Extraescolares

O alumado do IES Elviña na Olimpiada Matemática

A semana pasada o IES foi un dos catorce centros da área da Coruña participantes na Olimpiada Matemática organizada por AGAPEMA. Destinada aos estudantes de 2º ESO, a Olimpiada Matemática é unha convocatoria anual para os máis apaixoados entusiastas de números e formas xeométricas. Aqueles que aceptan o desafío poñen a proba o seu inxenio fronte a problemas matemáticos de formidable dificultade, co énfase posto na valoración da orixinalidade e creatividade nas respostas, mesmo por riba da súa exactitude.

Na foto, os nosos oito fabulosos participantes na edición deste ano. Grazas por representarnos e sorte coa fase de zona!

ÉXITO NA OLIMPIADA MATEMÁTICA

O ALUMNADO DO IES ELVIÑA, VICTORIOSO NA OLIMPIADA MATEMÁTICA GALEGA

O alumnado do IES Elviña participou neste curso na Olimpiada matemática da AGAPEMA por iniciativa docente do Departamento desta especialidade. Precisamente a pasada semana celebrouse no Círculo das artes de Lugo a final galega deste evento, onde un representante do noso centro acadou o trofeo á "Beleza matemática" polo seu bo facer nas olímpicas probas numéricas (difíciles dabondo, mais non para el, segundo parece).

Noraboa, Paulo, polo teu éxito, que é o de todo o centro. Segue así!

DÍA DA CIENCIA NA RÚA 2021

O IES ELVIÑA DE NOVO PARTICIPANTE NO DÍA DA CIENCIA

Desde hai anos, o noso centro ten por tradición da primeira semana de maio, a participación no Día da ciencia na rúa, que vai xa pola súa XXV edición. O ano pasado, o confinamento impediu o desenvolvemento desta actividade, que o Dpto. de matemáticas tiña xa preparada. Por fin, este ano recupérase a tradición de festexar a ciencia na nosa cidade, pero, co aquel de tornar á normalidade pouco a pouco, o fasto houbo de pasar da rúa ao teatro, como lé o lema do cartel anunciador. Pois ben, benvido sexa, pois, o Día da Ciencia no teatro!

E ao teatro fomos: unha exquisita selección de alumnado de ESO e Bachaerlato do noso centro e máis dúas profesoras do Dpto. de matemáticas (as dúas Marías, a saber, Sancosmed e Chan, que ergueron o pavillón científico de Elviña con alta dignidade no amplo escenario do Colón). Alí expuxeron os rapaces e rapazas os seus matemáticos traballos, dos cais quedará memoria por mór do glorioso invento de Niepce (exemplos consultables enriba e no Instagram do centro) e do vídeo dixital colgado en Vimeo pola organización do evento.

Que lles aproveite aos interesados (e interesadas)!
E noraboa aos sabios participantes!

UN ANO MÁIS, O IES ELVIÑA NA FINAL DO YOUNG BUSINESS TALENTS

CONCURSO NACIONAL YOUNG BUSINESS TALENTS

      O IES Elviña foi o único instituto que conseguiu meter a tres equipos na final do simulador empresarial Young Business Talents, consistente na xestión dunha empresa ao longo de varios períodos. Este concurso contou coa participación de máis de 3000 equipos de toda España, aínda que só 100 deles son seleccionados para a final despois dunha dura competición.
      Os tres equipos do noso centro quedaron entre os 5 primeiros da provincia da Coruña, postos que dan acceso á final, que se celebrará o vindeiro 7 de maio. Lamentablemente, as bases do concurso só permiten 2 equipos por centro como máximo, así que un deles quedará fóra da competición, deixando o seu posto ao 6º clasificado.
     Dadas as restricións da situación actual, é posible que a final non se celebre en Madrid como é habitual, senón de modo virtual.
     Cómpre felicitar ao alumnado que acadou a final. Parabéns, polo tanto, a Roi, Manuel e Xavier de 4º ESO; a Aroa, Mabelin, Sabela e Paula, primeiro equipo de 1º BACH; e a Diego, Alejandro, Brais e Santiago, segundo equipo de 1º BACH; e ao seu profesor Iñaki Tomás por sementar o talento económico con tan marcado entusiasmo e acerto. Moita sorte aos elixidos!

YBT

GAÑADORES DO CONCURSO DE LOGOS

LOGO GAÑADOR DO CONCURSO PROXECTO
"BREAKING WALLS"
IES ELVIÑA

Velaquí temos xa o logo gañador do concurso do proxecto DERRUBANDO MUROS do noso proxecto Erasmus+. O fermoso deseño alzouse coa victoria nunha reñida competición entre os traballos presentados, todos de grande calidade.

A afortunada gañadora pertence ao grupo de 3º ESO A e recibirá un vale por 50€ de material escolar.

Todo o profesorado responsable do Proxecto Breaking walls quere agradecer sinceiramente a participación de todo o alumnado no concurso.

Noraboa aos participantes e, singularmente, á gañadora!

Semper Victor!

ESPAZO MAKER

Antena xuvenil do IES Elviña

Erasmus+ Internacionalización

DEPARTAMENTOS

Departamentos

Ciencias naturais	Debuxo
Economía	Educación Física
Filosofía	Física e Química
Lingua castelá	Lingua francesa
Lingua galega	Lingua inglesa
Linguas clásicas	Matemáticas
Música	Tecnoloxía
Xeografía e Hª	Normalización
Orientación	Relixión

BIBLIOTECA

Club de lectura

Revista "Xiada dixital"

Último número
Números anteriores

Dereitos de imaxe

As imaxes e vídeos contidos nesta páxina web corresponden ás actividades desenvolvidas dentro da Programación anual de actividades do noso centro polo noso alumnado. Todas as familias e responsables legais do alumnado que aparece nelas asinaron coa matrícula un permiso específico para permitir a difusión destas imaxes a través da web do instituto ou a través das contas en espazos web e en redes sociais que son de titularidade do IES Plurilingüe Elviña. Asimesmo, familias e responsables están tamén informados do seu dereito de revogar esa autorización de uso de imaxe.
Lémbrase que a descarga destes materiais visuais e o seu uso por terceiros fóra do estrito marco dos espazos e funcións permitidos pola autorización citada (isto é, a difusión meramente informativa das nosas actividades complementarias e extraescolares a través da páxina web oficial do centro e a través das contas das que o centro é titular) son ilegais, poden e deben ser denunciados. O IES Plurilingüe Elviña non se fai responsable do uso que se poida facer destas imaxes por terceiros fóra do ámbito dos espazos web que son da súa titularidade.