Complementarias

Hoxe mércores 21 de xuño o alumnado de 1º de ESO asistíu a unha charla sobre a Antártida da profesora Magaly Barreiro Ponte.

Moitas grazas por compartir as túas experiencias viaxeiras con nós!

O VENRES 21 de ABRIL todos/as os/as alumnos/as de 2º Bacharelato deberán asistir a unha charla organizada polo Departamento de Orientación e impartida por Augusto Otero, ás 10:45 horas en Usos Múltiples (duración: 3ª e 4ª horas), sobre “ABAU 2017: NORMATIVA E ASPECTOS PRÁCTICOS”.

Para máis información sobre os contidos a tratar, premer en ler máis.

Os/as alumnos/as de 2º Bacharelato do noso centro: Alejandro Abonjo Bouzas, Diego Cora Calvo, Antía Paz Carracedo e Mateo Varela Miranda participarán o xoves 6 de abril na MASTERCLASS EUROPEA de FÍSICA (“Física de Partículas coas mans”), organizada pola Facultade de Física da Universidade de Santiago de Compostela. É unha xornada na que profesores do Dpto. de Física de Partículas da Facultade de Física da USC, en colaboración co CERN, tentarán achegar o mundo das partículas elementais a estudantes de último curso de Bacharelato.

Máis información nesta ligazón.

Mañá mércores 8 de marzo no 2º recreo, teremos unha nova sesión de "Poesía necesaria como o pan de cada día".

Vén co teu poema e se o les en voz alta gañarás o pan.

Na MeGaBilio!

Hoxe presentamos aos gañadores do concurso de disfraces do Entroido MGB:

"El Cártel de Roma (Romae Societas)", protagonizado por Adrián Gago (Adrianus) como Gustavo, e Sebastián Eiras (Sebastianus) como Pablo.

O pasado venres 17 a escritora María Reimóndez compartiu co noso alumnado a súa actividade literaria, social e tamén o mundo da tradución.

Hoxe no primeiro recreo tivo lugar a entrega de premios do concurso de Cultura Clásica Odisea 2017.

Durante os meses de febreiro e marzo o club "A Estrada Bestas" impartirá clases de fútbol americano, na súa modalidade de Flag Football, ao alumnado de 4º de ESO e 1º de Bacharelato durante as clases de Educación Física. Está resultando unha experiencia moi interesante.
Moitas grazas a tod@s aquel@s que o facedes posible.

O vindeiro venres 11 de novembro de 12:25 a 14:25 celébrase un ano máis o Magosto no noso centro. Contaremos con música tradicional e degustación de castañas asadas.

Os carteis para esta actividade foron deseñados polas alumnas de 2º Bacharelato B da materia de Deseño María Brea Chao, Paula Fernández Miguens e Jennifer Mesejo Puga.

Agardamos pasalo moi ben e que o tempo nos acompañe! 

O pasado venres 21 de outubro foron presentados algúns dos obradoiros que serán desenvolvidos en centros educativos da Estrada. No MGB teremos un de "Resolución de conflictos e asertividade" en 1º de ESO e outro de "Prevención de condutas violentas" para 3º de ESO. Terán lugar nas horas de titoría e foron organizados polo departamento de Orientación en colaboración coa asociación Acrofam e o concello.

Máis información en La Voz de Galicia ou no Faro de Vigo.

O luns 24 de outubro é o día da biblioteca. Celebrarémolo no 2º recreo coa entrega dos diplomas que remitiu a Xunta de Galicia para os axudantes do curso pasado, diplomas que serán entregados pola directora do centro.

Servirase un chupito de chocolate en homenaxe a Roalh Dalh, autor lido polos nosos alumnos en varias linguas, xa que o 13 de setembro cumpríronse 100 anos do seu nacemento.

Se premes nesta ligazón poderás ler o texto do pregón escrito pola gañadora do premio nacional 2015 Ledicia Costas.

** Roald Dahl, nado en Llandaff, Cardiff, o 13 de setembro de 1916 e falecido en Oxford, o 23 de novembro de 1990, foi un novelista e autor de contos galés de ascendencia norueguesa, famoso como escritor para nenos e adultos. Entre os seus libros máis populares están Charlie e a fábrica de chocolate, Iago e o pexego xigante, Matilda, As bruxas e Muá, Muá.

Onte xoves 29 de setembro visitou o noso centro a compañía de teatro The Momento Impro para levar a cabo unha actividade de improvisación teatral co alumnado de 1º de bacharelato. Tedes máis información neste enlace. Moitas grazas polo bo momento que pasamos!