Na seguinte ligazón poden acceder ás adaptacións das programacións didácticas dos distintos niveis e departamentos

https://www.edu.xunta.gal/centros/cpifontediaz/node/1433

REAPERTURA PRAZO DE ADMISIÓN ALUMNADO DO 2º CICLO DE ED. INFANTIL, ED. PRIMARIA, ED. SECUNDARIA E BACHARELATO.

• Prazo de presentación de solicitudes de admisión: do 11 ao 18 de maio, ambos incluídos.

• Publicación de listaxes provisionais de admitidos e non admitidos: antes do 9 de xuño.

• Publicación de listaxes definitivas: antes do 26 de xuño.

• Prazo para formalización da matrícula en Ed. Infantil, Ed. Primaria, Ed. Secundaria e Bacharelato: do 1 ao 10 de xullo.

• Prazo extraordinario de matrícula en Ed. Secundaria e Bacharelato: do 1 ao 10 de setembro.

 Recibidas por parte da Consellería as instrucións para o desenvolvemento do terceiro trimestre, destacamos:

• Actividades do terceiro trimestre:

• Na terceira avaliación o alumnado terá que realizar actividades telemáticas, tal e como se viñan realizando ata agora, que serán de entrega obrigatoria.

• As actividades serán de reforzo ou ampliación dos contidos dados nos dous primeiros trimestres e de recuperación no caso de alumnado que teña algún deles suspensos.

• Cada alumno/a terá que estar atento/a á forma particular que ten o profesorado das distintas materias de comunicarse con el.

• Avaliación:

• A avaliación final será en base ás notas obtidas na 1ª e 2ª avaliación e ás actividades de recuperación e reforzo realizadas na 3ª, que sempre beneficiarán ao alumno/a.

• O alumnado que teña algunha ou as dúas primeiras avaliacións suspensas terá que poñer especial interese na realización e entrega das actividades de recuperación que se lle propoñan, para así conseguir unha avaliación positiva.

• Promoción de curso e titulación:

• En Ed. Infantil e Primaria: a decisión será adoptada de forma colexiada tendo en conta os criterios de promoción e tomando especialmente en consideración a información e o criterio do profesorado titor.
• En Ed secundaria: Non hai un número de materias definidas, a decisión de promoción ou titulación será o resultado dunha decisión colexiada do profesorado que imparte clase no grupo en función das particularidades de cada alumno/a. Todo o alumnado que suspenda en xuño algunha materia debe presentarse á convocatoria de setembro. Se a promoción ao curso seguinte ten lugar con materias suspensas, o alumnado ten que cursalas no vindeiro curso 20-21 como materias pendentes seguindo os plans de recuperación que se lle indiquen.

Coa idea de que as familias teñan unha maneira rápida de saber cal é o medio que emprega o profesorado para comunicarse co alumnado no envío e recepción de tarefas, resolución de dúbidas, etc., engadimos a continuación dous arquivos nos que se recollen, por niveis e departamentos, as ferramentas empregadas a a tal fin polo profesorado.

• Educación Infantil e Educación Primaria
• Educación Secundaria Obrigatoria

Na seguinte ligazón teñen as instrucións completas enviadas pola Consellería: Instrucións_3_trimestre

Prezadas familias

 Para resolver  dúbidas que nos están sendo consultadas por teléfono, informamos de que nesta propia páxina se irán colgando, a partir do luns, as actividades para  que o alumnado as poda realizar no seu domicilio así como todas  as instrucións que o profesorado lles queiran transmitir.

 Con respecto a outros temas como a avaliación, iremos informando segundo nos cheguen instrucións.

Ás catro e 56 minutos desta tarde recibimos un correo da inspección educativa na que se pon no noso coñecemento que "tal e como acaba de comunicar o Presidente da Xunta de Galicia en rolda de prensa, suspéndense as actividades lectivas nos centros educativos de Galicia oficialmente o luns 16/03/2020, e de xeito recomendable a partir de mañán 13/03/2020"

 Calquera novidade será comunicada a través desta páxina web. Para máis información poden consultar o Portal Educativo da Consellería de Educación

O equipo directivo

ADMISIÓN ALUMNADO CURSO 2020-2021

NOTA INFORMATIVA

Normativa reguladora:

-DECRETO 254/2012, do 13 de decembro, polo que se regula a admisión de alumnado en centros docentes sostidos con fondos públicos (DOG 245 - 26/12/2012)

-ORDE do 12 de marzo de 2013 pola que se desenvolve o procedemento para a admisión do alumnado en centros docentes sustentados con fondos públicos (DOG 53 - 15/03/2013)

-ORDE do 25 de xaneiro de 2017 pola que se modifica a Orde do 12 de marzo de 2013 (DOG 22 – 1/02/2017)

Reserva de praza

            Aos alumnos/as actuais do centro realízaselle a reserva automática, agás que os seus pais/nais ou titores legais manifesten o contrario. 

Solicitude de admisión:

            Presentará a solicitude de admisión o alumnado de novo ingreso que queira solicitar praza neste centro. A solicitude será única e o prazo de presentación será do 1 ao 20 de marzo.

Presentación de solicitudes:

1.- De forma electrónica:

- As solicitudes de admisión  cúbrense mediante o formulario normalizado a través da aplicación de xestión do proceso “admisionalumnado” (https://www.edu.xunta.es/admisionalumnado) e entrégase no centro.

- Pódese cubrir na aplicación anterior e presentala en SEDE ELECTRÓNICA.

2.- De forma presencial: na secretaría do centro indicado como primeira opción.

Documentación a entregar:           

-         Solicitude de admisión: formulario normalizado (ED550B) dispoñible na secretaría do centro, na aplicación admisionalumnado (https://www.edu.xunta.es/admisionalumnado) e na páxina web do centro.

-         Fotocopia do libro de familia onde figure o alumno/a.

-         D.N.I da persoa solicitante e dos membros computables da unidade familiar, cando deneguen a consulta telemática de datos.

-         Certificado de empadroamento no caso de solicitar servizos complementarios.

-         Convenio regulador ou resolución xudicial de separación ou divorcio, de darse o caso.

-         No caso de alumnado con necesidades específicas de apoio, documentación que acredite as circunstancias alegadas.

            A solicitude terá que estar asinada por calquera das/os titulares da patria potestade ou representantes legais. No caso de separación ou divorcio será necesaria a sinatura de ambos/as proxenitores/as, agás que a patria potestade estea atribuída a un deles. En ambos casos, será necesario presentar xunto coa solicitude de admisión a resolución xudicial correspondente para o seu cotexo polo centro educativo.

            No suposto de alumnado afectado por violencia de xénero non será esixible o previsto no parágrafo anterior.

Publicación de admitidos/as:

- Listaxe provisional de admitidos e non admitidos: publicarase unica e exclusivamente no taboleiro do interior do centro e tamén a través da aplicación admisionalumnado, antes do 25 de abril. Poderase formular reclamación no prazo de 5 días hábiles contados a partir do seguinte ao da súa publicación.

- Listaxe definitiva: Antes do 15 de maio.

Formalización de matrícula:  

            A formalización de matrícula deberá axustarse ao modelo normalizado Anexo III (dispoñible   tamén na secretaría ou na páxina web do centro) e terá lugar nos seguintes prazos:

            Infantil e primaria: do 20 ao 30 de xuño

            Secundaria:    

            Prazo ordinario: do 25 de xuño ao 10 de xullo

            Prazo extraordinario (alumnado con materias pendentes en xuño): do 1 ao 10 de setembro

 Nota informativa

·         Cada alumna e alumno só pode presentar unha única solicitude no centro que solicite praza en primeiro lugar. A infracción neste punto determinará a perda dos dereitos de prioridade que poidan corresponderlle.

·         O alumnado actual ten garantía de permanencia no centro. Se presenta solicitude de admisión noutro centro distinto deberá comunicalo, ao mesmo tempo, ao centro de orixe.

·         O alumnado que ten reservada praza nun centro, se presenta solicitude de admisión noutro distinto deberá comunicar a renuncia á reserva antes do inicio do prazo de presentación de solicitudes de admisión

·         O CPI “Fonte Díaz” está adscrito a partir do  curso actual, unicamente ao IES Fontiñas.

·         Os servizos complementarios que ofrece o centro son o de comedor (O. 21 de Febreiro de 2007 e D. 132/2013) e transporte escolar (Instrucción 4/2019 da Secretaría Xeral Técnica)

* O CPI Fonte Díaz de Touro informa que sen prexuízo de que no centro non sexa lectivo o día 20 de marzo,  na sede electrónica o 20 de marzo será o último día para presentar a solicitude de admisión.

 Touro, a 17 de febreiro de 2020.

Asdo.: O equipo directivo.

O profesorado do noso centro participa activamente en itinerarios formativos. A nosa compañeira e profesora de Francés Lourdes Piñón tivo ocasión de afondar na didáctica do ensino a través do Programa Piale da Xunta de Galiza, cuxo obxectivo é un acercamento cos centros de ensino de l´Académie d´Amiens e organizar posibles intercambios co alumnado. Bota unha ollada á experiencia en Amiens-Francia de Lourdes.

O noso centro desenvolve este curso o programa Quérote +, unha das liñas do Plan Proxecta nas que participamos. O alumnado participante é 3º da ESO e cabe salientar a implicación dunha parte importante do profesorado que, dende as súas materias, está traballando con eles a Educación afectivo-sexual na aula. A continuación vemos como iniciamos este programa, dando a coñecer o recurso Quérote + a través da súa páxina web.

O día 29 de novembro os alumnos de 3º e 4º de E.S.O. disfrutaron da visita do camerunés Samuel Mountoumnjou, contacontos e mediador intercultural. Achegounos á cultura e aos costumes do continente africano a través de contos, lendas , fábulas e anécdotas. Cantamos , bailamos e fíxonos reflexionar sobre valores tan fundamentais e esquecidos na nosa sociedade occidental como a solidariedade, a convivencia, a tolerancia e a honestidade.