Skip to Content

   Enlace Aula Virtual                       

PRAZO DE RESERVA DE PRAZA PARA O CURSO 23-24

 

   RESERVA DE PRAZA NOS CENTROS ADSCRITOS DO 16 DE XANEIRO  AO 6 DE FEBREIRO.

PARA O ALUMNADO DE CENTROS ADSCRITOS.

Ábrese o prazo para facer a reserva de praza para o vindeiro curso para o alumnado que procede de centros adscritos. (No noso caso teñen que facer a solicitude os alumnos/as que están en 6º curso para 1º da ESO no IES Terra de Turonio).


O prazo comprende dende o 16 de xaneiro ata o 6 de febreiro


As solicitudes poden descargalas ou solicitalas no centro.

Fai clic para acceder ás INSTRUCCIÓNS DE RESERVA DE PRAZA


Fai clic para acceder ao ANEXO I

 


IMPORTANTE: Esta solicitude deberase presentar no centro educativo de orixe ou en calquera dos lugares que establece a Lei 39/2015, do 1 de outubro, do Procedemento Administrativo Común, incluída a Sede Electrónica da Xunta de Galicia (https://sede.xunta.gal/detalleprocedemento?codtram=ED550A), para o que se precisará de Chave365 ou certificado dixital, sendo esta a canle preferible de presentación.

 

 

XORNADA DE PORTAS ABERTAS

MARTES, 14 de febreiro ás  16:15 H

Un ano máis dá comezo o proceso de admisión para os centros adscritos: IES Plurilingüe Terra de Turonio e CRA ANTÍA CAL.

Por iso o martes, 14 de febreiro ás 16:15h celebramos esta xornada informativa e un percorrido polo centro para o alumnado procedente do CRA Antía Cal e alumnado doutras parroquias que soliciten o centro.

Esperámosvos! 

 

Se tedes calquera dúbida sobre o acceso, admisión ou queredes información xeral podedes chamar no horario de secretaría de de 12:50 h. a 13:40 h. de luns a venres. 

 

 

Bo Nadal e Feliz 2023!

Dende o CEP Xosé Neira Vilas desexamos que pasedes unhas boas festas e que o ano que se achega, estea cheo de boas cousiñas. Feliz 2023!

 

2º CONCURSO DE CONTOS DE INVERNO

 

 

 

PREMIOS PARAOS GAÑADORES E GAÑADORAS E PARA O ALUMANDO QUE PARTICIPOU. 

         

 PARABÉNS PARA TODAS E TODOS

Deixámosvos tamén o noso almanaque anual

 

Cobertura Servizo Integral de Reparación

 

Díptico informativo Servizo Integral de Reparación

Poñemos a disposición das familias a información referente as coberturas do equipamento do alumnado que pertence ó marco do proxecto ABALAR-EDIXGAL 

Se queredes consultar as características e cobertura do Servizo Integral de Reparación facede clic na imaxe.

 

Acceso á contratación:

https://coberturasir.plexus.es


881 505 136
8h-18h de luns a venres
8h-18h de lunes a viernes
coberturasir@plexus.es

Esta información estará dispoñible no bloque Proxecto Abalar E-dixgal

 

MERCADILLO DE NADAL EN GONDOMAR

Este sábado e domingo, 10 e 11 de decembro estivemos no mercadillo de Nadal. Dende o concello facilitáronnos un posto para vender os nosos produtos e conseguir cartos para a excursión de fin de curso. Os nenos e nenas de 6º estivemos vendendo marcapáxinas, pulseiras, postais de nadal, pegatinas...Ademais de ser unha nova experiencia, deseñamos, confeccionamos, demos valor aos produtos, publicitamos, vendemos, falamos, compartimos, convivimos... 

Para repetir!

                                  

                

A RAG busca a 'Palabra do Ano' 2022.

 Convidámosvos, dende o CEP Xosé Neira Vilas, a toda a comunidade educativa a votar pola palabra galega máis representativa do ano 2022, actividade proposta pola Real Academia Galega para este ano. O prazo remata o 11 de decembro.

A palabra escollida polos nenos/as para representar ao cole, mediante a votación entre varias palabras foi AGARIMO. O noso trasno Pauliño amósanos as palabras escollidas polas aulas e a que resultou finalmente elixida. 

Animádevos a entrar e participar!

Deixámosvos o enlace para que poidades votar:

 

 http://portaldaspalabras.gal/palabradoano/

 

  

 

Moitas grazas pola vosa colaboración e participación nesta actividade. 

 

 

3 DECEMBRO-DÍA DAS CAPACIDADES DIFERENTES

 O pasado 2 de decembro celebramos o Día Internacional das Persoas con Discapacidade (3/12) que é a data elixida para facer un chamamento universal co fin de lograr unha sociedade o máis inclusiva e accesible posible e, como cada ano, o noso centro participou das iniciativas propostas do CEE Juan María. Neste caso, xuntámonos máis de 1000 alumnos, segundo nos indicaron, dos centros educativos do Val Miñor. A xornada levouse a cabo co alumnado de primeiro ciclo en Praia América (Nigrán). Foi un día de convivencia, de cometas voadoras, de agradecemento ás persoas que o fixeron posible, de sorrisos e merenda na area, de castelos, de bigotes de chocolate...que rico!, de sol e sal...Foi un día de compartir soños !

 

 

COMUNICADO: DÍAS NON LECTIVOS 5,6 E 8 DE DECEMBRO.

Lembrámosvos que o vindeiro luns, 5 de decembro, non haberá clase, polo que tampouco funcionarán os servizos de aula matinal e comedor.

Retomaremos as clases o 7 de decembro. O xoves 8 é festivo e o venres 9 lectivo.

 

25 N POR ELAS

Co gallo do Día Internacional da Eliminación da Violencia contra a Muller, realizamos diferentes actividades de concienciación co desexo de que esta lacra termine e construamos entre todos e todas, un espazo de convivencia igualitaria e respectuosa.

Este ano eliximos como canción representativa para conmemorar este día

POR ELAS de "ADHARA AND RITMAN"

 

 

Distribuir contenido


by Dr. Radut