Segundo se contempla na Orde de 12 de marzo de 2013, pola que se desenvolve o procedemento para a admisión do alumnado en centros docentes sustentados con fondos públicos,  artigo 10.2 “o alumnado que pretenda continuar estudos nun centro de adscrición, para os efectos de reserva de praza neste, deberá presentar no centro de orixe o modelo normalizado que se publica como anexo I” (formulario normalizado ED550A)

Tamén se poderá cumprimentar a reserva través da aplicación admisionalumnado: https://www.edu.xunta.es/admisionalumnado/  que deberán entregar posteriormente na Secretaría deste centro.

A reserva tamén se poderá formalizar na Sede Electrónica con certificado dixital ou a Chave365: https://sede.xunta.gal/portada e neste caso xa non é preciso a entrega en papel na Secretaría do centro.

Aquelas familias do alumnado de 6º curso de Educación Primaria que desexen efectuar a reserva de praza para o vindeiro curso no IES Isaac Díaz Pardo de Sada deberán formalizar a reserva de praza . O prazo de presentación da reserva de praza será do 1 ao 15 de febreiro.

A reserva adquirirá carácter vinculante e será incompatible coa presentación de solicitude de admisión noutro centro, salvo renuncia expresa e por escrito presentada no centro de adscrición antes do inicio do prazo de presentación de solicitudes de admisión.

O xoves 17 de xaneiro os alumnos/as de 6º de E.I. tiveron a visita dunha contacontos da campaña Quen dixo medo?, que nos veu ler o conto: " Te quiero (casi siempre)" e realizar un obradoiro no que fixemos un monicreque das personaxes deste libro. Foi unha actividade moi enriquecedora e divertida! Grazas! 

Clica na foto para ver as imaxes da actividade.

Clica na imaxe para ver as fotos do Nadal

Como ven sendo tradicional no noso colexio polo Nadal fixemos unha recollida solidaria de xoguetes e alimentos. Toda a comunidade educativa se volcou doando xoguetes e alimentos para persoas que nestas datas precisan da solidariedade de todos nós.

As entidades que recolleron os xoguetes e alimentos foron a Cruz Vermella e Cáritas de Sada. Os representantes destas asociacións pediron que se trasladara o agradecemento a todos os que contribuíron a esta recollida solidaria.

Hoxe 20 de decembro fixemos unha concentración no patio do colexio en contra da violencia de xénero. Queremos denunciar calquera forma de violencia e mostrar o noso rexeitamento ao asasinato de Laura Luelmo.

Os nenos e nenas de 4º, 5º e 6º cursos de Primaria queren felicitarnos o Nadal coa interpretación de varios temas musicais: Son do ar, Titanic e Livin' on a prayer.

O venres, día 21, rematan as clases do primeiro trimestre do actual curso. Ese día terá lugar a tradicional Festa do Nadal no colexio.

Ás 10 desprazarémonos á Casa da Cultura onde a compañía de teatro de títeres Falcatrúa representará a obra “Linocho e a Lúa“. A representación está subvencionada polo centro.

A media mañá terán lugar as festas nas aulas, para as que se pide a colaboración das familias aportando unha pequena cantidade de alimentos propios destas datas. A Asociación de Nais e Pais As Mariñas colabora aportando as bebidas.

Ás 12,30 está prevista a chegada dos Reis Magos de Oriente ao Colexio onde saudarán aos alumnos. 

Recollida solidaria de xoguetes e de alimentos

O Claustro de Profesores e a Asociación de Nais e Pais As Mariñas promoven dúas recollidas solidarias. 

En colaboración coa Cruz Vermella os días 17 luns e 18 martes poderanse depositar xoguetes en bo estado na entrada do centro.

A recollida solidaria de alimentos irá destinada a asociacións sen ánimo de lucro de Sada. Pídese a colaboración das familias achegando alimentos non perecedoiros que se depositarán na entrada do centro os días 19 e 20 de decembro.

Festa de Nadal da Asociación de Nais e Pais

A Asociación de Nais e Pais As Mariñas organiza a tradicional Festa de Nadal o sábado 15 de decembro no pavillón de deportes municipal de 17:00 a 20:00 horas con hinchables, Cars, DJ, Pintacaras, merenda e sorteo de regalos. Donativo 1 €.

Está previsto repartir os calendarios de 2019 na vindeira semana.

Vacacións de Nadal

Despois do período de vacacións de Nadal as clases reiniciaranse o martes 8 de xaneiro.

Bo Nadal

O claustro de profesores, o persoal, a dirección do centro e a Asociación de Nais e Pais As Mariñas queren transmitir a todas as familias o desexo dunhas felices festas e Aninovo 2019.

Celebramos o Día internacional contra violencia de xénero baixo o lema: "Pecha a porta á violencia. Ti es chave".

Para conmemorar esta data ambientamos o colexio para concienciarnos e concienciar deste grave problema que debemos erradicar da nosa sociedade. Todos nós somos a chave que debemos pechar a porta á violencia de xénero. Para rematar as actividades xuntámonos no patio e Lucas, de 6º de Primaria, leeunos un texto que escribiu contra a violencia e cantamos todos xuntos a canción "La puerta violeta".

Clica na imaxe para ver as fotos.

Aínda que tardaron un pouco, temos os vídeos do Festival Fin de Curso e da Graduación da Promoción 2009-2018.

Agradecemos á Concellería de Educación do Concello de Sada a colaboración prestada na elaboración dos dous vídeos.

O Concello de Sada subvenciona con 3.000 € os gastos de transporte das saídas escolares, de reprografía e de adquisición de material diverso.

Convenio de colaboración entre o Concello  de Sada e o CEIP Sada y sus Contornos, para financiar saídas escolares, reprografía e material de oficina e escolar diverso segundo subvención nominativa prevista nas Bases de execución do orzamento municipal para 2018.

Durante o ano 2018, os gastos de transporte ocasionados polas saídas escolares realizadas así como a reprografía e adquisición de diverso material escolar e de oficina, foron subvencionados polo Concello de Sada cunha axuda de 3.000 €.

O que se informa para o xeral coñecemento da Comunidade Educativa en cumprimento da cláusula QUINTA do Convenio de colaboración.