2007-2008, Complementarias, Escolares
Vive a música
O venres, 20 de Xuño, celebramos a fin de curso adicándoo á música. A actividade terá lugar a partir das 11:00 e contará coas seguintes actuacións, nesta orde:
GRUPO DE ROCK “CRAWL” _NAS PISTAS
GRUPO DE FOLC _NA ÁGORA
GRUPO DE MÚSICA CLÁSICA *_NO SALÓN DE ACTOS
(Esta actuación coincidirá coa entrega dos premios do certame de poesía María Soliño)
FABIO (MÚSICA SICODÉLICA)*_NAS PISTAS
KARAOKE_SALÓN DE ACTOS_PROFESORADO E ALUMNADO
GRUPO DE ROCK “XEOMÁNTICA”_NAS PISTAS
Durante todas as actuacións (a excepción da de música clásica) sortearanse entre os presentes CDS e CAMISOLAS dos grupos Lavorda, Sem Resposta,
Quempallou e Son de Seu. De calquera xeito se ¡vives a música! vas ter un agasallo.
O profesorado de aula estará presente no lugar das actuacións para controlar a asistencia (desdobres e agrupamentos co profesor/a do grupo de referencia):
4ª hora de 11: 40 a 11:50_Ágora
5ª hora coincidindo coa actuación de Fabio_Patio cuberto das pistas
6ª hora de 13: 15 a 13:30_Patio cuberto das pistas
* Se xurde algún imprevisto, a orde de actuación pode intercambiarse.
NOTA: O ALUMNADO PERMANECERÁ EN TODO MOMENTO DENTRO DO RECINTO ESCOLAR
Visita a Salamanca
Do 10 ó 13 de abril o alumnado de relixión de 1º Bach fixo unha visita cultural a Salamanca, recorrendo o casco histórico (Praza Maior, Praza Anaya, Universidade Pontificia, Casa das Conchas, Fachada da Universidade) e visitaron varios museos.
Visita ó IES Manuel Antonio
O departamento de orientación organiza ó longo de toda a ESO saídas co fin de coñecer as posibilidades que ten o alumnado cando remeta a ESO.
O 29 de novembro o alumnado de 3º ESO e PGS visitou o IES Manuel Antonio. Esre centro está dentro da zona de fácil acceso para o noso alumnado e dispón dun número moi amplo de ciclos formativos. Con esta visita coñeceron in situ a súa oferta, así como as súas dependencias e residencia.
As Médulas
O alumnado de 2º Bach realizou unha viaxe á explotación aurífera romana das Médulas.
Despois dunha panorámica xeral desde o mirador Orellán percorreron, perfectamente equipados con lanterna e casco, unha das galerías. Posteriormente cruzaron a pe todo o complexo ata chegar á aldea das médulas.
Pola tarde fíxose a viaxe cara Ourense, onde se pernoctou, para ao día seguinte visitar a cidade seguindo o itinerario que percorren os protagonistas da novela A esmorga de Eduardo Blanco Amor.
Aviaxe completouse pola tarde con dúas últimas visitas: a casa-museo de Ramón Otero Pedrayo en Trasalba e a vila de Ribadavia.
Podes ler a unidade didáctica elaborada para a viaxe.
Intercambio con Sanxillao
O alumnado de 4º ESO está inmerso nun intercambio con alumnos/as do IES Sanxillao de Lugo para o fomento e uso do galego. O xoves 22 de maio tiveron a 1ª experiencia neste sentido, que consistiu nunha visita pola cidade de Lugo acompañados por dúas profesoras do mencionado centro. Os nosos alumnos/as puideron contemplar a fermosura do casco antigo e das murallas romanas.
O xoves 5 de xuño devolverannos a visita. Pretendemos que se acheguen á realidade actual dun pobo da costa, amosándolles o seu rico patrimonio histórico: o Facho, cruceiro de Hío, casco vello coas súas casas mariñeiras, etc.
Actividades de orientación no lago Castiñeiras
O día 12 de Xuño o alumnado de 3º ESO desprazase ó Lago Castiñeiras para realizar unha serie de actividades de orientación organizadas polo Departamento de Educación Física.
Galería de fotos
Gravación musical
O alumnado de música de 1º de bacharelato, baixo a dirección do profesor Xulio, participou o 4 de Xuño na gravación da melodía de dúas Cantigas de Santa María, peza que fora preparada para un acto realizado con motivo da celebración do día das Letras Galegas.
Sendeirismo ata o Facho
O 9 de Xuño alumnado de 1º ESO fixo sendeirismo dende o Instituto ata o Monte de Facho pasando por Herbello, Vilariño, Riodesteiro, Igrexario e Montes da Serra. Visitaron o xacemento arqueolóxico, baixaron a comer a Donón e pola tarde fixeron actividades lúdico-deportivas na praia de Viñó. Estas actividades foron organizadas e dirixidas polo alumnado do Primeiro Ciclo do TAFAD, formando parte das prácticas do seu currículo
Exposición sobre o “PRESTIGE”
Do 4 ó 13 de xuño exposición na ágora “ PRESTIGE: CRÓNICA NEGRA DUN MODELO ENERXÉTICO INSOSTIBLE”
Alumnado de diferentes cursos pode observar o que supuxo o desastre do Prestige e a necesidade de facer un uso máis controlado das fontes de enerxía fósiles.
Para reforzar a actividade tiveron que completar unha ficha elaborada polo profesorado.
Galería de fotos
Prácticas de primeiros auxilios
Na ágora, o longo dunha semana e nos recreos, o alumnado do Ciclo Superior de TAFAD, fixo unha demostración de Recuperación Cardiopulmonar. Profesorado e alumnado participou nas demostracións.
