Hoxe, no Faro das Lúas, festexamos o Día do Libro: na Biblioteca Escolar levamos a cabo “A Festa dos Libros” e realizamos un concurso literario para todo o alumnado que quixera participar. Sorte a todos os participantes!
A rapazada de 3º vén de pasar dous días no Porto! Acompañados por Fátima Rodríguez e Raquel Fernández, do EDLG do noso centro, os viaxeiros viviron unha aventura inesquecible e enriquecedora. Convivencia, inclusión, cultura, lingua, gastronomía, amizade, empatía, ilusión... Cantas experiencias positivas caben nunha viaxe!
Hoxe o alumnado de 4° tivo a honra de recibir a Manuel Núñez Singala, autor de "Atranco no banco", a divertida comedia que acaban de ler e da que o escritor en persoa lles viu dar máis detalles. O autor lugués é un dos favoritos do público infantil e xuvenil galego, sendo gañador do Premio dos Clubs de Lectura 2023. Na súa páxina web podedes ver todos os seus libros: https://www.singala.eu/