Hai unhas semanas recibimos un paquete cunha pouca la e unha postal da ovella Tecelá. Esta estaba moi triste porque lle ían cortar a la e pedíanos axuda para que fósemos ao Ágora a investigar que ían facer con ela. Despois de moito investigar … vimos que Tecelá non tiña que preocuparse porque non doe nada que che corten a la e, ademais, con ela pódense facer moitas prendas: xerseis, chaquetas, gorros, bufandas …
As bibliotecarias tamén nos ensinaron a diferenciar un libro de ficción dun libro informativo, contáronnos varios contos e, por último, deixáronnos mirar os libros da biblioteca.
NAS AULAS DE CATRO ANOS XA INICIAMOS O PROXECTO DO FONDO DO MAR. ESTAMOS TODOS MOI MOTIVADOS E PREPARADOS PARA EMPEZAR A APRENDER MOITAS COUSAS. GRAZAS A TODAS AS FAMILIAS POR TANTO MATERIAL QUE ESTADES TRAENDO DAS CASAS.
ESTA SEMANA FIXEMOS UNS POLBIÑOS PARA LEVAR A CASA CON MATERIAL DE REFUGALLO, QUEDARON MOI BONITOS.
NAS AULAS DE CATRO ANOS TAMÉN FACEMOS OBRAS DE ARTE. O RESULTADO É FERMOSO PERO O MELLOR DE TODO FOI O PROCESO DE ELABORACIÓN, REALMENTE PASÁMOLO MOI BEN, PRIMEIRO DEBUXANDO CO NOSO PROPIO CORPO E DESPOIS ELIXINDO A COR QUE MÁIS NOS GUSTABA. FOI MOI DIVERTIDO.
Xa comezamos o proxecto sobre os peixes e outros animais mariños. Recibimos unha carta do tiburón Gastón, que vive no acuario, invitándonos a visitalo e, ademais, pediunos que investigáramos algunhas cousas dos peixes:
Este curso, no Entroido, representamos a Idade Media. Os de 5º de infantil formamos o gremio dos Panadeiros. O venres, antes do desfile, cociñamos galletas, das que levamos unha proba para casa. Despois, fomos merendar as filloas, orellas e rosquillas que trouxemos da casa.
Intentamos facer arte coas figuras xeométricas, para iso démoslle a cada neno (de maneira individual) unha caixa de bloques lóxicos e unha cartolina negra, dixémoslle que crearan unha composición e lle puxesen un título á súa obra. Estes son os resultados: