CEIP de Riotorto

Estimadas familias,

Informarvos de que este mércores día 23 de febreiro, ás 16:15, terá lugar o taller formativo "Atención temperá na familia" no noso colexio. Este taller está dirixido ás familias do alumnado entre 0 e 6 anos.

O obxectivo é dar apoio, axuda e información ás familias con menores de 0 a 6 anos para a estimulación temperá na casa.

Unha forte aperta!

Estimadas familias,

O noso centro foi seleccionado para a participación no Proxecto Cooperación "Alimentos da Biosfera".

O obxectivo deste proxecto é fomentar hábitos saudables e sostibles nos comedores escolares, onde se priorice a elaboración de menús con elementos de proximidade, ecolóxicos, frescos e de tempada.

Unha das actividades deste proxecto é a participación nunha Xornada con produtos de Mercaproximidade. O noso colexio participará nesta xornada este venres 17, no que poderemos desfrutar dun menú dotado con produtos proporcionados pola Consellería de Medio Rural.

O menú elixido foi o seguinte: 

-Fabas de Lourenzá vexetais.

-Tenreira galega con patacas.

-Queixo fresco con mel.

Un saúdo!

O 3 de decembro celebramos o día da diversidade. A discapacidade é a capacidade extraordinaria de se capaces. Capaces de gozar, de ser distintos, de ser iguais, de superarse, de sumar... capaces de todo, coma todos!

O CEIP de Riotorto, o CEIP da Pontenova e o IES Enrique Muruais unímonos baixo o mesmo paraugas para conmemorar esta data.

Premede aquí para a visualización do vídeo: Día da Diversidade - YouTube