A Fundación UNIR, creada en Zaragoza en 2002, con fins sociais (orientada inicialmente a prexubilados, xubilados e persoas da terceira idade) e sen ánimo de lucro vén de resolver o IX PREMIO INTERGENERACIONAL DE ENSAYO Y RELATO BREVES a nivel estatal, no que resultou finalista a alumna de 1ª ESO B Tiziana Noely Martínez Vallenilla, coa súa obra “Tras la puerta de mi armario”. Podedes ler a obra no arquivo adxunto e compartir o talento de Tiziana e súa sensibilidade. Parabéns, Tiziana!!!

O 3 de decembro o IES Marco do Camballón conmemorou o Día das Persoas con Discapacidade con unha serie de xogos inclusivos organizados polo alumnado do ciclo de Atención a persoas en situación de dependencia. Neles, o alumnado e profesorado se puideron poñer na pel das persoas con diversidade funcional, comprobando os atrancos cos que se atopan a diario, así como as súas fortalezas, pois a pesar das limitacións propias e as sociais impostas son persoas capaces!

Por isto, no centro celebramos este día baixo o lema Feliz Día da Capacidade!

O 27 de outubro, nun acto organizado en colaboración coa Academia Galega do Audiovisual, fixemos a presentación da I edición dos premios FIESTRA. Na sesión proxectáronse catro curtametraxes seleccionadas polo alumnado de 4º ESO entre as que están disponíbeis no catálogo de fiestra.gal. Tras as curtas tivemos un coloquio co director de fotografía Javier Grixo e a actriz Camila Bossa, que compartiron co alumnado algunhas das súas experiencias  durante as rodaxes.

Tras o coloquio tivo lugar unha rolda de prensa para dar a coñecer os premios FIESTRA. Participaron Miguel Mariño, director da Academia; o concelleiro de cultura de Vila de Cruces Julio López; o director do IES Marco do Camballón José Manuel Iglesias e a actriz Camila Bossa e o director de fotografía Javier Grixo.

O director da Academia presentou esta iniciativa, na que os centros de ensino de Galicia que formen parte da comunidade de Fiestra poderán decidir cos seus votos cal é a curtametraxe do catálogo merecedora do premio, polo seu valor á hora de facilitar o traballo e a reflexión na aula. O concelleiro Julio López augurou unha “longa vida” ao galardón, ao tempo que louvou a actitude e o comportamento do alumnado do IES Marco do Camballón, que formou parte do público do acto.

Neste ano 2021, os Galicia Skills de Soldadura e Caldeiraría, foron realizados no Centro integrado Politénico de Vigo, coa participación un total de cinco alumnos.

Brais Blanco Tarrio, do CIFP Politécnico de Santiago, con José Antonio Isla González coma titor.

Sara Pereira Lago, do CIFP Valentín Paz Andrade, con Vicente Martínez Rolán coma titor.

Brais Dos Santos Alfaya, do IES de Salvaterra de Miño, con Alfredo Madrigal Farina coma titor.

Mateo Rubal Fanego, do IES María Sarmiento, on Eliseo Maseda Iglesias coma titor.

Nicolás Sueiro García, do IES Marco do Camballón, con Rubén D. Gómez Casal coma titor.

As probas realizáronse ó longo da mañá do 7 de outubro, para o cal dispuxeron de todo o material necesario, subministrado polo CIFP Politécnico de Vigo e a empresa Resomaq SL. Entre as probas  estaba a interpretación dun plano, para o corte e soldeo posterior das pezas en cuestión en diferentes posicións, cun elevado grado de dificultade.

O mural, sobre a parede exterior do ximnasio, foi realizado por @elmiguelperalta do colectivo Cestola na cachola. 

Recollemos a opinión do artista:

Tratei de referenciar a modo de collage composto de fotografías, textos e ilustracións os momentos máis representativos da súa vida: a dura infancia na Galicia da posguerra, a temprana emigración, súa vida e activismo en Arxentina e Cuba, e o seu retorno á terra de Gres (Vila de Cruces).

A idea do collage xurdiu a raíz dunha entrevista que lin dun compañeiro co que traballou na revista infantil cubana Zunzún (da que foi fundador e redactor). Na entrevista comenta que Neira Vilas tiña unha vida moi activa e levaba a cabo multitude de proxectos simultaneamente, e non entendía como podía ser un autor tan prolífico e traballar tan duramente para a revista. Conta que polo visto tiña os petos cheos de papeliños recortados nos que anotaba ideas de todo tipo que lle xurdían ao longo do día. Cando chegaba a casa adicábase a ordenar todos os fragmentos en composicións que despois organizaba minuciosamente en carpetas para empregalas cando fose necesario nas súas publicacións. Así pois imaxinei unha composición deses papeis dispersos nunha parede para ilustrar a súa vida e obra.