Para conmemorar o Día do Libro, que se celebra o 23 de abril, todo o alumnado do centro participou nuns obradoiros de reciclado de papel da man do persoal de Matrácala Actividades lúdicas e educativas.

Cada neno/a elaborou persoalmente a súa peza, recolleron na súa composición o que lle transmite a lectura ou os libros co obxectivo de decorar o noso recuncho de resolución de conflitos e de Paz. Fabricaron papeis a partir de desfeitos de cartón, papel reciclado e tintas naturais. O remate da tarefa consistiu nun lacrado do realizado.

Aquí podedes ver algunhas das imaxes da actividade (nos blogues dos diferentes cursos hai máis dispoñibles).

Especial O tarabelo nas Ondas Día do libro

O alumnado de 5º e 6º participou nun concerto didáctico de música tradicional promoido polo Centro Coreográfico Galego, que fixo un percorrido polos principais instrumentos da música tradicional galega, a fin de coñecer as súas características musicais e de construción. Ao mesmo tempo estes instrumentos serven para introducir os ritmos máis importantes coas súas características e usos.

O pasado mércores 30 de marzo o alumnado de 4º, 5º e 6º de Educación Primaria participou, de xeito independente, nuns obradoiros sobre a figura de Rosalía de Castro organizados pola Asociación de Escritoras e Escritores en Lingua Galega (AELG) e  impartidos pola escritora Andrea Barreira.

Os obradoiros non só queren achegar a figura da poeta e narradora galega, máis tamén diversas formas de coñecela. A través da música, da súa faceta narrativa, dunha procura misteriosa,... as propostas son do máis diversas e entretidas para o alumnado, así como para coñecer aspectos da obra e da propia Rosalía.

Nos blogues dos distintos cursos podedes ver as imaxes da actividade.

No día de hoxe  celebramos a festa de Entroido cun desfile polo Paseo Marítimo de Sada e actuacións no noso colexio.

Aquí tedes as imaxes e vídeos desta xornada festiva.

  Vídeo desfile

Vídeo actuacións

Este é o primeiro ano que o Día de Rosalía de Castro celébrase un 23 de febreiro e non un 24. O cambio prodúcese despois de que se descubrese unha documentación que acredita que a autora de Follas  Novas e Cantares Gallegos nacera este día.

Para conmemorar esta data tan especial no centro programamos distintas actividades:

• Sementade pensamentos: Como a flor favorita de Rosalía de Castro eran os pensamentos, elaboramos un mural no que colocamos pétalos arredor do seu rostro. En cada un deles escribimos palabras das súas obras.
• Especial O Tarabelo nas Ondas: Escoita aquí o programa
• Actuación musical Cantando os cantares de Truque Matruque. A mesma é un percorrido polos “Cantares gallegos” de Rosalía de Castro en forma de concerto.

                                                               Imaxes Sementades pensamentos                    Imaxes concerto

Un ano máis o noso centro participou no Programa de Educación Ambiental “Educando na Biosfera” e o alumnado de 5º e 6º de Educación Primaria realizou diferentes actividades de diversas temáticas (Arte e Patrimonio, Cambio climático, Natureza e territorio...)  que se ofertan no mesmo: taller de debuxo, charlas informativas, intervencións de voluntariado na nosa contorna próxima... Aquí tedes os enlaces aos blogs de aula coas actividades realizadas:

5º de Educación Primaria

• Programa de Educación Ambiental “Educando na Biosfera”: Debuxando a Natureza  Exposición "Ilustrando natureza"
• Actividade no CIEC do Programa Educativo da Reserva da Biosfera  Visita ao CIEC 
• Muíños de auga. Charla informativa para preparar a Ruta a Moa e o Pan (suspendida pola adversa climatóloxía).

6º de Educación Primaria

• O problema da contaminación por plásticos. Charla informátiva
• O problema da contaminación por plásticos. Saída de voluntariado
• Visita guiada a un recurso da Reserva da Biosfera: Sobrado dos Monxes.

O pasado luns 17 de maio celebrouse o Día das Letras Galegas, dedicadas este ano á poetisa, traductora e mestra Xela Arias.

Durante toda a semana realizamos diferentes actividades ao redor da súa figura.

Música nas Letras Galegas: escoitamos anacos de cancións que grandes grupos de música galega crearon con poemas dos nosos máis célebres escritores. Tamén algunha cantiga tradicional e outras doutros coñecidos cantantes galegos. No blogue do EDLG O Tarabelo tedes todos os títulos (Clica aquí Música nas Letras Galegas).

O Tarabelo nas Ondas: programa especial dedicado a explicar que é o Día das Letras Galegas (clica aquí para escoitalo).

Póster dixital cos enlaces á información e actividades sobre a autora homenaxeada este ano. (Clica na imaxe para acceder).

En colaboración coa Asociación de Escritoras e Escritores en Lingua Galega (AELG) o alumnado de 3º, 4º, 5º de EP realizou o obradoiro de poesía Cada día, a familia, arredor da figura de Xela Arias e impartido pola escritora Andrea Barreira. Clica nas imaxes para ver as fotos de cada curso.

                                     4º EP                                               5º EP                                                     3º EP

O alumnado de Educación Infantil, 1º e 2º de Educación Primaria realizaron unha actividade baseada nun poema sobre o lagarto e o pardal de Xela Arias.

Clica na imaxe para ver as fotos

Concertos didácticos da man do grupo Queiroa, co obxectivo de achegar á música e baile tradicional dun xeito lúdico, e a experimentación cos diferentes instrumentos tradicionais propios da nosa cultura (gaita, bombo, pandeireta, tambor, frauta, tarrañolas,...).

                                      4º, 5º e 6º EP                                     1º, 2º e 3º EP                               Educación Infantil

O vindeiro domingo 17 de maio celebraremos o Día das Letras Galegas, este ano adicado a Ricardo Carvalho Calero. 

O EDLG preparou no blogue O Tarabelo diferentes actividades para conmemorar esta data. Facendo clic nos enlaces poderedes acceder a elas.

• Ricardo Carvalho Calero
• Semana das Letras Galegas

Neste curso tiñamos pensado bailar unha muiñeira todos xuntos e adicarlla a D. Ricardo Carvalho Calero, pero as circunstancias obrígannos a cambiar de plans. Aquí tedes uns vídeos con distintas versións desta peza tradicional:

O Día das Letras Galegas deste ano estivo dedicado a homenaxear a Antón Fraguas. Fixemos moitas actividades para coñecer a vida e a obra do autor e entre todos fixemos un mural que colocamos na entrada do Colexio. Como remate cantamos e bailamos con Mama Cabra.

A Reserva de Biosfera Mariñas Coruñesas e Terras do Mandeo está localizada ao noroeste de Galicia e conta cunha extensión de 1.140 km2, que se corresponde cos concellos de Abegondo, Aranga, Arteixo, Bergondo, Betanzos, Cambre, Carral, Coirós, Culleredo, Curtis, Irixoa, Miño, Oleiros, Oza-Cesuras, Paderne, Sada e Sobrado.

Dita figura recoñecida internacionalmente pola UNESCO, conta cunha poboación de 190.708 habitantes segundo o INE 2015, estando xestionada pola Asociación de Desenvolvemento Rural Mariñas-Betanzos, declarada de Utilidade Pública a través da Orde do 8 de febreiro de 2017.

Dentro do Programa educativo “Educando na Biosfera 2019”, os nenos e nenas de 5º e 6º de Educación Primaria celebraron o “Día da Árbore e o Día Mundial da Poesía: 21 de marzo con escolares”, resaltando a importancia e función das principais árbores autóctonas da nosa contorna, así como relacionalo con cantigas e poesías de autores galegos. Realizamos un taller de poesía e unha plantación de carballos autóctonos no Paseo marítimo de Sada.

Rematamos esta actividade cantando unha cantiga: As árbores da fraga do grupo Fol do vento.

O programa “Educando na Biosfera 2019” está organizado pola Reserva da Biosfera e polo Concello de Sada.

Ficha informativa sobre o carballo.

5º curso: Traballos con poesías.

6º curso: Traballos con poesías.

Podes ver imaxes e vídeos da actividade.