Novas nais/pais

Estimadas familias:

Informámosvos de que con data 13 de novembro foi publicada no DOG a "Orde que regula o acceso ás máscaras de protección que a Xunta pon á disposición do alumnado de Primaria, ESO e Bacharelato".

O alumnado do noso centro que recibiu a principios de curso a axuda de material escolar da Xunta, recibirá as máscaras de xeito directo, polo que non terá que formalizar ningunha solicitude.

Tamén poderá beneficiarse do subministro de máscaras o resto do alumnado se reúne algún dos seguintes requisitos:

- ter renda per capita igual ou inferior a 6.000 euros;

- estar matriculado en Educación especial;

- estar suxeito a garda ou tutela da Xunta de Galicia;

- ter unha discapacidade igual ou superior ao 65%.

Nestes casos, a familia do alumno/a debe tramitar a correspondente solicitude, presentando no centro os Anexos cubertos, en horario de 09.45h a 12.00h e de 13.30h a 14.00h. O prazo de presentación permanecerá aberto desde o luns día 16 ata o venres 27 de novembro.

Manterémosvos informados/as sobre o procedemento de reparto de máscaras.

Un saúdo,

Silvia Padrón

directora.

Queridos alumnos, familias e profesores do CPI Plurilingüe Santa Lucía, damos a benvida a un novo espazo de encontro e de informacións para toda a comunidade educativa!

Dende hoxe estará activo o novo blogue do Departamento de Orientación do noso centro, onde poderedes encontrar todo tipo de información de interese para poder conseguir o mellor desenvolvemento do nosos nenos e nenas.

Como di este proverbio africano: "Para educar a un neno, fai falla a tribu enteira". Temos que facelo entre todos e todas. Todos somos importantes e aportamos elementos fundamentais nese desenvolvemento.

Nesto consiste este blogue, en que as familias, o profesorado e os propios rapaces e rapazas teñan un lugar onde encontrar información e vivencias que nos servan nesa tarefa de crecemento.

O nome deste blogue é "Felices para ensinar. Felicer para aprender".

Cremos que é un gran reto: Ser felices!!

Porque ser felices implica que a tribu fixo a súa labor.

A por ese gran reto...

Saúdos e benvidos.

O Departamento de Orientación.

Estimadas familias:

Poño á vosa disposición unha circular informativa sobre o servizo de comedor escolar do centro. Podedes consultala neste enlace.

Un saúdo,

Silvia Padrón

directora.

Videocontos para o Samaín

Os alumnos e alumnas do CPI Plurilingüe Santa Lucía (Moraña) elaboron distintos contos de medo.
 No blog de lingua galega "ARRE BICHO" tendes unha mostra do seu traballo.
Esperamos que vos guste!!
http://arrebichoedlg.blogspot.com/2020/10/contos-de-medo-para-conmemorar-o-samain.html

Videocontos para o Samaín.

Os alumnos e alumnas do CPI Plurilingüe Santa Lucía (Moraña) elaboron distintos contos de medo.
 No blog de lingua galega "ARRE BICHO" tendes unha mostra do seu traballo.
Esperamos que vos guste!!
http://arrebichoedlg.blogspot.com/2020/10/contos-de-medo-para-conmemorar-o-samain.html

Novo acordo do Consello da Xunta de Galicia en materia de comedores escolares, polo que o noso centro pode aceptar a colaboración de persoas voluntarias que reúnan a condición de seren familiares dos alumnos/as comensais e convivan no mesmo domicilio destes. Esta lista permanecerá aberta ao longo de todo o curso 2020-2021.
 

Pódese consultar neste enlace.

Estimadas familias:

Complácenos poder informarvos de que mañá mércores 21 de outubro abriremos o servizo de comedor escolar do centro, debido a que actualmente contamos con suficientes membros da comunidade educativa que están dispostos a colaborar nas tarefas de vixilancia do alumnado.

En calquera caso, o centro deixa aberta a porta a novas solicitudes de colaboración pola vosa parte, para cubrir as ausencias que poidan producirse ao longo do curso no persoal colaborador admitido hasta o momento.

Do mesmo xeito, a partir de mañá mércores 21 tamén queda restablecido o servizo de transporte no horario habitual:

- Infantil e primaria: Luns-venres 16.00h. 

- Secundaria: Luns 18.10h. Martes-venres 16.00h.

Moitas grazas pola vosa colaboración.

Un saúdo

Silvia Padrón

directora.

Estimadas familias:

Sentimos comunicarvos que continuamos sen ter persoal colaborador suficiente para que o servizo de comedor escolar poida ser restablecido. Por ese motivo, mañá xoves 15 de outubro tampouco poderá funcionar o servizo de comedor.

Como xa vos trasladei no día de onte, actualmente continúa aberto o prazo para que dende as familias vos presentedes voluntarios/as para colaborar. A este respecto infórmovos dunha novidade: excepcionalmente, está previsto que poidan actuar como colaboradores/as, ademais de pais e nais, outros familiares que convivan con alumnado usuario do servizo de comedor escolar. Animámosvos novamente a que vos presentedes, co fin de que o servizo poida ser restablecido á maior brevidade, en beneficio de toda a comunidade educativa.

O horario de saída do alumnado transportado e non transportado será o mesmo destes días.

Volveremos a informarvos mañá xoves 15 sobre os servizos de comedor e transporte.

Moitas grazas pola vosa comprensión e colaboración.

Un saúdo,

Silvia Padrón

Directora.

Estimadas familias do alumnado de educación infantil:

Tal e como se vos informou o pasado 7 de outubro, os vosos fillos/as foron incluídos nun expediente de Educovid por poder ser considerados contactos dunha persoa que posteriormente dou positivo en Covid-19, pero que non tivera síntomas estando con eles/as. Queremos deixar constancia de que para os vosos fillos/as solicitouse dende Sanidade unha proba PCR de carácter meramente preventivo, polo que non era necesario manter corentena segundo nos informou o Servizo de Alertas epidemiolóxicas.

Unha vez aberto o expediente, dende o centro non temos ningunha información nin responsabilidade da execución do mesmo. Para preguntar pola situación na que se encontra o voso fillo/a (resultado ou realización da proba PCR, se pode ou non incorporarse ao centro...) debedes preguntar na Consellería de Sanidade, pois son cuestións que están fóra do ámbito educativo.

Lamentamos as molestias que isto poida ocasionar, pero non somos responsables das actuacións que dende Sanidade se leven a cabo.  

Ao igual cá vós, só queremos o mellor para os vosos fillos/as.

Un saúdo.

Silvia Padrón

Directora.

Estimadas familias:

Lamentamos ter que informarvos de que ao longo desta semana se confirmaron seis casos positivos de Covid 19 entre o alumnado e o persoal do noso centro. Desexámoslles que se encontren ben e se recuperen o antes posible.

Tomando como referencia o Protocolo de adaptación ao contexto da Covid 19 nos centros de ensino non universitario de Galicia para o curso 2020-2021, e seguindo en todo momento as indicacións das Autoridades sanitarias, dúas aulas foron postas en corentena. Tamén houbo profesorado e alumnado que realizaron ou realizarán unha proba PCR de carácter preventivo. En cada caso se informou ás familias e ao profesorado afectado, respectando en todo momento a protección de datos das persoas involucradas. Tamén saberedes, se é o caso dos vosos fillos/as, que a Aula virtual do centro e a plataforma E-Dixgal xa están en funcionamento.

Seguindo ese mesmo Protocolo, estamos en permanente contacto co Servizo de Alertas epidemiolóxicas de Galicia e coas autoridades educativas, que constitúen guías constantes e apoios fundamentais para o noso traballo nestes días difíciles.

Dende o Equipo directivo estamos centrando todos os esforzos en garantir a seguridade de todo o alumnado e o persoal que traballa no centro, insistindo no cumprimento das medidas de prevención e hixiene básicas incluídas no Protocolo. Por ese motivo desexamos transmitirvos unha mensaxe de calma e tranquilidade.

Non queremos rematar sen agradecer o gran traballo levado a cabo polo profesorado e o persoal de administración e servizos (conserxería, administración, comedor e limpeza), especialmente nesta última semana. E, como non, agradecemos tamén o esforzo do alumnado no cumprimento das medidas de prevención adoptadas no centro que en cada momento lles esiximos, polo seu propio ben e polo ben de todos.

Por último, queremos lembrarvos ás familias a importancia de ter instalada a aplicación AbalarMóbil nos vosos teléfonos móbiles, pois será empregada como principal vía de comunicación dende o centro con vós.

Ánimo e un saúdo cordial.

Equipo directivo.