Skip to Content

INTERNACIONALIZACIÓN ERASMUS+

10ª MOBILIDADE PROXECTO ERASMUS+ KA101: "Outdoor Education". PORTUGAL

001

Estancia formativa en Caldas da Raínha
(Portugal)

 O noso compañeiro Xabier Fernández-Villarrenaga do departamento de Educación Física tivo a oportunidade de participar na derradeira mobilidade do noso proxecto Erasmus+ financiado con fondos europeos para participar no curso "Outdoor education" en Caldas da Rainha, Portugal, do 24 ao 28 de agosto de 2023. O obxectivo principal era mellorar as súas competencias na aplicación da educación ao aire libre para mellorar a motivación do noso alumnado e promover a cooperación europea no ámbito da educación mediante asociacións.

 Segundo nos conta Xabier "a riqueza cultural dos participantes e as boas dinámicas e actitudes permitiron que o intercambio de experiencias resultara sumamente enriquecedor. Pouco a pouco foise creando unha urdime da que esperamos proxectos en común cara a futuro".

123

DÍA DE EUROPA 2023

 

001

XINCANA DE CELEBRACIÓN
DO DÍA DE EUROPA NO IESP ELVIÑA

   O pasado día 9 de maio foi o Día de Europa. Como xa é costume, desde a equipa de Internacionalización organizouse una serie de actividades lúdicas cos rapaces de 1º ESO. Apoiados por compañeiros de 4º ESO, participaron nun conxunto de probas nas que se lles plantexou a resolución de varios enigmas relacionados con moi distintos  aspectos culturais, lingüísticos e xeográficos dos diferentes países que compoñen a Unión Europea.

    As probas consistiron nun kahoot en varios idiomas sobre a Unión Europea, a realización da estrutura máis alta posible empregando materiais de refugallo, o emparellamento de metades de refráns en diferentes linguas da Unión, un circuito de probas físicas e, por último, a confección de puzzles de capitais, países e bandeiras dos países membros.

    Honramos deste xeito o espírito de concordia entre os diferentes países e culturas europeas no marco das institucións que constitúen o marco de convivencia democrático ao que pertencemos, facendo honor tamén ao noso lema fundacional: "Derrubando muros" desde o proxecto que o Equipo de Internacionalización leva desenvolvendo ata o día de hoxe desde a súa formación no ano 2019.

    Ficamos orgullosos dos froitos do traballo realizado ata agora, o que sen dúbida proporcionaranos o pulo necesario para desenvolver novas actividades no curso 23-24.

 
 
 

Como premio, cada alumna e alumno de 1°E de ESO, grupo gañador da gymkana,  recibiu de mans da Vicedirectora e a Coordinadora de Internacionalización unha bolsa co logo do noso proxecto Erasmus KA101 "Derrubando muros" que ten como finalidade internacionalizar o centro e levar a cabo unha aprendizaxe fóra da aula convencional.

000009

FIN DO PROXECTO DE INTERNACIONALIZACIÓN

INTERNACIONALIZACIÓN

FIN DO PROXECTO "DERRUBANDO MUROS"

Expo

    Damos por finalizado o proxecto Erasmus+ KA101 cunha exposición, na planta baixa do centro, das múltiples actividades realizadas ao longo destes tres últimos anos.
    Na exposición explícanse as 10 mobilidades realizadas polo profesorado no estranxeiro para aprender novas metodoloxías (2 períodos por observación e 8 cursos de formación) e tamén as actividades levadas a cabo co alumnado como consecuencia do proxecto: un proxecto eTwinning (merecedor do selo de calidade eTwinning), as celebracións do Día de Europa durante 3 cursos académicos, visita de alumnado e profesorado italiano ao noso centro, concurso do diseño dun logo...
    Esperamos ter aberto a porta a futuras colaboración internacionais que permitan ao noso alumnado experimentar a inmersión intercultural e ter posto a disposición do alumnado as ferramentas axeitadas para desenvolver a súa creatividade e motivación.

9ª MOBILIDADE PROXECTO ERASMUS+ KA101: "Structured Educational Visit to Schools and Training Seminars in Sweden". SUECIA

O noso compañeiro Emilio Lousa en Estocolmo

 

010503
020604

 

     O pasado mes de abril, do 23 ao 29, o profesor Emilio Lousa tivo a fortuna de participar nun curso de formación a través do noso proxecto ERASMUS+ KA101 “Derrubando Muros”. Emilio cóntanos a súa estancia en Suecia facendo un pequeno resumo de cada día que estivo alí.

“Eramos case 100 profesores e fixemos moitas cousas, compartimos coñecementos e experiencias profesionais, fixemos moitos amigos e abrimos posibilidades para traballar xuntos no futuro. Así de simple, aquí está a miña aventura sueca.

  • Domingo: primeira sesión do curso, a introdución e as primeiras actividades cos meus compañeiros. O persoal falounos do espírito do curso e das cousas que deberiamos facer: facer tantos amigos como podamos, abrir a mente, facer preguntas, estar inquietos e desenvolver a nosa dimensión europea. O equipo de organización explicounos amablemente como desenvolvernos en Estocolmo cos transportes, e o programa para os próximos días. Tamén os deberes que debemos facer.
  • Luns: Pola mañá visita do casco antigo. Un guía cultural experimentado explicounos sobre diferentes aspectos da historia sueca. Pola tarde comezamos cunha charla do persoal da organización, seguindo cos valores da maldición.
  • Martes, mércores e xoves. Esa foi nosa inmersión na realidade do sistema educativo sueco. Fomos a visitar a escola *Ängsokolan, o “ximnasio Kungsholmens Västra” e o “ximnasio Värmdö”
  • Venres: Tomamos un autobús e visitamos dous lugares importantes para a historia e o patrimonio cultural sueco: Sigtuna, berce do pobo sueco e Upsala, cidade universitaria de referencia para os estudantes. Sábado: Último día de curso no que presentamos ao resto dos nosos colexios as nosas conclusións do “Learning Portfolio”, que elaboraramos en equipos compostos por persoas de varios países para compartir ideas, sentimentos, coñecementos e experiencias, e transmitir o noso pensamento ao resto de persoas do curso.

     En termos xerais podo dicir que a miña estancia en Estocolmo foi moi proveitosa. A organización foi marabillosa e o persoal foi moi amable e amable connosco. Cumpren co programa en todos os sentidos e poderiamos ensinar moitas cousas sobre o sistema educativo sueco e a cultura sueca para aplicar aquí no noso sistema. Puidemos visitar algunhas escolas suecas e interactuar con nenos e profesores na súa propia contorna.

   Tratáronnos moi ben e recibimos moita información directa sobre a forma de ensinar nese país. Unha gran experiencia que repetiría sen ningunha dúbida. Grazas ao instituto IES Plurilingüe Elviña e aos encargados do Programa de Internacionalización por esta linda e pracenteira oportunidade de mellorar a nosa condición como docentes e persoas.”

8ª MOBILIDADE PROXECTO ERASMUS+ KA101: "21st century skills and use of augmented reality and virtual reality with web 2.0 tools". TURQUÍA

Curso de formación Erasmus+ en Estambul (Turquía)

Dentro do Proxecto de internacionalización do centro Breaking Down Walls, a nosa compañeira do Departamento de matemáticas María Chan realizou entre o 16 e o 22 de abril do 2023 unha mobilidade á cidade turca de Estambul onde  asistiu a un curso destinado á mellorar as dinámicas de estudo e as metodoloxías de traballo na aula. En Estambul tivo a oportunidade de compartir varios días con outras persoas de diferentes países europeos, descubrindo de forma conxunta e colaborativa novas ferramentas tecnolóxicas, entre as que María destaca as relativas á impresión 3D e tamén as múltiples aplicacións da realidade virtual na aula.

010203
040506
Distribuir contido


by Dr. Radut