Circulares informativas

RECORDATORIO

Lembráselle ás famillias de Educación Primaria e Secundaria que aquelas que foran beneficiarias do cheque de material, que aínda non o fixesen, poden pasar a recoller as máscaras da Xunta por secretaría.

Horario:

9:45-12:00 horas

13:30-14:00 horas

Aquelas persoas que non poidan acudir ao centro, poden enviar unha persoa que elas autoricen. Prema aquí para descargar a autorización.

 2ª Fase.- SOLICITUDE DE ADMISIÓN NO NOSO CENTRO. Curso 2022/2023.

Desde o próximo día 1 e ata o 21 de marzo, ambos inclusive, estará aberto o prazo para a presentación de solicitudes de admisión para alumnado de nova incorporación ao centro. 

  * Cumprimentación de solicitudes:

 o   A través da aplicación https://www.edu.xunta.gal/admisionalumnado. A solicitude debe ser impresa e unha vez asinada presentala no centro xunto con toda a documentación que se indica máis abaixo.

 o   Sede electrónica, mediante Chave365 ou Certificado Dixital. A solicitude faise na sede, onde se sobe a documentación escaneada, e neste caso non é necesario entregar nin a solicitude nin a documentación no centro.

 o   De xeito manual. Hai que recoller o impreso ED550B (no centro ou aquí), cubrilo, asinalo e presentalo no centro xunto coa documentación que se indica máis abaixo.

         * Documentación que se debe achegar:

 o   Fotocopia do DNI ou do libro de familia (páxina na que figure o alumno que solicita praza).

 o   Certificado do expediente académico, expedido polo centro no que está actualmente matriculado/a o alumno/a que solicita praza.

 o   De darse o caso, sentenza xudicial de separación ou divorcio e/ou convenio regulador onde conste a custodia do menor.

Publicación das listaxes provisionais de alumnado admitido: antes do 25 de abril de 2022.

Publicación das listaxes definitivas de alumnado admitido:  antes do 15 de maio de 2022.

Formalización da matrícula: do 20 ao 30 de xuño de 2022.

Desde hoxe está publicada a listaxe de alumnado admitido que procede de centros adscritos de Educación Infantil, para o curso 2022/2023.

Poderase consultar no taboleiro de anuncios do noso centro.

Comunicámoslles que todas as solicitudes de reserva de praza presentadas no centro foron admitidas.

Formalización de matrícula: do 20 ao 30 de xuño de 2022.

INTRUCIÓNS PAGAMENTO TAXAS COMEDOR ESCOLAR A TRAVÉS DE ABALARMÓBIL.

Informámosvos de que as familias responsables do alumnado usuario de comedor que ten a obriga de aboar parcial ou totalmente este servizo podedes efectuar o pagamento telemático da taxa a través da aplicación AbalarMóbil.

Ao realizar o pagamento deste xeito, non necesitades desprazarvos á entidade bancaria, nin presentar no centro o impreso xustificativo, xa que a secretaría do colexio recibe a comunicación inmediata de que a taxa foi aboada. 

Podedes consultar as instrucións neste enlace.

Un saúdo,

Silvia Padrón

directora.

PROTOCOLO DE FUNCIONAMENTO DO COMEDOR ESCOLAR.

Pódese consultar neste enlace.

Estimadas familias:

Con data do 13 de novembro foi publicada no DOG a "Orde que regula o acceso ás máscaras de protección que a Xunta pon á disposición do alumnado de Primaria, ESO e Bacharelato".

Seguindo a Orde anterior, cada alumno/a do noso centro que recibiu a principios de curso a axuda de material escolar da Xunta, recibirá tres máscaras faciais reutilizables, homologadas e certificadas ata 59 lavados. Podedes consultar o Certificado 12903 e o Certificado 19980 das máscaras adquiridas.

A partir do luns 11 de xaneiro repartiranse as máscaras correspondentes ao alumnado de ESO. As máscaras serán entregadas a un dos proxenitores, que poderán recollelas na Secretaría do centro en horario de 09.45h a 12.00h e de 13.30h a 14.00h. 

Nos vindeiros días avisaremos das datas de recollida das máscaras destinadas ao alumnado de primaria.

Un saúdo,

Silvia Padrón

Directora.

Estimadas familias:

Informámosvos de que con data 13 de novembro foi publicada no DOG a "Orde que regula o acceso ás máscaras de protección que a Xunta pon á disposición do alumnado de Primaria, ESO e Bacharelato".

O alumnado do noso centro que recibiu a principios de curso a axuda de material escolar da Xunta, recibirá as máscaras de xeito directo, polo que non terá que formalizar ningunha solicitude.

Tamén poderá beneficiarse do subministro de máscaras o resto do alumnado se reúne algún dos seguintes requisitos:

- ter renda per capita igual ou inferior a 6.000 euros;

- estar matriculado en Educación especial;

- estar suxeito a garda ou tutela da Xunta de Galicia;

- ter unha discapacidade igual ou superior ao 65%.

Nestes casos, a familia do alumno/a debe tramitar a correspondente solicitude, presentando no centro os Anexos cubertos, en horario de 09.45h a 12.00h e de 13.30h a 14.00h. O prazo de presentación permanecerá aberto desde o luns día 16 ata o venres 27 de novembro.

Manterémosvos informados/as sobre o procedemento de reparto de máscaras.

Un saúdo,

Silvia Padrón

directora.

Estimadas familias:

Poño á vosa disposición unha circular informativa sobre o servizo de comedor escolar do centro. Podedes consultala neste enlace.

Un saúdo,

Silvia Padrón

directora.

Estimadas familias:

Complácenos poder informarvos de que mañá mércores 21 de outubro abriremos o servizo de comedor escolar do centro, debido a que actualmente contamos con suficientes membros da comunidade educativa que están dispostos a colaborar nas tarefas de vixilancia do alumnado.

En calquera caso, o centro deixa aberta a porta a novas solicitudes de colaboración pola vosa parte, para cubrir as ausencias que poidan producirse ao longo do curso no persoal colaborador admitido hasta o momento.

Do mesmo xeito, a partir de mañá mércores 21 tamén queda restablecido o servizo de transporte no horario habitual:

- Infantil e primaria: Luns-venres 16.00h. 

- Secundaria: Luns 18.10h. Martes-venres 16.00h.

Moitas grazas pola vosa colaboración.

Un saúdo

Silvia Padrón

directora.

Estimadas familias:

Sentimos comunicarvos que continuamos sen ter persoal colaborador suficiente para que o servizo de comedor escolar poida ser restablecido. Por ese motivo, mañá xoves 15 de outubro tampouco poderá funcionar o servizo de comedor.

Como xa vos trasladei no día de onte, actualmente continúa aberto o prazo para que dende as familias vos presentedes voluntarios/as para colaborar. A este respecto infórmovos dunha novidade: excepcionalmente, está previsto que poidan actuar como colaboradores/as, ademais de pais e nais, outros familiares que convivan con alumnado usuario do servizo de comedor escolar. Animámosvos novamente a que vos presentedes, co fin de que o servizo poida ser restablecido á maior brevidade, en beneficio de toda a comunidade educativa.

O horario de saída do alumnado transportado e non transportado será o mesmo destes días.

Volveremos a informarvos mañá xoves 15 sobre os servizos de comedor e transporte.

Moitas grazas pola vosa comprensión e colaboración.

Un saúdo,

Silvia Padrón

Directora.

Estimadas familias do alumnado de educación infantil:

Tal e como se vos informou o pasado 7 de outubro, os vosos fillos/as foron incluídos nun expediente de Educovid por poder ser considerados contactos dunha persoa que posteriormente dou positivo en Covid-19, pero que non tivera síntomas estando con eles/as. Queremos deixar constancia de que para os vosos fillos/as solicitouse dende Sanidade unha proba PCR de carácter meramente preventivo, polo que non era necesario manter corentena segundo nos informou o Servizo de Alertas epidemiolóxicas.

Unha vez aberto o expediente, dende o centro non temos ningunha información nin responsabilidade da execución do mesmo. Para preguntar pola situación na que se encontra o voso fillo/a (resultado ou realización da proba PCR, se pode ou non incorporarse ao centro...) debedes preguntar na Consellería de Sanidade, pois son cuestións que están fóra do ámbito educativo.

Lamentamos as molestias que isto poida ocasionar, pero non somos responsables das actuacións que dende Sanidade se leven a cabo.  

Ao igual cá vós, só queremos o mellor para os vosos fillos/as.

Un saúdo.

Silvia Padrón

Directora.