Skip to Content

Articles

# 8 M VOCES BRAVAS

Mar, 2022-03-08 17:39 — salial

Día Internacional da Muller

- Quen e Quen? Mulleres relevantes na historia. Xogo para identificar ás mulleres polo seu legado na historia.
 
 - Algo que dicir. Realizamos pancartas con frases feministas e mensaxes reivindicativas sobre: Igualdade, dereitos, a paz, contra a violencia, liberdade...
 
 
- Algo que contar
"Monstro Rosa", Trata a diversidade e a liberdade  e "Monstro Azul",Trata o respecto, a convivencia e a empatía, de Olga de Dios.
 "Que lles pasa ás princesas?" de Felicia Redondo. ...Están fartas de facer sempre o mesmo. Xogo de atención, co escornabot, para buscar no taboleiro os príncipes ras iguais.
 
- Adaptación da letra da canción Ai Mamá de Rigoberta Bandini e interpretación durante a concentración no patio.
aimama pancarta 8m 

- Concentración pola Igualdade. Dedicada ás mulleres máis importantes da nosa vida.

 

 
 

Instrumentos musiECOlóxicos

Dom, 2022-02-27 17:49 — salial

PDI  EcoMundi 

Démoslle un segundo uso ao material de refugallo e transformámolo en instrumentos musicais. 

Instrumentos musiECOlóxicos de percusión

 percusión

Instrumentos musiECOlóxicos de vento

AEROFONOS

Instrumentos musiECOlóxicos de corda

cordofonos

Proxecto Didáctico Interdisciplinar ECOmundi

 

Videoclips con poemas de Rosalía

Ven, 2022-02-25 18:55 — salial
#SementadePensamentos  Premios Rosalía de Castro
Estes son os videoclips gañadores:
Aos mellores efectos especiais Videoclip de Elías, Dani e Gabriel
negra sombra
 
Á Mellor música orixinal e danza:  Videoclip de Adriel, Bea, Ían e Nara
alborada
 
Ao Mellor guión orixinal: Videoclip de Adriana A, Kaili, Lúa e Adriana C.
videoclip non quero mais dramas
 
 

Desfruta do Entroido máis ecolóxico e sostible

Queridas familias: 

A semana do 21 ao 25 de febreiro celebraremos o ENTROIDO no cole. A temática é “ECOMUNDI” - confección de disfraces e complementos seguindo a regra dos 3R.

  ECOMUNDI

Atent@s aos mandados do Meco. 

- Este LUNS se ao cole queres entrar, algo na cabeza deberás levar.
 
- Se o MARTES non te queres vestir, en pixama podes vir!
 
- O MÉRCORES día de Rosalía é, unha flor e un poema deberás poñer.
 
- Se o XOVES te queres divertir, reutiliza un disfrace a elixir.
 
- O VENRES, se o Entroido queres gozar co traxe  EcoMundi  deberás desfilar. 
 
Coordina equipo ENDL, AAEE e Biblioteca

 

Feliz día Mundial da Radio

Dom, 2022-02-13 09:34 — salial

O trece de febreiro é o Día Mundial da Radio. Celebramos este día publicando a entrevista realizada polo alumnado de 5º de EP á escritora galega Andrea Maceiras. 

Non hai fronteiras. Día da Paz 2022

Sáb, 2022-01-29 14:17 — salial

Cantamos e bailamos coas Tanxugueiras esta canción que reivindica a diversidade, a integración, pero tamén a diversión por medio do canto e do baile. Esta canción pon en valor o idioma, as tradicións e a nosa cultura en xeral.

Neste vídeo recollemos os ensaios e a actuación do Día da Paz: Aprendemos a signar "Non hai fronteiras" en lingua de signos, e a dicilo en éuscaro, en catalán ou en bable.

día da Paz

 

 

 

 

 

 

 

 

 

Tamén podes ver:

Ensaios Coreo Tanxugueiras "Terra" E. Infantil

Titoriais do propio alumnado para ensinar os pasos a través da Aula Virtual

- 1º e 2º primaria

- 4º a 6º Primaria 

Letra da canción

Rosalía 3D

Pins de Rosalía en 3D

1- O alumnado completou o retrato de Rosalía e pintouno con diferentes técnicas e estilos.

2- Imprimimos en 3D un pin de Rosalía para cada clase e tamén 3 mouchos.

3- Pintamos as Rosalías con pintura acrílica.

4- Os mouchos pintámolos con rotulador permanente.

5- En cada clase votouse polo mellor debuxo.

6- As caras escollidas pegámolas no Pin de Rosalía.

Biblioteca Creativa, ENDL e AAEE

Guía rápida para pasar imaxe 2D a 3D

#11f Nenas Científicas

"Xeografías Lectoras na Biblioteca Escolar"

Actividade interdisciplinar de lectura e investigación, ciencia, cartografía e robótica.

1. Co fin de recoñecer o papel que desenvolveron as mulleres na ciencia e promover as vocacións científicas entre as nenas, publicouse no Blog da Biblioteca escolar esta presentación con vídeos sobre referentes científicos femininos.

2. Xogo  xeográfico e científico con escornabots. Tras ver a presentación, cada xogadora ou xogador ten que programar o escornabot ata o país de orixe de cada investigadora. Material necesario: un planisferio, taboleiro, 4 escornabots situados nos puntos cardinais e tarxetas de científicas.

 

Para ler máis: A sombra do érbedo, Blog da Biblioteca escolar

Biblioteca Creativa

Rosalía Desconfinada

Rosalía de Castro. Teus doces cantares

O 24 de febreiro é o aniversario de Rosalía de Castro e queremos homenaxeala realizando a seguinte actividade: 

Gravade e achegade un vídeo curto con música a partir dun poema de Rosalía. Podedes cantar, movervos libremente cunha das cancións, ler con ritmo un poema, facer a vosa propia versión, crear un Stop-Motion, unha presentación de diapositivas… Debido á situación que estamos a vivir, propoñémosvos realizala nesta semana dende os fogares e animámosvos a que participedes todas/os.  Esperamos os vosos vídeos!

Rosalía

Proposta da Asociación de Escritores de Lingua Galega

Podedes achegar as gravacións picando no seguinte enlace:

 Rosalía Desconfinada

  1. Accede a través dunha conta de correo 

  2. Grava o vídeo pulsando Record a response 

  3. Ao picar na frecha verde subirá automáticamente.

  4. Se usas o móbil, descarga a APP Flipgrid e escribe o código da actividade: https://flipgrid.com/4af3942e

#rdc_2021 #TeusDocesCantares   #CoaForzadeRosalía

Circuíto escornabótico do San Martiño

Actividade escornabótica inspirada na carreira do San Martiño.

É un xogo con cartas, cada carta ten distintas preguntiñas: de completar, bailar, historia... por un lado e, polo outro, ten unha imaxe igual que as que aparecen no taboleiro. 
 
Pódese xogar individualmente ou por equipos. Cada equipo escolle as cartas, e xa ten o seu percorrido, Ollo! hai algunhas celas prohibidas polas que o robot non pode pasar.
 
Modificamos o desprazamento dos robots de 10 a 15 cm para que o robot percorrese máis espazo, como nunha carreira.
 
Aínda que o xogo ten moitas posibilidades, estas son algunhas das dináminas de xogo que realizamos nós:
E. Infantil.
1. ROBÓTICA E ABN. Cada xogador/a tira o dado, establece o percorrido segundo o nº que lle saíu  para chegar a unha tarxeta e contestar á pregunta.
E. Primaria:
2. A carta que se escolle marca a cela á que ten que programar o robot, o percorrido escólleo cada xogador/a,  é necesario responder á pregunta para seguir xogando.
 
Protocolo covid: Xogamos no Salón de Actos, un lugar amplio con ventilación natural permanente; uso de máscara; desinfección de mans tras xogar, dos escornabots, das cartas e todas as superficies con 70% alchohol  en spray. Un grupo/clase cada sesión e desinfección por parte do persoal de limpeza entre grupo e grupo. 
 
Debuxos realizados polos rapaces de 5º e 6º e as preguntas están inspiradas na canción que cantamos "Vive o Magosto" de J. Manuel López Cabana


by Dr. Radut