O alumnado desfrutou dunha mostra do proceso de elaboración de instrumentos de música tradicional galega. Moitas grazas Salva por ensinarnos a orixe dos instrumentos e deixarnos facer música con eles!

Este día tan importante para tódalas galegas e galegos adícase este ano a Florencio Delgado Gurriarán, e na súa honra, levamos a cabo varias actividades.

Flores por palabras:

Como se poido observar, no aparcadoiro próximo ao centro, houbo un posto especial no que se trocaban palabras en galego por flores. Agradecemos enormemente a boa acollida que esta proposta tivo... agasalláchedenos con palabras ben bonitas!

Xincana de Florencio:

O xogo non pode faltar! Tódolos cursos participamos dunha xincanana que, respostando a diferentes preguntas coas que demostrabamos o coñecemento que temos de Florencio, iamos conseguindo un código que nos permitiría abrir o tesouro cun pequeno agasallo para cada un/unha de nós... Foi moi divertido e, ademais de aprender unha chea de cousas... pasámolo xenial!

Os camiños de Florencio:

Creamos unha instalación no aparcadoiro con dúas liñas do tempo no que poder coñecer os datos máis relevantes da vida e obra de Gurriarán. Achegádevos a ler e coñecer a Florencio!

Galegas e galegos do mes:

Este mes, especialmente, estivemos demostrando o dominio que temos do galego. Noraboa a todas aquelas persoas que lográchedes ser "Galegas e galegos do mes"!

Agora... todo o mundo a procurar ser "Galegos e galegas do ano"!

O luns, 9 de maio, Mugardos voltou a recuperar a festa dos Maios impulsada pola asociación cultural Apelón Educación para os centros educativos. Logo de dous anos sen podermos baixar á vila, o alumnado deuse cita no cantón de Cora para a realización dos monumentos vexetais.  O noso alumnado, axudado por alumnado do ciclo formativo de FP Básica do IES de Mugardos, elaboraron os maios que amosamos a continuación. Ademáis, para completar a festa, actuou a cantautora MJ Pérez.

A ANPA do noso centro organizou dúas charlas sobre hábitos de vida saudable, unha dirixida ás familias e outra ao alumnado, na que puidemos coñecer os diferentes aspectos que inflúen no desenvolvemento da crianza e un estilo de vida saudable.

Desta volta, o día do libro veuse marcado polo falecemento de Antonio Castro, o ilustrador do personaxe da nosa biblioteca, "Dominicus". Así, tendo en conta o acontecido, decidimos centrar este día na importante labor que ilustradores e ilustradoras teñen nos libros que enchen as nosas bibliotecas. Con Antonio Castro coñecimos a Dominicus, e en homexaxe a él, fixemos a nosa particular reprodución na entrada da escola. Grazas Antonio!

Tamén queremos agradecer a colaboración da ANPA na conmemoración deste día, coa actuación de Vero Rilo.

O noso centro participou no Programa "Navega con Rumbo", unha iniciativa, dirixida ao alumnado de 5º e 6º de primaria, encamiñada a que os e as escolares, naveguen con tino pola Rede, é dicir, con seguridade, evitando o ciberacoso e outros riscos de Internet. A intención do programa é que o alumnado se conciencie da necesidade de facer un uso responsable das tecnoloxías da comunicación e información, para poder aproveitar todo o que nos ofrece, adquirindo boas experiencias e novos coñecementos.

No noso cole dicimos NON a guerra, e SÍ a paz para Ucraína. Colaboramos co Concello na campaña de recollida de material, e  con este mural e pancartas, o alumnado de quinto, quere mandarlle todas as súas forzas e ánimo ao noso compañeiro de Ucraína, a súa familia e a todo o seu país. 

Dende o xoves 19 de maio ata o mércores 22 de xuño, estará aberto o prazo para a solicitude de fondo libros (3º,4º EP), e de axudas para adquirir libros de texto (1º e 2º EP), e material (para todo o alumnado de primaria).

Orde do 29 de abril de 2022

As solicitudes poderán presentarse, na secretaría do centro todos os días da semana pola maña de 09:00 - 10:00 horas, e os martes pola tarde de 16:00 - 17:00 horas. Tamén as poderedes presentar dixitalmente na aplicación Fondo Libros, con certificado dixital ou chave 365.

Anexo I e Anexo II para a presentación presencial de solicitudes.