Filosofía

O pasado venres 26 de Abril os alumnos de 2º de Bacharelato de Filosofía e 1ºde Humanidades asistiron a charla "A crítica aos Totalitarismos: A condición humana en Hannah Arend" a cargo de María Xosé Agra Romero, catedrática de Filosofía política da USC e membro plenario do Consello da Cultura Galega. A prestixiosa e querida ponente foi profesora de todo os membros do departamento de Filosofía e a súa conferencia subliñou a importancia de incluír por fin o estudo de pensadoras no programa da ABAU. Arendt, na súa obra As Orixes dos totalitarismos, intenta comprender que sucedeu, que puido pasar en acontecementos históricos como o nazismo, que ninguén puido prever. O reto que nos presenta Arendt é pensar no que facemos, confrontarnos coa nosa responsabilidade individual e salientar a idea de que non podemos deixar que nos fagan incapaces de pensar e de actuar. Como seres humanos vivimos xuntos e temos que saber hasta onde hai uns límites nese con-vivir. Cada uno de nos é un ser orixinal que pode orixinar un novo inicio.

A actividade foi programada polo Departamento de Filosofía

O pasado mércores 24 de maio celebrouse no centro cultural Ágora a II Edición da Gala de entrega de premios de CINEMA NA ESCOLA. O alumnado de Valores Éticos de 3º ESO C e 4º ESO B competiron con outros centros da Coruña coa súa curtametraxe Debuxa, que resultou galardoada con cinco premios: Premio á mellor curta, 1º premio na categoría de Imaxe, 1º premio na categoría de Edición, 2º premio na categoría de mellor actuación, e un premio especial de mención ao Esforzo. Aproveitando a celebración do Ano Picasso e o 160º aniversario do Instituto Eusebio da Guarda, o alumnado quixo centrar o guión da súa curta nunha historia ficticia baseada no paso de Pablo Picasso polo IES Eusebio da Guarda, co obxecto de salientar a importancia dos valores éticos na sociedade, a figura de Pablo Picasso e a relevancia e beleza que ten o noso centro educativo. Este proxecto contou coa participación tanto do alumnado e profesorado, como das familias, quen achegaron o seu valioso gran de area. Sen ningunha dúbida, os premios foron un merecido recoñecemento ao traballo e talento do alumnado do noso centro.

Parabéns a todos!!! 

Rosa Ma Rodríguez Rivas (Profesora de Música e Valores Éticos

• Enlaces á prensa: La Voz de Galicia, La Opinión
• Galería de fotos: Pinchar no enlace 

Para acceder a todas as imaxes pinchar no enlace

O Consello de Cultura Galega leva este mércores á Coruña o proxecto Sophias.

Sophias é a serie web de ficción coa que o Consello da Cultura Galega (CCG) e a Consellería de Promoción do Emprego e Igualdade, contribúen a divulgar o pensamento de mulleres destacadas da historia. A responsable do proxecto, Carme Adán, a realizadora, Cristina de La Torre, máis o docente Manuel Torres presentan este mércores na Coruña (Instituto Eusebio da Guarda, 12;00 horas) esa iniciativa que está formada por sete episodios que se achegan ás ideas de figuras coma Simone Weil, Simone de Beauvoir, Hannah Arendt, Judith Butler ou María xosé Agra.

Ligazóns relacionadas   http;//consellodacultura.gal/especiais/sophias/