Taboleiro

O venres 4 de marzo celebramos a XI edición do certame literario ‘Rita Suárez Amado’. Presidían a mesa de honra no Salón de Actos do noso Instituto o Director Xeral de Educación, D. Manuel Corredoira; a Tenente de Alcalde e presidenta do xurado, Dª Silvia Cameán; a Directora do centro, Dª Mª Isabel Ruso, os pais de Rita, D. Juan Suárez e Dª Carmen Amado e a Vicedirectora do centro, Dª Mª Rosario Soto.

Os diarios da cidade La Opinión e La Voz de Galicia fixéronse eco do acto.

Entre os premiados houbo, entre outros, alumnos do Colexio das Escravas da Coruña, do IES Rafael Dieste e do noso propio Instituto. A todos, parabéns! 

Actualización 31 de maio: 

Podedes ver as máis de trescentas fotos do acto.

O pasado 1 de febreiro os alumnos de 2º ESO D fixeron entrega do diñeiro recaudado por eles - máis de trescentos euros - para proxectos da ONG Miradas al Mundo. Ao acto asistiu unha representante da ONG. Co diñeiro poderanse supón unha axuda para desenvolver un proxecto no África.

.

 Actualización: A cantidade recaudada foi de 253,60 euros, que será destinada ao proxecto 'Ilumina su futuro'. A ONG invítanos a botar unha ollada aos proxectos que fan cos centros escolares.

Coma anos anteriores, os mellores recibiron a promesa do agasallo en forma de chocolate e churros. Esta vez foi para as aulas de A e C de 1º da ESO, e C e D de 2º da ESO. Facendo clic poderás ver as celebracións con máis detalle.

Parabéns!

Os días 14 e 28 de xaneiro os alumnos de 3º da ESO visitaron a Domus para realizar no seu laboratorio unha práctica de disección do corazón dun porco. O alumnado puido apreciar neste órgano a disposición das distintas veas e arterias, as cavidades coronarias e as válvulas que regulan o fluxo sanguíneo. Completouse a saída facendo unha visita ás instalacións da Domus, onde os rapaces puideron, de modo interactivo, avanzar no coñecemento da anatomía e fisioloxía do corpo humano, contidos que se están a traballar neste curso.

(Fai clic na foto para ver máis)

(Texto de Catalina Romero, fotos de M. Jesús Quintáns, M. Jesús Gómez  e Catalina Romero)

O pasado mércores 20 de xaneiro, o doutor Ángel Carracedo impartiu unha conferencia maxistral no noso centenario instituto.

Podes atopar a crónica e fotos do senlleiro acto, ao que asistiu o Excmo. Alcalde da Coruña, neste enlace de Cazatesouros, o blog do club de lectura.

Máis: "Para que surdan moitas máis figuras como a do doutor Ángel Carracedo é necesario mimar a educación pública"

Os rapaces do Club de Lectura de primeiro da ESO, na chocolatada de Nadal, deséxannos unhas boas festas.

A Concellería de Xustiza Social e Coidados do Concello de A Coruña ven de comunicar que o xurado da V Edición do concurso de Viñetas "Sen adiccións... un bo plan"  falloú como gañador da Categoria 2 a viñeta presentada por David Pérez Plaza, alumno do IES Eusebio da Guarda. Dase a circunstancia de que houbo 400 participantes nesta edición de Viñetas.

A entrega dos premios levarase a cabo no Concello, na Praza de María Pita o día 14 de decembro ás 11:00 horas.

Parabéns!

Actualización: 

(Para ver as fotos fai clic)

Hoxe visitounos o escritor vigués, premio Blanco Amor 2005, Francisco Castro. O seu auditorio estivo formado polo noso alumnado de 1º da ESO. Máis dun cento de rapaces que mereceron xa un dez polo seu comportamento. Estiveron moi atentos á dinámica e entretida charla sobre a xénese da obra Chamádeme Simbad. Logo fixéronlle varias preguntas intelixentes. Francisco Castro respondeu de igual a igual, demostrando unha vez máis a importancia de sermos seres que len, conscientes dos problemas do mundo e do poder do individuo que sabe discernir as palabras sabias das palabras falaces.

(Fotos de Pedro R. Porca)