Circulares informativas

Durante o período que dure a suspensión da actividade lectiva presencial, seguirase co traballo na aula virtual do centro (no caso de alumnado de 1º a 4º de EP e de 3º e 4º de ESO) e no EVA E-Dixgal (para o alumnado de 5º e 6º de EP e de 1º e 2º de ESO).

a) Alumnado de 1º a 4º de EP e de 3º e 4º de ESO.

No seguinte videotitorial  explícase como acceder á aula virtual do CPI Santa Lucía e o procedemento de traballo co material alí aloxado.

Os datos de acceso para o alumnado ESO son os seguintes:

Nome de usuario: será o nome completo e o primeiro apelido en minúsculas e sen tildes e ñ (ex: para Luis Pérez sería luisperez)

A partir do luns 16 de marzo e ata o 29 de marzo, o CPI Plurilingüe Santa Lucía permanecerá pechado para a atención ao público e suspenderase a actividade educativa presencial, seguindo o Artigo 9 do Real Decreto 463/2020, de 14 de marzo, por el que se declara el estado de alarma para la gestión de la situación de crisis sanitaria ocasionada por el COVID-19. Durante o período de suspensión manteranse as actividades educativas a través das aulas dixitais (Aula virtual e E-Dixgal) nas etapas de educación primaria e educación secundaria obrigatoria.

Para calquera consulta estamos á súa disposición no correo electrónico do centro: cpi.santa.lucia@edu.xunta.es

Silvia Padrón

directora.

Estimadas familias:

Segundo acaba de anunciar o presidente da Xunta de Galicia, Alberto Núñez Feijoo, dende o luns día 16 de marzo todos os centros educativos galegos permanecerán pechados en todos os niveis educativos. Quedan suspendidas todas as actividades lectivas e extraescolares dende o luns 16 de forma oficial e dende o venres 13 de marzo, de xeito recomendado.

Mañá venres 13 de marzo, poderedes decidir se enviar ou non aos vos fillos/as ao centro. É dicir, o venres 13 de marzo o noso centro permanecerá aberto. 

Manterémosvos informados/as de calquera novidade a través do Servizo AbalarMóbil e na web do centro http://www.edu.xunta.gal/centros/cpisantalucia

Grazas pola vosa colaboración.

        A dirección.

Convocatoria de axudas para a realización de actividades de formación en linguas estranxeiras no ano 2020, destinadas ao alumnado dos centros docentes sostidos con fondos públicos, en réxime de concorrencia competitiva.

Máis información neste enlace e na web http://www.edu.xunta.es/axudasle

Estimadas familias:

Informámosvos de que no presente curso o número de alumnos/as de infantil e primaria usuarios/as de comedor escolar supera o número de prazas dispoñibles na primeira quenda. É por ese motivo que, segundo o Protocolo de comedor aprobado na reunión de Consello escolar celebrado o día 23 de setembro de 2019, a partir do 25 de setembro de 2019 o alumnado de 6º de primaria empregará o servizo de comedor na segunda quenda, de 15.15h a 16.00h.

Tal e como recolle o Protocolo de comedor arriba mencionado:

As familias que, por motivos de conciliación, necesiten que o seu fillo/a de 6º de primaria empregue o servizo de comedor na primeira quenda, deberá solicitalo por escrito ante a Dirección do centro, xustificando documentalmente algún dos seguintes motivos:

1.      Que o seu fillo/a presenta unha discapacidade igual ou superior ao 33%.

2.      Que o seu fillo/a está matriculado nunha ensinanza regulada oficial fóra do horario escolar, e precisa saír do centro coa suficiente antelación (Ensinanzas de música e/ou danza, Escolas oficiais de idiomas...)

3.      Alumnado que reciba rehabilitación médica ou logopédica, e precisa saír do centro coa suficiente antelación.

Por ese motivo, a partir do 25 de setembro de 2019 o seu fillo/a empregará a segunda quenda de comedor, salvo que vostede como pai/nai ou titor/a solicite por escrito que empregue a primeira quenda por darse algunha das circunstancias arriba mencionadas.

Un saúdo.

A dirección.

Pódese consultar aquí.

Resolución do 9 de xuño da Dirección Xeral de Educación, Formación Profesional e Innovación Educativa pola que se ditan instruccións para a adopción das medidas necesarias para a aplicación do disposto no Real Decreto 562/2017, de 2 xuño, polo que se regulan as condición para a obtención do título de Graduado en Educación Secundaria Obrigatoria.

De acordo co establecido na Orde do 4 de febreiro de 2019, pola que se convocan axudas para a realización de actividades de formación en linguas estranxeiras no ano 2019, destinadas ao alumnado dos centros docentes sostidos con fondos públicos, en réxime de concorrencia competitiva. (DOG 20/2/2019).

Publicadas as listaxes de seleccionados/as e de suplentes, ordenados por puntuación.

Máis información en http://www.edu.xunta.es/axudasle.

Sobre a coeducación e prevención da violencia de xénero desde as familias, para as nais e pais e as súas fillas e fillos.
http://igualdade.xunta.gal/gl/programas/secretaria-xeral-da-igualdade-organiza-xv-xornadas-de-nais-e-pais-educar-en-igualdade.

Estimadas familias:

O CPI Plurilingüe Santa Lucía foi seleccionado para formar parte da mostra de centros participantes na Avaliación final de educación secundaria obrigatoria da Comunidade Autónoma de Galicia para o curso escolar 2018/19.
Esta avaliación aplicarase os vindeiros 28 e 29 de maio ao alumnado matriculado actualmente en cuarto curso de educación secundaria obrigatoria no noso centro.
Estas probas valorarán o grao de adquisición da competencia matemática, da competencia lingüística e da competencia social e cívica, tendo como referencia principal as materias xerais do bloque de materias troncais cursadas en cuarto curso de educación secundaria obrigatoria, se ben teñen carácter estritamente informativo e orientador. É dicir, que os resultados obtidos non computan en ningún caso para as cualificacións do alumnado nin teñen efecto no expediente.

Máis información neste enlace.

Estimadas familias:
Os vindeiros 28 e 29 de maio celebrarase en todos os centros escolares de Galicia a Avaliación individualizada de 3º curso de Educación Primaria, tal e como se ven facendo nos últimos anos.
Esta proba é obrigatoria para todo o alumnado matriculado en 3º de Educación Primaria no curso 2018/19, se ben ten carácter estritamente informativo e orientador. É dicir, que os resultados obtidos non computan en ningún caso para as cualificacións do alumnado nin teñen efecto no expediente.

Máis información neste enlace.