O pasado mércores día 21 de febreiro o profesor Jose Luis López acompañou ó alumnado de Latín e Grego a dúas representacións de obras clásicas no Teatro Colón da Coruña:  a traxedia "Agamenón" de Esquilo e a comedia "Persa" de Plauto, no cadro do XXIV Festival de Teatro Grecolatino. Aproveitaron a viaxe para  visitar o Museo Arqueolóxico e Histórico, no Castelo de San Antón. Esta saída coordinada dende o departamento de Latín foi,dende logo, tempo ben aproveitado. 

O entroido  do IES Canido este ano xirou en torno á temática " Visita ó Zoo", grazas  ó inxenio e mans de traballo de alumnado, profesorado e persoal non docente, o centro convertiuse dun Zoo con tenda de peluches, taquilla, acuario, terrario...O alumando de plástica da profesora Judith Martínez elaborou estas marabillosas máscaras animais para a celebración, o equipo de conserxería ( Estefanía e Pipo) crearon un marabilloso acuario no corredor do centro e demáis decoración temática, e o alumnado de 4º da ESO, e voluntarios de 3º ESO  e 1º de Bac participaron activamente no resto de murais de animais, tabeiróns.... Para rematar, como xa é tradición, todos os grupos fixeron no salón de actos ás súas actuacións musicais cheas de rito e cor. Moitas grazas a toso e todas pola vosa colaboración e por facer este día tan memorable!

Esta semana temos a un grupo de alumnos e alumnas de 4º da ESO, acompañados polas profesoras Maca Torres e Chelo Gundín, en Verona, Italia. Viaxan no cadro do proxecto Erasmus + do IES, titulado "Zero Waste". Alí visitarán centros educativos e aprenderán máis sobre reciclaxe e o concepto "residuo cero". Hoxe están visitando Venecia cun chisco de choiva pero moitas ganas.