4 de novembro de 2022

Receitario do inframundo 

 Tras a lectura, nesta 1ª avaliacón, do libro de Ledicia Costas, Escarlatina, a cociñeira defunta, o alumnado de 1o ESO A e D quixo sumarse á temática da morte que, cun humor maxistral, recrea a nomeada autora viguesa, con divertidas aventuras do Inframundo, protagonizadas por uns personaxes moi peculiares e divertidos. Escarlatina, unha nena cociñeira falecida no século XIX que nunca se separa de Lady Horreur, un arrepiante arañón con acento francés, coprotagoniza esta historia xunto con Román, quen recibira polo seu aniversario un agasallo moi particular. Polo libro desfilan gorentosas e larpeiras receitas, as máis sabedeiras do mundo dos vivos e dos mortos. Tecidas entre elas asistimos a múltiples peripecias, cun exquisito humor macabro. Así, o dito alumnado atendeu con interese a suxestión que lles propuxen de poñerse (expresión nunca máis acaída) “coas mans na masa” e inventar pratos cos ingredientes máis noxentos posibles, “saborentos” manxares do mundo do Alén, que constitúe un bo pretexto para renderlle unha homenaxe ao Samaín. O alumnado presentou unha carta imposible de comer no mundo dos vivos: minipizza infernal; dedos de momia; galletas de carrachas e cachos de perna humana; sopa de ouriños de can, patas de araña e ollos de robaliza; pescada á galega de lesmas e cascudas; muf ins de vermes e sangue de cabalo, ....... A exposición dos seus traballos pódese ver no primeiro andar do Edificio histórico, instalada un apropiado 2 de novembro (ou mellor dito, e recollendo a denominación máis tradicional dos meses na nosa lingua, do mes dos Mortos) do ano 2022. Abofé que a rapazada aprendeu de xeito divertido dúas leccións inesquecibles: a funcionalidade creativa da lingua e as características dun texto instrutivo. Bo traballo, chefs!!!! 

     Mª Teresa Pastor Novo  (Profesora de Lingua Galega e Literatura e Coordinadora do EDLG)

Para acceder ás fotos pinchar na imaxe

31 de outubro de 2022

TIME TO MOVE 

Un grupo de alumnos de 1º de Bacharelato participaron nunha charla in- formativa ae varios obradoiros realizados por representantes do equipode Ingalicia co obxectivo de dar a coñecer aos nosos xóvenes as diferentes opcións de movilidade dentro do marco da Unión Europea, como volunrta- riado, intercambios académicos, prácticas no estranxeiro, etc.

As actividades TIME TO MOVE ofrecen a oportunidade de preparar proxec- tos e recibir orientacións sobre as oportunidades internacionais que lles interesen.

Para acceder as fotos da charla informativa pinchar aquí

26 de outubro de 2022

Xornada de convivencia na Escola Ecolóxica de Vilasantar

O pasado 24 de outubro a rapazada de 4º de ESO estivo coa asociación Raíña Paraíso na Escola Ecolóxica de Vilasantar. Un proxecto de inclusión social no rural. Foron acompañados polos profesores Serxio Gómez e Antonio Fondo. A experiencia resultou moi grata, para moitos foi un auténtico bautismo rural. Salientable o comportamento de todos eles.

Para acceder a todas as fotos pinchar na imaxe

25 de outubro de 2022

Visita da Coruña da man do alumnado de 2º de Ciclo superior

Como xa é tradición, o luns 17 de outubro, o alumnado de francés de 2º de GIAT, acompañado polo seu profesor François Davo, fixo de guía turístico para o alumnado francés e o seu profesorado do Collège Irène Joliot-Curie (Fontenilles) no marco do intercambio - xa todo un clásico do noso instituto-,  que organiza o Departamento de Francés para o alumnado de 3º de ESO. Desfrutaron dun paseo moi agradable para descubrir lugares emblemáticos do centro da nosa cidade.

12 de outubro de 2022

O periodismo é máis necesario que nuncha nunha clase da ESO

Sabela Prieto, profesora de Lingua Castelá do noso centro e gañadora do premio Periodismo na Escola da Voz de Galicia e Norvento, fala no seguinte artigo sobre a importancia do periodismo nunha clase da ESO.

Para acceder ao contido do artigo pincha na imaxe.

6 de outubro de 2022

Proxectos en muro compartido

O alumnado da profesora Tatiana Saldaña elaborou fiferentes traballos  sobre os temas estudados na clase: apariencia física, cine, hallowen... Estes traballos subíronse a un muro compartido a través dunha aplicación chamada Padlet. Deste xeito todo o alumnado puido ver o traballo feito polo resto e aprender de forma colaborativa, ademáis de fomentar a competencia dixital. Pode accederse a ditos traballos pinchando nos enlaces dos grupos que participaron:

                                                        1º ESO BD       1º BAC      3ºESO AD     

3 de outubro de 2022

Traballos de francés sobre diversidade bisexual

Con motivo do día internacional da visibilidade bisexual, celebrado o 23 de setembro, o alumnado de francés primeria lingua do grupo 3 ESO C, coa súa profesora Sara Pajon, realizou uns pósters sobre mulleres francófonas bisexuais, que expuxemos nos taboleiros do grupo Iguais na diversidade. Deste xeito, dende a materia contribuímos a dar visibilidade ao colectivo bisexual ao mesmo tempo que fomentamos o coñecemento de distintas mulleres francófona célebres, como as escritoras Simone de Beauvoir ou Marguerite Yourcenar, entre outras.

Máis pósters no seguinte enlace.

Martes 27 de setembro de 2022

Roteiro pola Coruña modernista 

Este pasado luns 26 de setembro un grupo de profesores e profesoras participou no roteiro A Coruña modernista, organizado polo Departamento de Xeografía e Historia, en colaboración co EDLG. O profesor Abel Fernández Maroño foi o encargado de explicar a historia dos edificios máis emblemáticos deseñados nese estilo artístico, construídos na cidade herculina nos primeiros anos do século pasado. Resultou moi interesante porque, á parte da información histórica achegada, serviu tamén para recrear curiosas anécdotas relativas á flora dos Xardíns de Méndez Núñez, costumes cotiás das mulleres doutrora, modas provenientes de ultramar ...... Mesmo algún dos asistentes tamén comentou curiosidades de certos nomes das rúas que antes foran castelanizados, pero que recuperaron a toponimia orixinaria galega e que explican moitos detalles da historia da nosa cidade, como a rúa Alcabaleiros, que eran os que cobraban as alcabalas (os tributos que os vendedores lles pagaban ao fisco nos contratos de compravenda e os dous contratantes, no de permuta). Tamén a profesora de Lingua galega e literatura Beni Vidal comentou a malfadada Casa Viturro, ao redor dun episodio de violencia machista acontecido nela hai moito tempo, que xa recrea a escritora Antía Yañez en Senlleiras. Esta lenda negra presente nesta edificación queda patente ou rexistrarse outro infortunio hai poucos anos. En resume, un roteiro moi interesante, que mesmo puideron seguir os participantes con cadanseu folleto explicativo, na tradución e confección do cal colaborou o EDLG. Aquilo que dixera Viente Risco de que : “Ti dis: Galicia é ben pequena. Eu dígoche: Galicia é un mundo”, sen ningunha dúbida podería aplicárselle á nosa cidade, porque descubrimos nunha hora de roteiro un mundo de historia sobre a universalidade da nosa urbe. 

                                                         Teresa Pastor Novo (Coordinadora do EDLG)                                                                                                                                                                                                                    

15 de setembro de 2022

Presentación na sede do Parlamento Europeo en Madrid do Proxecto "Europa mira ao Mar"

Os días 4 e 5 de setembro unha representación de 9 alumn@s de 1º de Bach, que traballaron no Proxecto TADEUS,  acompañados polas profesoras Mª José Barreiro e Mª José Rivas, viaxaron a Madrid para presentar o seu Proxecto de investigación dos Fondos Estructurais da UE.

A presentación tivo lugar na sede do Parlamento Europeo en Madrid onde foron recibidos por Teresa Coutinho, Directora da Oficina do Parlamento Europeo en España, e Juan González Mellizo, Xefe de Comunicación e prensa da Comisión Europea, entre outros membros. Interveu tamén no acto Nino Versace, Director de Ingalicia.

Ao rematar a presentación os nosos alumnos recibiron os diplomas acreditativos do 2º Premio polo Proxecto na sede de INJUVE, onde foron recibidos por David Lafuente, subdirector de INJUVE España e pola directora adxunta, Cristina Naveira, que nos fixeron entrega dunha placa de recoñecemento polo proxecto "Europa mira ao mar"

PARABENS aos nosos alumn@s polo traballo realizado !!!

Para acceder a todas as fotos pincha na imaxe.

6 de setembro de 2022

Xornada de benvida ao novo Profesorado en Santiago

A directora do Instituto deu a benvida ao novo Profesorado de Ensino Secundario no Pazo de Congresos de Santiago de Compostela.

Pincha na imaxe para acceder a máis información.