Skip to Content

X Emprende Xove Minimarket 2024

Xov, 22/02/2024 - 10:09 — crisfbravo

Onte, día 21 de febreiro, o alumnado de 4º da ESO da materia Economía e emprendemento, participou no X Minimarket Emprende Xove organizado pola asociación Ferrolterra de empresarios novos. Esta actividade ten coma obxetivo difundir os valores empresariais entre a xuventude. Cada grupo de alumnos, presentó no minimarket organizado no Auditorio de Narón, o proxecto deseñado na aula e supervisado pola profesora de economóa Natalia Sanjosé. Parabéns polas vosas ideas e traballo. 

ADMISIÓN CURSO 24-25

Mér, 21/02/2024 - 12:26 — rodrigomontes

Publicadas instrucións (ver anexo) proceso de admisión de alumnado en centros docentes sostidos con fondos públicos para o curso 2024-25. Os aspectos mais destacados son:

1. Prazo de presentación solicitudes:

- de reserva (ED550A): do 15 de xaneiro ao 5 de febreiro de 2024

Todas as solicitudes para 1º da ESO resultaron admitidas. 

Todas as persoas que fixeron a solicitude de reserva para 1º de Bacharelato terán que participar no proceso de admisión xa que hai mais solicitudes que vacantes.

- ordinarias de admisión (ED550B): do 1 ao 20 de marzo de 2024

2. Forma de presentación:

  • Electrónica, pola aplicación admisionalumnado
  • Presencial
    • solicitude de reserva (ED550A), no centro no que está matriculado actualmente.
    • solicitude de admisión (ED550B), no centro indicado en primeiro lugar.
    • tanto a solicitude de reserva como a de admisión se poden presentar en calquera dos lugares e rexistros establecidos na normativa reguladora do procedemento administrativo común.

 

 



Monumento memorial ás vítimas do franquismo

Mar, 20/02/2024 - 14:49 — rodrigomontes

Bo día.

Nestes últimos anos, os historiadores Xosé Suárez e Bernardo Máiz recompilaron os nomes e as historias das máis de 900 vítimas mortais do franquismo na comarca de Ferrol, Eume e Ortegal, así como dos concellos de Miño e Vilarmaior (actualmente da comarca de Betanzos).
 
O noso instituto, daquela cemiterio de Canido, foi un dos lugares onde moitas desas vítimas foron asasinadas, e forma parte da nosa memoria colectiva.
 
Co fin de manter presente a memoria desta nefasta etapa da nosa historia, a Comisión Promemorial ás vítimas do franquismo de Ferrolterra, Eume e Ortegal promoveu a realización dunha homenaxe a todas elas.
 
Este sábado día 24 de febreiro, as 12h., e no parque Gaiteiro Antón Varela (detrás do instituto IES Canido), vaise inaugurar un memorial a esas vítimas. O monumento foi realizado dun xeito totalmente desinteresado polo escultor Manuel Patinha, e leva gravados os nomes de todas e cada unha das máis de 900 vítimas.
 
Pode ser un bo momento para vernos, nun acto necesario para esta sociedade en xeral, e para a nosa comunidade educativa en particular.
 
Adxunta vai a invitación ao acto.

Saúdos

Parabéns ás alumnas gañadoras da fase galega do concurso Odisea de Cultura Clásica 2024.

Sáb, 27/01/2024 - 12:29 — crisfbravo

 

Na Voz de Galicia desta mañá,podedes ler o artigo adicado ás alumnas do IES Canido gañadoras do Concurso Odisea na súa fase Autonómica. O seu equipo, As Furias, xa está preparado para afrontar o vindeiro mércores a fase nacional do concurso. Premendo nesta ligazón podedes acceder ó contido completo.

Parabéns a Ángela, Andrea e Alba... e moita sorte para a final! Parabéns tamén ós seus profesores Jose Luis López e Magdalena Zambrano.

 

Felices festas.IES Canido 2024

Xov, 21/12/2023 - 21:09 — crisfbravo

Hoxe foi un día especial no IES, posto que foi o derradeiro día antes das vacacións de Nadal. Fixemos e repartimos postais de Nadal, sorteamos unha xenerosa cesta de productos navideños cedidos pola Anpa e finalmente premiamos o inxenio e bo facer de Sofía Rodríguez, Gurka Sighn, Hugo Pita,Daniela Porcel, Noa Pita, Sara Leira e Laura Castro, todos eles, gañadores do 1º Concurso de Xerseis de Nadal convocado pola Biblioteca do IES. Agora toca descansar e repoñer forzas para a volta ó cole....felices festas a todos e todas e próspero ano 2024. Moitas grazas a todo o alumnado pola súa participación, e ó profesorado e persoal non docente pola vosa colaboración.

 

 

Distribuir contido


by Dr. Radut