CEIP de Riotorto |

AXUDAS FONDOLIBROS 2023-2024

Estimadas familias:

O venres 30 de xuño publicáronse as listaxes provisionais do fondo de libros para o próximo curso. Poden consultar estas listaxes no taboleiro de anuncios do centro.

(3º a 6º E.P.) Prazo de reclamacións ás listaxes provisionais: 3-4 de xullo

O mércores 5 de xullo publicaranse as listaxes definitivas do fondo de libros para o próximo curso. Poderán consultar estas listaxes no taboleiro de anuncios do centro.

O horario de consulta das listaxes e de recollida de vales de material, así como para os vales de libros para o alumnado de 1º e 2º de Primaria, será de 10:00 a 13:00 no colexio.

*Os libros serán entregados polos titores/as ao comezo das clases.

Un cordial saúdo.

TORTÍN 22-23

https://www.calameo.com/read/007408685e9dbc40e6f76

Nos documentos adxuntos podedes atopar o listado de libros de texto para o alumnado da etapa de Educación Primaria e de Educación Infantil para o curso 2023-2024. Adxúntase tamén a lista de material para a etapa de Educación Infantil. A lista de material para o alumnado de Educación Primaria proporcionarase en setembro.

5 adxuntos

FORMALIZACIÓN MATRÍCULA

Prazo de matrícula entre o 20-30 xuño

Os alumnos/as de novo ingreso admitidos formalizarán a súa inscrición no colexio.

Se finalizado este prazo non se formalizase a matrícula, decaerá o dereito á praza obtida.

A documentación a presentar para a formalización da matrícula é a seguinte:

- Impreso de matrícula (recoller no colexio).

- Informe médico.

- 3 Fotografías tamaño carnet.

- Fotocopia tarxeta sanitaria.

- Fotocopia do boletín de vacinas.

- Fotocopias do libro de familia.

- Fotocopia do dni do alumno (se o ten) e de ambos proxenitores.

- Convenio reuglador ou resolución xudicial de separación xudicial ou divorcio, de ser o caso

MENÚ DO COMEDOR ESCOLAR DO MES DE XUÑO

Estimadas familias,

Adxúntase o menú do comedor escolar para o mes de xuño.

1 adxunto

FONDO SOLIDARIO E AXUDAS PARA LIBROS DE TEXTO E MATERIAL ESCOLAR

Prezadas familias,

Publicada a seguinte orde:Orde do 10 de maio de 2023 pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2023/24 (códigos de procedemento ED330B, ED330G e ED330H).

Poderase solicitar:

- FONDO SOLIDARIO DE LIBROS DE TEXTO do alumnado matriculado en 3º,4º, 5º e 6º de PRIMARIA.

- AXUDAS PARA ADQUIRIR LIBROS DE TEXTO destinadas ao alumnado de 1º e 2º de PRIMARIA.

- AXUDAS PARA MATERIAL ESCOLAR destinadas ao alumnado DE TODOS OS CURSOS DE PRIMARIA.

Para a concesión destas axudas terase en conta a renta per cápita da unidade familiar, situacións de garda ou tutela... (Prema aquí para ler a convocatoria).

PRESENTACIÓN DE SOLICITUDES:

O prazo para presentar solicitudes iniciarase o día 20 de MAIO e rematará o día 22 de XUÑO de 2022 (este incluído).

As solicitudes poderán presentarse de varios xeitos:

Por vía electrónica no formulario normalizado (ED330B-anexos I e II) dispoñible na Alicación FondoLibros.

A través da sede electrónica da Xunta de Galicia, https://sede.xunta.gal.

Cubrindo os impresos correspondentes que serán enviados ao alumnado e entregándoos posteriormente no centro de xeito presencial.

* Documentación Complementaria:

As persoas interesadas deberán achegar coa solicitude (anexo I) a seguinte documentación:

- ANEXO II.

- En caso de separación/divorcio, a sentencia xudicial ou convenio regulador.

- Certificado de discapacidade.

- Documentación xustificativa da situación de violencia de xénero.

- Resolución xudicial por incapacitación con patria potestade.

- Resolución administrativa ou xudicial acreditativa da situación de acollemento ou certificado do centro de menores.

- Certificado de convivencia, no caso de carecer de DNI.