O día 25 de novembro foi declarado Día internacional contra a Violencia  de Xénero nun encontro feminista en Bogotá (Colombia) en 1981 para conmemorar o terrible asasinato  das irmás Mirabal polo simple feito de ser activistas políticas na República Dominicana en tempos do dictador Trujillo.

Nesa cita quíxose denunciar calquera  tipo de violencia de xénero a nivel doméstico, e a violación e acoso sexual sufrido por prisioneiras políticas en diversos países do mundo.

No noso centro queremos contribuír humildemente cunha serie de lecturas de textos tirados de libros da biblioteca onde se reflicten situacións de violencia contra a muller. Os fragmentos  serán lidos por alumnos do club de lectura ou voluntarios doutros cursos no corredor lindeiro á biblioteca e teremos como  fondo unha proxección con imaxes suxestivas .  Con esta acción gustaríanos facer unha pequena chamada a toda a comunidade escolar para que distribúa unha mensaxe de respecto tan necesaria nestes días.

 Acompañamos esta noticia cun vídeo dunha exposición feita hai 5 anos para loitar contra esta lacra e que aínda está, por desgracia, de actualidade.

 Normalización e Biblioteca
Lectura de microrrelatos de medos
Aquí tes, en formato maior, o video dos microrrelatos que os alumnos da ESO leron o venres 29 de outubro.

BIBLIOTECAS ESCOLARES

 Vimos de participar, un ano máis , nos Encotros de Bibliotecas Escolares de Galicia, onde máis que nada o que facemos é un activo intercambio de experiencias e opinións. Este ano asistimos a algunha que outra conferencia interesante, algunha repetitiva e nalgunha outra ata "durmimos" un pouco, pero o innegable é a sede de aprender que tiñamos os 1200 participantes ao evento, o amor aos libros e á busca incesante de materiais e fórmulas para  achegarlle a lectura ás nosas comunidades escolares .