O 20 de novembro celébrase o Día Mundial da Infancia, data na que a Asemblea Xeral da ONU aprobou a Declaración dos Dereitos do Neno en 1959. O obxectivo desta data é lembrar á cidadanía que os nenos e nenas son o colectivo máis vulnerable e, polo tanto, o que máis sofre as crises e os problemas do mundo. 

Este día mundial lembra que todos os nenos e nenas teñen dereito á saúde, a educación e a protección, entre outros, independentemente do lugar do mundo no que nacesen e así traballámolo dende a escola.

Gozamos dun tempo de recreo diferente onde puidemos compartir e xogar con numerosos xogos tradicionais. O alumnado de 6º, coa axuda dalgúns compis de 5º, titorizou ao resto do cole nun tempo onde alumnado e profesorado tentaron lograr cumprir todos os retos entre sorrisos e unha convivencia en harmonía total.

Os pasados 3 e 4 de novembro (previstos para o 27 e 28 de outubro)  celebráronse as actividades deportivas en Caldelas de Tui coa proba de campo a través en horario lectivo, co formato de carreiras por clases coa convivencia de todos os coles participantes. Nela participaron o alumnado de 2º,3º,4º e 5º e o seu profesorado. Organizado por AGRUDEBAM no programa de Xogade os nenos e nenas gozaron dun día de deporte e convivencia.

Moitas grazas a todos e todas as participantes, aos profes, e a AGRUDEBAM pola organización e dinamización de Xogade.

Aquelas familias ás que se lle concedeu no fondo de libros o cheque de material de 50€, poden pasar polo centro a recoller o cheque complementario de 25€ da ampliación de axuda realizada pola Consellería.

O horario será de 12:50 a 13:40 horas, ao longo desta semana.

O prazo para facer uso de este cheque remata o 1 de decembro.

Hoxe, 23 de setembro, iniciamos a primeira película deste novo curso cunha actividade de concienciación sobre o cambio climático. Todas as aulas participamos desta orixinal produción e, a través dun acto simbólico, xuntámonos para colgar as nosas pancartas e as nosas creacións de visibilización sobre o clima.