Skip to Content

Listaxe definitiva de admitidos e excluídos do fondo libros e de vales de material para o curso 22-23

Atópase publicada no taboleiro do centro a listaxe definitiva de admitidos e excluídos do fondo libros e de vales de material para o curso 22-23.

Os vales de material e de libros poderán recollerse no centro do 18 ao 22 de xullo de 10:00h a 13:00h, sen cita previa ou nos primeiros días de setembro. Se vai recoller o vale unha persoa distinta á nai/pai ou titor legal débese autorizar a outra persoa cumprimentando o modelo adxunto.

Os libros do fondo serán entregados ao alumnado nos primeiros días de clase.

 

Listaxe provisional de admitidos e excluídos no comedor para o curso 22-23.

Informámolas de que se atopa publicada a listaxe provisional de admitidos e excluídos no comedor para o curso 22-23.

A listaxe pode consultarse no taboleiro que está no interior do centro de 9.00h a 14.00 h ou nos teléfonos 881880446/881880447.

O prazo de reclamacións abrangue desde mañá, venres 15 de xullo ata o xoves 21 de xullo, ambos incluídos. As reclamacións presentaranse por escrito na administración do centro en horario de 10.00 h a 13.00 h, non é preciso pedir cita.

A listaxe definitiva publicarase nos primeiros días de setembro. Asemade, as persoas que aparecen admitidas xa poden presentar a autodeclaración, poden descargar o modelo da páxina web ou solicitalo na conserxería do centro. A data límite para a entrega da autodeclaración é o 7 de setembro. 

Listaxes Provisionais fondo libros e vales material

Atópase publicada no taboleiro do centro a listaxe provisional de admitidos e excluídos do fondo libros e de vales de material para o curso 22-23.

As reclamacións poden efectuarse nos dous días hábiles seguintes a partires da publicación de dita listaxe, polo que os días para efectuar ditas reclamacións son o 11 e o 12 de xullo.

Asemade, informámolas de que o xoves 14 publicarase o listado definitivo.

Información prazos

Concerto Magín Blanco

Hoxe remata outro curso escolar máis, un curso xenial!  Non podiamos finalizar de mellor forma que, desfrutando da man de Magín Blanco e a súa voz!

Vémonos de novo en setembro, pasade un bo verán!!

 

Recomendacións lectoras

Como cada ano, aquí tedes as recomendacións lectoras para este verán! Seguide lendo!!!

Portas abertas 2022

Grazas a todas as familias e ao alumnado que estivo onte con nós desfrutando do traballo feito este curso! Foi un pracer!

Álbum: Curso 2021/2022 -> Portas abertas PDI 2022

Xornada Interna de Súper recreos de Pingüi

Aquí tedes as fotos da nosa xornada interna de xogos! Que ben o pasamos!!!!!

Álbum: Curso 2021/2022 -> Xornada Interna PDI 2022

Día de portas abertas - Súper recreos de Pingüi

 21 de Xuño do 2022. Día de portas abertas! 

Horario: 16:30 a 19:30 

VEN A VISITARNOS COA TÚA FAMILIA!

    

Graduación 6º de Educación Primaria

Onte foi un día moi especial. Tivemos a sorte de poder celebrar o acto de graduación do alumnado de 6º de Educación Primaria que, para o curso que vén xa non estará con nós no cole aínda que, ben saben, que sempre terán as portas abertas para vir sempre que queiran!

Agradecer a todas as familias que estivéstedes con nós onte!!!

Esperamos que desfrutedes coas imaxes!!! 

Álbum: Curso 2021/2022 -> Graduación 6º Educación Primaria

Premio do VI Concurso Literario Infantil e Xuvenil sobre a Protección de Datos

A alumna Icía Mosquera de 5ºB do CEIP Vicente Otero Valcárcel de Carral, resultou gañadora (ex aequo) na categoría de Primaria, polo seu traballo "Secuestro por internet", no VI Concurso Literario Infantil e Xuvenil sobre a Protección de Datos 2022, convocado polo Colexio Profesional de Enxeñaría en Informática de Galicia (CPEIG) e a Xunta de Galicia, a través da Consellería de Cultura, Educación, Formación Profesional e Universidades.

Asemade, o CEIP Vicente Otero Valcárcel recibe o recoñecemento especial do certame ao ser o centro que máis traballos presentou, cun total de 13 propostas.

Poden consultar a información na seguinte ligazón:

https://cpeig.gal/fallo-vi-concurso-literario-pd

 

Matrícula NOVO ALUMNADO Curso 2022-2023

Informamos que o prazo para para a matriculación de novo alumnado no centro será do 20 ao 30 de xuño.

 

É imprescindible solicitar cita previa no teléfono 881 880 447.  

 

Teñen adxuntos:

  • Documento de formalización de matrícula.
  • Folla de rexistro coa documentación a entregar.
  • Enquisa para as familias de 4ºEI.
  • Solicitude de transporte e comedor.

Deben presentar a relación de documentos que figura na folla de rexistro coa documentación a entregar:

- Impreso de matrícula correctamente cuberto.

- Solicitude de transporte escolar.

- Solicitude do servizo de comedor coa documentación xustificativa.

- Certificado médico.

- Fotocopia da tarxeta sanitaria do alumno/a.

- Fotocopia da cartilla de vacinas.

- 2 fotografías tamaño carné.

- Enquisa (no caso de alumnado de 4º de EI).

Graduación 6º de Educación Infantil

Onte foi un día moi especial. Tivemos a sorte de poder celebrar o acto de graduación do alumnado de 6º de Educación Infantil que, para o curso que vén, cambia de etapa educativa. 

Agradecer a todas as familias que estivéstedes con nós onte e ao Concello de Carral!

Esperamos que desfrutedes coas imaxes!!! 

Álbum: Curso 2021/2022 -> Graduación 6º Educación Infantil

UN COLE CHEO DE XOGOS!

Despois desta dura pandemia onde tivemos que estar separados e case sen tocarnos o cole vai recuperándose e volve a ter algo de cor. O xogo e o balbordo volven a ser os reis dos patios. Asi quedaron algúns dos xogos que solicitaron os nenos a través do Consello da Infancia: a serpe, os tipis e paus de construción do programa "Aulas Verdes con Corazón", tres en raia, taboleiro de damas, rocódromo, diana... e moitos máis que vos presentaremos nas xornadas de xogo que se están organizando! Grazas á ANPA "Ana Lastra" pola axuda.

 

 

 

 

 

 

XXV PREMIO DE POESÍA DO CONCELLO DE CARRAL

Aquí vos deixamos os fermosos poemas que fixo o alumnado do cole e tamén unhas fotos do acto da recollida do premio do concurso escolar que contou coa actuación de María Lado e Lucía Aldao dentro do ciclo "Elas son artistas". Todos e todas recibiron un pequeno agasallo porque todos e todas son uns poetas. Parabéns aos gañadores!

 

Distribuir contenido


by Dr. Radut