No noso cole dicimos NON a guerra, e SÍ a paz para Ucraína. Colaboramos co Concello na campaña de recollida de material, e  con este mural e pancartas, o alumnado de quinto, quere mandarlle todas as súas forzas e ánimo ao noso compañeiro de Ucraína, a súa familia e a todo o seu país. 

Dende o xoves 19 de maio ata o mércores 22 de xuño, estará aberto o prazo para a solicitude de fondo libros (3º,4º EP), e de axudas para adquirir libros de texto (1º e 2º EP), e material (para todo o alumnado de primaria).

Orde do 29 de abril de 2022

As solicitudes poderán presentarse, na secretaría do centro todos os días da semana pola maña de 09:00 - 10:00 horas, e os martes pola tarde de 16:00 - 17:00 horas. Tamén as poderedes presentar dixitalmente na aplicación Fondo Libros, con certificado dixital ou chave 365.

Anexo I e Anexo II para a presentación presencial de solicitudes.

Todo o alumnado que reservou praza para o curso 2022- 2023, foi admitido. As listaxes provisionais están publicadas na corcheira interior do centro.

Como cada ano, a nosa meca chegou cos mandados da semana. Tamén traballamos as diferentes personaxes do entroido galego. Cada aula investigou e realizou unha pequena exposición sobre a personaxe que se lle asignou.

Para conmemorar o día de Rosalía, realizamos murais, lemos fragmentos das súas obras, fixemos unha instalación na entrada do centro, e un roteiro pola vila grazas á colaboración da Asociación Apelón.

Aprendemos unha morea de cousas!

O prazo para presentar solicitudes de admisión é do 1 ao 21 de marzo. No seguinte enlace tedes o impreso de solicitude.

https://www.edu.xunta.gal/axudaplicacion/files/admisionalumnado/ED550B-G-20222023.pdf

Xunto co impreso de solicitude tamén deberase adxuntar unha fotocopia do libro de familia e (para o alumnado de primaria que provén doutro centro) un certificado de matrícula.

Para realizar a solicitude de admisión de xeito telemático, farase a través da seguinte páxina da Consellería.

https://www.edu.xunta.gal/admisionalumnado/

O 11 de febreiro, foi o Día internacional da muller e da nena na ciencia, unha iniciativa da Asemblea Xeral das Nacións Unidas, co fin de promover a participación equitativa e plena, de mulleres e nenas na ciencia.

Dende o centro, este ano decidimos pór en valor a importancia de escoller ben o que ven os nosos/as nenos e nenas, co fin de romper os estereotipos e axudar a construír un mundo máis xusto para elas e eles.

Os referentes escollidos, proveñen do mundo televisivo infantil, que tamén educa, ás veces, non para construír e mellorar, senón para perpetuar inxustizas.

Os referentes elexidos foron: Ada Magnífica Científica, Gretchen (La banda del patio), Hermione Granger, Peg y el gato, Alize Tornberry, Los inBESTgator, Dora a exploradora, Mary e Susan, e  Vilma (Scooby Doo).

Con carteis informativos de todas elas repartidos por diferentes espazos do centro, o alumnado realizou unha actividade de búsqueda, selección de información e reflexión, coa que se pretendía a concienciación e por en valor a figura das mulleres e nenas na ciencia rompendo con estereotipos establecidos.

Os días 21 de xaneiro e 4 de febreiro, leváronse a cabo as sesións de intervención da Garda Civil, dentro do "Plan Director". Nelas, tratáronse os riscos de internet e o acoso escolar, e foron dirixidas ao alumnado de quinto e sexto de primaria. A súa finalidade é a concienciación, prevención, e desenvolvemento de boas prácticas nestes ámbitos.