blogue de : Monica

O venres saímos a coñecer a contorna próxima. A primeira parada, o Castelo de Vimianzo, no que coñecemos da man dunha princesa como se vivía naquela época, tanto no castelo como ao redor del. Continuamos a nosa viaxe cara os Batáns de Mosquetíns, primeiro merendamos e cando xa tíñamos forza vimos como os muíños aproveitan a forza da auga para moer o trigo. A última parada foi as Torres do Allo, o que mais nos chamou a atención do pazo foi o inmenso xardín cheo de árbores e flores. Sobre todo o un abeto no que nos poidemos agachar entre as súas polas.

Aínda que tivemos pouco tempo para disfrutar destes tres marabillosos lugares pasámolo moi ben e permitiunos coñecer parte dos nosos antepasados.

Seguimos disfrutando da semana do libro. Hoxe fixemos o momento do conto no patio, primeiro conteilles un dos que trouxeron para compartir cos compañeiros/as. Logo, foi o momento deles, sós ou en parellas escolleron un libro da biblioteca e un sitio no patio. Co conto entre as mans deixaron voar a súa imaxinación.

Ao entrar na aula, Sorpresa!! Tiñan un agasallo, o arcoiris de Waldorf. Para quen non o coñeza, este xoguete artesanal invita a través da imaxinación e da creatividade á construcción e o xogo simbólico permitindo a adquisición de aspectos  sensoriais, as formas e as cores, o equilibrio, a destreza, a coordinación, a lóxica... Encantoulles!!