Con motivo do Día da Candeloria, o equipo de Normalización Lingüística e Biblioteca, achegáronnos información e deseñaron unha instalación na entrada do centro sobre a orixe da festa e diferentes paxaros da nosa contorna, que nos animou a investigar e aprender unha morea de cousas!

http://biblodominicus.blogspot.com/2022/01/festa-da-candeloria-2022.html

Para conmemorar o Día da Paz divertímonos todas e todos no patio, xogando a diferentes xogos cooperativos que levamos a cabo no noso día a día na aula, co fin de incentivar todavía máis o traballo en equipo, a empatía a comunicación, a colaboración, e o fomento de valores e actitudes solidarias no noso alumnado. Tamén enchimos o noso "Cazo de Lorenzo" de bos propósitos para construír un mundo mellor.

Adxuntamos para coñecemento da comunidade educativa o novo protocolo na xestión dos casos Covid.

Dende o día 11 de xaneiro ao 8 de febreiro, está aberto o prazo para realizar a reserva de praza no centro adscrito (IES de Mugardos) para o alumnado que cambia de etapa.

As solicitudes deberán presentarse na secretaría do noso centro (os martes de 16:00 a 17:00 horas, os mércores de 09:15 a 09:45 e os xoves de 09:15 a 09:45), ou a través da aplicación “admisionalumnado” (https://www.edu.xunta.gal/admisionalumnado/), a través do menú: solicitudes- reserva- crear.

As familias que non queiran facer reserva  no centro adscrito, deberán solicitar praza para os/as seus/súas fillos/fillas no centro da súa elección entre o 1 e o 20 de marzo.

O profesorado do CEIP Unión Mugardesa, quere desexarvos a todo o alumnado e familias, unhas felices festas e un próspero ano novo.

O noso centro colaborou coa Asociación Apelón de Mugardos na actividade "Cántame Nadal, Cóntame Nadal" poñéndolle voz ás diferentes panxoliñas, contos, poemas, e realizando diferentes debuxos sobre a temática do Nadal. 

Ao longo do curso escolar desenvólvense programas enmarcados no Plan de Promoción da Saúde e Prevención de condutas aditivas, ofertada pola agrupación de Concellos de Mugardos, Fene, Neda e subvencionadas pola consellería de Sanidade.

No programa Saúde na escola, se enmarcan os obradoiros de intervencións socioeducativas: ‘’Desenrédate” dirixido ao alumnado de 3ºciclo de primaria, 1º ciclo de ESO e ás familias (no que o alumnado do noso centro recibíu varias sesións durante o trimestre).

Esta proposta ten por obxecto promover accións informativas e formativas proporcionando pautas educativas do uso saudable e responsable das novas tecnoloxías (TICS), ao tempo que se realiza prevención a nivel escolar e familiar.

Preténdese crear un espazo no que as familias poidan expresar as súas inquedanzas, dúbidas e dificultades; tamén para aprender e reflexionar conxuntamente.

O alumnado de 3º a 6º de primaria participou nesta actividade levada a cabo por Afundación, na que a sostenibilidade únese á cultura e coidado do medioambiente a través da realización na nosa escola dun mural, e pintado de bolsas de tea con pinturas fotocatalíticas anticontaminación. O obxectivo principal da actividade foi concienciar e transmitir ao alumnado unha mensaxe positiva sobre o coidado do entorno, propoñendo alternativas de ocio que fomentan o respeto ao medio natural a través da arte.

O pasado 25N celebramos o día contra a violencia de xénero. Participamos coa Fanpa Ferrolterra nas III Xornadas para a eliminación da violencia contra as mulleres, elaboramos murais, e  traballamos a canción "Derorán" de Mercedes Peón, da que realizamos unha coreografía.