Último número

O 21 de marzo, ao entrar a primavera celebramos ao carón do rio Sil, na área recreativa da Pena da Mula en San Clodio o DÍA DA ÁRBORE E DA AUGA.

Ao loureiro que prantamos puxémoslle "Xulio César", por que será?.

Regámolo ben e agora teremos que coidalo.

O pasado curso colaboramos con Antonio Reigosa na súa enciclopedia na rede "Galicia Encantada podes ver o que publicou aquí.

O pasado martes, 29 de mayo realizamos unha viaxe de estudios co patrocinio da Excema. Deputación Provincial de Lugo a través do programa Km0. Visitamos o Pazo de San Marcos, sede da Deputación, a Fundación TIC e os concellos de Abadín, Alfoz e Mondoñedo para facer a ruta de Pardo de Cela.

Os amigos da Fundación TIC fixeron un video que poder ver pichando aquí.

Estes días andamos que non damos feito: que se o Magosto, o Samaín, contadas, obradoiros de expresión corporal e artística...

O pasado venres, 5 de outubro na última sesión da mañá acudimos á biblioteca do centro para participar nunha actividade de animación á lectura que tiña como eixo central as historias de medo. Suevia, de Infantil; tódolos alumnos do primeiro grupo, así como o director, Manuel contáronnos historias verdadeiramente terroríficas que nos fixeron estremecer co medo. Antes de esta actividade e para ir entrando en materia inauguramos a exposición de cabazas que fixemos coa profesora Lucía.

Ese mesmo día, pero xa pola tarde, no patio do colexio participamos en diferentes actividades lúdicas que tiñan como nexo común as castañas: bailes e xogos como "Na procura da castaña" axudáronnos a facer un oco no estómago para logo dar boa conta de castañas asadas regadas con batidos de chocolate.

E para completar este abano tan grade de actividades, este luns visitounos no colexio, tal e como estaba anunciado nesta mesma páxina web, o artista fonsagradino Xoán Curiel acompañado da súa inseparable guitarra. Xoán fíxonos pasar un anaco ben divertido realizando actividades musicais e de expresión corporal.