A mamá de Antía (Verónica) tróuxonos dúas cabazas enormes e decidimos decorar unha. Baleirámola e fixémoslle ollos, naris e unha boca con un dente. Despois coloreamos unhas caretas de cabaza, cada cal máis orixinal, que levamos hoxe para casa.
Hoxe celebramos o aniversario de Yeravia, aínda que cumpre os anos mañá. O seu papá trouxo un biscoito moi rico bañado en chocolate. Comémolo case todo e aos compis da clase de María tocoulles moi pouco...
Para probar as castañas fomos buscalas ao noso castiñeiro, que temos no patio de atrás. Collemos ourizos e unhas pouquiñas castañas, porque os maiores apáñanas todas. Menos mal que as familias nos mandaran unhas poucas!!
Este mes de outubro comezamos co proxecto do outono. Aproveitando a vendima, empezamos polas uvas pero xa levamos probado unas poucas froitas máis: noces, caquis, marmelo, figos… Hoxe tomamos a granada e as castañas. Ademais coloreamos cada froito e escribimos o seu nome.
Hoxe fomos en autobús ata o Fórum Metropolitano. Representaban a obra de teatro "Feo", do grupo Caramuxo. Unha comedia infantil, creada a partir do Parrulo Feo de Andersen. Aos alumnos gustoulle moito.