CEIP VISTAHERMOSA | Benvidos á páxina web do centro.

Benvida

Hoxe as nenas e nenos de Educación Infantil, 1º e 2º de Primaria recibiron unha videochamada en directo dende o "Polo Norte" do mesmísimo Papá Noel.

Unha xornada chea de ledicia e ilusión para os máis cativos do colexio.

Moitas grazas a Papá Noel, á colaboración da ANPA e a todas e todos os que fixestes posible esta experiencia.

O acendido das luces anuncia a chegada do Nadal

Durante esta semana inauguramos os Xogos de Nadal: escornabot, Set, Quiddle...

-Xogo do acendido da árbore con escornabots. É un xogo de estratexia. Pódese xogar en equipo ou individualmente. Repártense as bólas coas luces e cada xogadora ou xogador debe programar o escornabot para ir acendendo as luces da árbore tratando de non cortar o camiño do robot. Gaña quen coloque primeiro todas as luces.

-Bólas personalizadas de Nadal. Tamén imprimimos uns aros coa impresora 3D, despois engadimos acetatos de cores cos nomes do alumnado e dos profes, por grupo-clase e coas bólas adornamos a biblioteca.

Música: Voces- alumnado de 6º. Letra de Luís F.

Foto e Decoración de Nadal da entrada do cole: Belén Forneiro

Obradoiro de ciencias con experimentos fáciles e divertidos na clase de 6º de EP.

Buscamos as respostas na ciencia con estes experimentos sinxelos que deronn respostas á:

mes de novembro, mes da ciencia

1. Alessandro Volta, creou a primeira pila

Como se xenera a electricidade?

2. A tensións superficial da auga

Cantas gotas de auga caben nunha moeda?

3. A Presión atmosférica

Por que non cae a auga?

4. A densidade non só depende do peso

Hai que pesar pouco para flotar?

5. A solubilidade da auga segundo a súa temperatura

Corre, corre que te queimas!

7. Fluído non newtoniano

Sólido ou líquido?

9. O volume dos gases

Canto espazo ocupa o osíxeno dun vaso?

6. O Xabón rompe a tensión superficial

Como limpa o xabón?

8. Electricidade estática

Que gañan e que perden?

10.Lámpada de lava

Burbullas de cores con moita marcha

Libro guía: "Experimentos. Os segredos da auga" Ed. SM

Con follas secas e diverso material de outono o alumnado de 6º de EP realizou diferentes carteis que mostran a importancia do respecto e da igualdade entre mulleres e homes promovendo a erradicación da violencia e poñendo o foco na detección precoz e na axuda ás persoas que a sufren. Non estades soas!


Cartel de Nadia e Martina	Cartel de Ainhoa	Cartel de Luís


Cartel de Rubén	Cartel de Paulo pola igualdade	Cartel de Mateo

De Vítor, David e Daurys	Cartel de Delia Cartel de Aitana e Carla

5. Manualidade de Outono. Aula Virtual do Ceip Vistahermosa

CIENCIA E SAÚDE

mes da ciencia É importante ter uns coñecementos básicos en primeiros auxilios para actuar con rapidez e con eficacia para poder salvar unha vida.

O alumnado de 4º curso pon en práctica diferentes protocolos de actuación para axudar a un accidentado/a nas situacións de emerxencia máis habituais.

Actividade encadrada no proxecto Biblioteca creativa.

Xogo con buxainas e escornabots

Coñecemos distintas modalidades de xogo, a nomear as partes, aprendemos a vestir o peón e facelo bailar.

Xogo con escornabots para afianzar o vocabulario e ditos deste xogo.

Bibliografía: O Libro dos Xogos Populares Galegos. Paco Veiga. Sotelo Blanco Edicións.

Aínda que se tratou de un magosto diferente, todas e todos disfrutamos das actividades organizadas para hoxe: xogos cos escornabots, buxainas, bailes, cancións... e por suposto degustación de castañas e bolos preñados.

Aquí deixamos unhas imaxes que mostran o realizado durante a xornada:

E tamén parte da gran representación da canción "VIVE O MAGOSTO"

Música:Vive o Magosto. José M. López Cabana

Actividade escornabótica inspirada na carreira do San Martiño.

É un xogo con cartas, cada carta ten distintas preguntiñas: de completar, bailar, historia... por un lado e, polo outro, ten unha imaxe igual que as que aparecen no taboleiro.

Pódese xogar individualmente ou por equipos. Cada equipo escolle as cartas, e xa ten o seu percorrido, Ollo! hai algunhas celas prohibidas polas que o robot non pode pasar.

Modificamos o desprazamento dos robots de 10 a 15 cm para que o robot percorrese máis espazo, como nunha carreira.

Aínda que o xogo ten moitas posibilidades, estas son algunhas das dináminas de xogo que realizamos nós:

E. Infantil.

1. ROBÓTICA E ABN. Cada xogador/a tira o dado, establece o percorrido segundo o nº que lle saíu para chegar a unha tarxeta e contestar á pregunta.

E. Primaria:

2. A carta que se escolle marca a cela á que ten que programar o robot, o percorrido escólleo cada xogador/a, é necesario responder á pregunta para seguir xogando.

Protocolo covid: Xogamos no Salón de Actos, un lugar amplio con ventilación natural permanente; uso de máscara; desinfección de mans tras xogar, dos escornabots, das cartas e todas as superficies con 70% alchohol en spray. Un grupo/clase cada sesión e desinfección por parte do persoal de limpeza entre grupo e grupo.

Debuxos realizados polos rapaces de 5º e 6º e as preguntas están inspiradas na canción que cantamos "Vive o Magosto" de J. Manuel López Cabana