha frase – Oxalá a acuicultura non existise –, xa que significaría que non existe sobreexplotación mariña".

"Esta excursión servíunos para saber cousas sobre o Mar no IES de Arousa, visita bastante entretida. Quizais o que máis defraudou foi o Museo do Viño, pero en xeral foi xenial, sobre todo, a ruta de sendeirismo en Caldas de Reis".

"Gustoume moito porque foi moi educativa. Aprendemos cousas de acuicultura que ata agora descoñeciamos. Ademais houbo moi bo rollo entre os compañeiros".

Co gallo da celebración do día das Letras Galegas 2010, dedicado a Uxío Novoneyra, estanse celebrando durante os últimos días diversas actividades que abranguen diferentes aspectos da nosa cultura:

• Exposición de libros na Ágora destinados a todas as idades e sobre temas variados, publicados en diversas editoriais.
• Charla-coloquio a cargo do deportista Tito Otero sobre "A ironman como proba definitiva".
• Conferencia de Xosé Vázquez Pintor sobre "A vida e obra de Uxío Novoneyra".
• Alumnado da ESO e 1º de bacharelato asistíu á proxección de curtometraxes galegas.
• Novoneyra en 3D: descubrir un verso de Novoneyra agochado entre 10 estereogramas.
• Competición de cachiza con máis de 50 participantes inscritos entre alumnos/as e profesores/as, a nivel individual e colectivo. O premio consistirá en aparellos do xogo (pateiro, cachiza).

Un ano máis o IES María Soliño súmase ás Xornadas Interculturais organizadas polo Concello de Cangas e coa colaboración de Organizacións Non Gubernamentais. Con tal motivo o alumnado de 3º da ESO participou na actividade Cine Forum "Binta a gran idea" (Educación sen fronteiras). Os de 2º participaron no Teatro Forum (Asemblea de Cooperación pola Paz) e os de 1º da ESO "Norte e Sur: o cambio está aquí" (Intermon Oxfan) .

Tamén na Ágora puidemos observar tres exposicións

• Muller e África (Axuda en Acción)
• Acércate al Sur (Entre Culturas)
• O camiño que andamos xuntas: A muller noChinchaysuyo"

Algún comentarios:

"A min o taller de teatro pareceume educativo...xa que mostra como hai que reaccionar nunha situación ou circunstancia de discriminación ou abuso. O malo foi que durou pouco tempo e só houbo dúas interpretacións e non puideron actuar todos ".

"A min pareceume bastante interesante. Trataba do racismo e da influencia racista. Enseñáronos a resolver problemas racistas e outros problemas falando, sen pelexar, só falando e razonando entre todos, xa que é a mellor maneira..."

O 28 de abril o alumnado de 1º da ESO realizou unha saída Pontevedra co obxectivo de coñecer o seu casco antigo buscando nun plano diversos puntos de interese, visitar a Sala Arqueolóxica do Museo de Pontevedra, onde debían observar os restos das vitrinas e localizar os achádegos de Cangas e, por último, contemplar in situ o petroglifo de Mogor. Fixádevos nalgúns comentarios dos rapaces:

"A primeira actividade foi a que máis me gustou por que estivemos divididos en grupos, intentando encontrar oito puntos que estaban dispersos polo mapa, dentro do Casco Vello.."

"O que máis nos gustou foi cando nos deixaron sós cun plano. A experiencia gustóunos moito e apendemos a manexarnos cun mapa, e ademais visitamos o casco antigo de Pontevedra que nos encantou."

"Tamén visitamos o Museo de Pontevedra no que tiñamos que facer unha ficha didáctica, buscando obxectos polas vitrinas e recollendo información. Estivo entretido pero o malo foi que ao final da visita puxéronnos un video que foi moi aburrido..." 

 A exposición segundo a opinión do alumnado:

"A exposición é un percorrido pola historia da represión legal e do desprestixio social do galego desde fins do século XVIII ata os nosos día. Aínda que, fundamentalmente, trata das décadas máis escuras da lingua no século XX, isto é, durante o réxime franquista. Está composta por algo menos de vinte paneis, ordenados cronoloxicamente, comenzando polo XVIII e XIX, pasando polos tempos da guerra civil e o franquismo para acabar na actualidade. Por tanto, consiste en amosar o despresixio e a censura que se lle fixo á nosa lingua. Durante a ditadura podemos observar a represión do noso idioma e as inxustizas que xurdiron coa xente que falaba e defendía o galego. Así, podemos atopar tamén a opinión de persoas que viviron nesa época, ou familiares, represaliados, exiliados, mestres... De verdade é realmente sorprendente como foi aquela época e como o contan esas persoas que o viviron, era moi inxusto que lles impuxesen eses castigos simplemente por falar galego."

"Gústoume moito que aparezan as palabras das persoas que sufriron nas súas propias carnes a represión, porque son as que mellor nolo poden narrar, xa que foi a súa experiencia. A min a situación da lingua interésame e na exposición aparecen distintas fontes de información, sobre todo, noticias e informacións curtas e os testemuños das persoas represaliadas." 

O 20 de abril alumnos/as de 1º e 2º da ESO que cursan portugués realizaron unha visita a Guimarâes e Braga acompañados dos seus profesores Chus Moreira e Pedro Pablo Riobó. O obxectivo fundamental era entrar en contacto coa lingua e cultura portuguesas. Vede algunhas das opinións dos participantes:

• "A miña opiniâo sobre a viagem a Portugal é que foi muito interesante. Gostei moito do Castelo de Guimarâes e dos Parques das frores de Braga".
• "Foi unha visita moi longa e interesante. Os portugueses foron moi amables con nós e ensináronnos todo o que tiñamos que saber. Foi moi reconfortante".
• "A miña opinión é que foi bastante divertida. Déronnos tempo libre  e as guías foron moi amables. Tamén fomos a un Shopping Center e non había nada. O máis interesante foi o Castelo de Guimarâes".

O pasado 20 de abril alumnado de 1º da ESO fixo un roteiro desde o centro ata Varalonga para traballar a observación da flora autóctona e a transformación da paixase natural levada a cabo pola actuación do ser humano. Fíxose uso do material publicado pola Comunidade de Montes Veciñais en Man Común de Darbo. Comprobade o interesante da experiencia segundo as opinións de algúns participantes:

• "Gustoume moito esta excursión. Aprendín a diferenciar árbores, a ver pegadas, onde vai o lixo...". (Antonio Martínez).
• "A excursión foi entretida: vimos moitas árbores, matogueiras, etc... Observamos un ecosistema destrozado por escombros ilegais. Estivemos tamén identificando árbores e arbustos". (Pablo Bastón).
• "Esta excursión foi positiva porque aprendín a identificar as árbores e coñecer o medio natural que nos rodea". (Mónica Soto).
• "A visita foi interesante porque desta forma aprendín os nomes das árbores e a distinguir unhas das outras... A parte de facer exercicio!". (Raquel González).

O 14 de abril tivo lugar o Taller afectivo-sexual impartido por monitores do centro "Querote" de Vigo a alumnos/as de 3º da ESO.

Velaí algunhas opinións:

• "Foi bastante entretido e paréceme que tranquiliza á xente xa que dá moitas opcións de axuda e información. Estaría ben que se fixese máis a miúdo ".
• "Foi bastante útil, pois explicou cousas moi importantes para reducir o risco de embarazos e outrosderivados de enfermidades como o SIDA".
•  "A charla pareceume interesante e debería repetirse nos anos seguintes: foit moi curta e debería durar máis".
• "Foi un taller moi útil e, a verdade, tamén moi positivo para a miña educación e para tentar resolver algunhas das nosas dúbidas".