CRECENDO XUNTOS, APRENDENDO PARA SEMPRE
Biblioteca en familia
MARCOS, O PAI DE DANIELA, VEU PASAR O MOTOCULTOR Á NOSA HORTA (6 - 5 - 2022).
Enviado por Noelia o Ven, 06/05/2022 - 20:10E para rematar a semana tivemos a visita de Marcos e Eva (o pai e a nai de Daniela), que viñeron a axudarnos a poñer a punto a nosa horta.
Estivemos encantad@s escoitando as explicacións de Marcos e vendo como traballaba.
En breve iremos a sementar o millo e a plantar as plantiñas do sementeiro.
Moitas grazas por esta visita tan proveitosa!
JOSE E MARÍA, PAI E NAI DE XOEL, MONTARON O ARMARIÑO PARA COLOCAR OS LIBROS NA ZONA DE LECTURA AO AIRE LIBRE. (5 - 5 - 2022)
Enviado por Noelia o Xov, 05/05/2022 - 19:12A nosa biblioteca exterior xa case está a punto! Hoxe a familia de Xoel veu ao noso cole para axudarnos coa tarefa de montar
un pequeno armario para gardar os libriños destinados a ler na zona verde. Quedou xenial!
Moitas grazas por axudarnos e por compartir con nós o voso tempo!
EN 21 DÍAS NACERÁN OS NOSOS PITIÑOS. (3 - 5 - 2022).
Enviado por Noelia o Xov, 05/05/2022 - 18:47O martes día 3 de maio, o pai de Enzo trouxo á clase de Infantil unha ducia de ovos "galados". Estivemos investigando como funciona a incubadora que nos prestou a nai de Liza e trouxemos libros da biblioteca que explican como vai ser o proceso.
En 21 días nacerán os nosos pitiños. Traeremos a unha galiña que nos presta a nai de Álex para que coide deles mentres son pequeniños.
Estamos desexando velos nacer e levalos por todas as clases para que os vexan os maiores!
O GALIÑEIRO ESTÁ EN MARCHA (29 - 04 - 2022).
Enviado por Noelia o Sáb, 30/04/2022 - 11:29E despois de facer o proxecto, solicitar os permisos e buscar os recursos... xa se está materializando o noso galiñeiro!!
O Concello preparou a base de cemento e fíxose cargo dos materiais necesarios. As familias (dous papás e un avó) están a realizar a montaxe do "peche"para que as nosas galiñas teñen un lugar seguro e confortable onde vivir.
Xa temos a incubadora no cole e na semana que vén montaremos a casetiña de madeira que mercamos para que vivan os pitiños.
Iremos informando dos novos avances!!
EXPURGO EN FAMILIA (28 E 29 DE ABRIL)
Enviado por Noelia o Sáb, 30/04/2022 - 10:56Rematando esta semana chea de actividades, viñestes as familias a tarde do xoves e a do venres para botar unha man no expurgo.
Baleirar os estantes, reorganizar o espazo, seleccionar os fondos e volver colocar.
Un traballo inmenso e intenso que, como di o anuncio, non se paga con diñeiro.
Moitas grazas!!
HOXE CELEBRAMOS A PRIMEIRA EDICIÓN DO "MERCADIÑO DO LIBRO USADO" (26 - 04 - 2022).
Enviado por Noelia o Mar, 26/04/2022 - 21:41No día de hoxe, o alumnado do noso centro, acudíu por quendas á cita co "Mercadiño".
Cos "biblios" na man (billetes coa cara de Rosalía) puideron "adquirir" libros que, en semanas anteriores,
foron achegados ao centro polo propio alumnado.
Todo un éxito de actividade de intercambio que de seguro repetiremos o vindeiro curso!
O NOSO LIBRIÑO COA RECEITA DO BISCOITO DE RUMANÍA.
Enviado por Noelia o Mér, 20/04/2022 - 08:42
ANIMÁDEVOS A PREPARALA NA CASA!!
CERTAME DE DEBUXO EN FAMILIA. "DESEÑA UNHA MASCOTA PARA A NOSA BIBLIOTECA".
Enviado por Noelia o Mar, 19/04/2022 - 08:19A nosa biblioteca precisa unha imaxe que nos represente, un amiguiño ou amiguiña que nos propoña actividades, xogos, proxectos... e a quen lle guste investigar.
Propoñémosvos que poñades as vosas cabeciñas a pensar e deseñedes (coa axuda da vosa familia) un personaxe divertido que poiderá ser un obxecto, animal ou ser fantástico que imaxinedes.
O deseño virá en forma de debuxo nun folio ou cartolina.
Todos os deseños serán expostos na biblioteca.
Realizaremos unha selección de deseños para que sexan votados por todo o alumnado.
Os criterios para a selección serán:
- Orixinalidade.
- Relación da mascota coa lectura e/ou investigación.
- Relación coa nosa contorna. (Concello e/ou colexio).
Os debuxos serán entregados á titora correspondente na semana do 19 ao 22 de abril.
Moitas grazas por participar!
O equipo de biblioteca.
ISABEL E TOÑO, NAI E PAI DE MARCOS, TROUXERON ABONO PARA O NOSO HORTO. (27 - 1 - 22)
Enviado por Noelia o Ven, 15/04/2022 - 20:52A terra precisa fertilizantes para producir. Este abono será o alimento das nosas hortalizas.
Iso foi o que viñeron a explicarnos Isabel e Toño ao tempo que nos traían uns sacos de abono da súa explotación de vacas.
Grazas a esta achega, o noso horto estará preparado para producir en abundancia!
RAQUEL, A NAI DE MARÍA E CARLOTA, VEU AMOSARNOS COMO SE PENEIRA A FARIÑA. (9 - 12 - 22)
Enviado por Noelia o Ven, 15/04/2022 - 20:40Con diferentes peneiras que o alumnado trouxo das súas casas, iniciamos a labor de preparar a fariña para poder cociñar con ela.
Raquel amosounos a técnica que se empregou, de sempre, para levar a cabo esta labor.
O alumnado de Infantil estivo encantado, pero tamén o alumnado de Primaria que peneirou en cadansúa aula.
Entre todos e todas faise mellor o traballo!!