Os vindeiros días o alumnado de 4º e 5º curso de Educación primaria participará no Obradoiro de Habilidades Sociais "ConVIVE" impartido polo Servizo de prevención de condutas adictivas dos Concellos de Boqueixón, Teo e Touro, coa colaboración da Consellería de Sanidade.

• 5º primaria: 13 e 27 de xaneiro
• 4º primaria: 3 e 10 de febreiro.

O Departamento de Francés do noso CPI organizou unha saída didáctica a Santiago de Compostela o luns 27 de xaneiro. Esta actividade estivo dirixida ao alumnado de Francés de 2º, 3º e 4º de ESO, que tivo a oportunidade de asisitir á representación da obra titulada Quasimodo.

Trátase dunha adaptación da clásica e universalmente coñecida novela Notre-Dame de Paris,  escrita por Victor Hugo, cuxa posta en escena correu a cargo de BHM Producciones.

O pasado 28 de xaneiro o alumnado de 1º e 2º de Educación Primaria disfrutou da obra A galiña azul, problablemente un dos contos máis populares de Carlos Casares no Teatro Principal.

Publicada en 1968, foi unha das primeiras obras editadas en galego para o público miúdo. Nela saen persoaxes inesquecibles.

Os cativos e as cativas voltaron encantados!!!!                                 

O pasado venres 14 de febrerio o alumnado de 3º e 4º de Educación Primaria asisitiu ao concerto "Con fusión" Píscore e a banda municipal de música.

Teatro, humor, comedia xestual, clown e participación do público son as señas de identidade deste espectáculo que ten como eixo principal unha marimba e no que teñen cabida diferentes ritmos (música latina, rock and roll, reagge, pop ou música disco).

  CELEBRAMOS O ENTROIDO 2020 COMO CUMPRÍA... AO GRANDE!!!

COMEZOU CO MECO,  UN PHOTOCALL, UNHA PRESENTACIÓN DO ENTROIDO EN GALICIA... E REMATARÁ CUN FESTIVAL DE COMPARSAS E GRUPOS O 21 DE FEBREIRO!!!

EN PRIMARIA O DESFILE DARÁ COMEZO ÁS 12:00, ESTADES TODOS CONVIDADOS                                                                 

       O ANO QUE VÉN MÁIS E MELLOR!!!

      Grazas a todos e a todas pola vosa colaboración e participación!!!