FAMILIAS

Achegándose o Día do Libro, Eva, unha mamá dunha das aulas

de 3 anos, agasalla á rapazada cun contacontos "The very

hungry caterpillar" en inglés de Eric Carle (Autor).

 Unha actividade do programa Lectura e Familias,

 a través da Biblioteca Humana-Polos Creativos.

Chema de Couzadoiro explícalle ao alumnado de 5º a variedade inmensa

de flora que podemos ter na horta, como combinar a súa plantación,

cal é a estación recomendable. Pero non só queda na teoría, senón que

enchen o bancal de produtos deste tempo. Agora toca coidalos, hai que regar

e manter á fauna afastada, pero de xeito natural!

Chema tamén é o home do tempo

da comarca, podedes seguilo no Facebook co nome de Meteo Ortegal.

Esta actividade está enmarcada no proxecto "Aprendendo, naturalmente!"

A colaboración do banco de familias oferta diversas actividades.

Nesta ocasión Simone Jenkinson ofrecerá un obradoiro de teatro sobre

"A migración das aves" para o alumnado de 5 anos.

Esta actividade está enmarcada no programa "Lectura e familias",

a través da Biblioteca Humana-Polos Creativos.

Almudena Molina agasalla á rapazada de primeiro cun contacontos

"Malina Pies Fríos" de de David Fernández Campos (Autor),

Alicia Borges Amador (Ilustrador) que incluirá obradoiro.

Unha actividade do programa Lectura e Familias,

a través da Biblioteca Humana-Polos Creativos.

O pasado luns 20 de marzo a cociña da biblioteca encheuse de risas e cheiros.

O alumnado de cinco anos argallou un obradoiro de repostería coa nai de Mario.

Seguindo co proxecto deste trimestre  fixeron unhas riquísimas galletas sen gluten,

para poder disfrutalas todas e todos, con ovos, aceite, aroma de vainilla,

fariña de avea, azúcre e levadura. Amasaron e déronlles formas de distintos

dinosaurios e de pegadas de Tiranosaurio Rex. 

Festexaron unha merendola na aula e levaron

a proba para compartir na casa!

Continuamos agradecendo a participación das familias na vida escolar!

O alumnado de catro anos leva unhas mochilas viaxeiras os luns,

cheas de historias, xogos e risas que voltan á escola os xoves.

Cada unha leva un conto e un obxecto relacionado con él.

Almudena Molina agasalla á rapazada de primeiro cun contacontos

"Malina Pies Fríos" de de David Fernández Campos (Autor),

Alicia Borges Amador (Ilustrador) que incluirá obradoiro.

Unha actividade do programa Lectura e Familias,

a través da Biblioteca Humana-Polos Creativos.

Chema de Couzadoiro volve visitar ao alumnado de 5º de primaria,

para observar o crecemento das sementes, asesoralos sobre os productos

da horta e facer un obradoiro práctico. Chema tamén é o home do tempo

da comarca, podedes seguilo no Facebook co nome de Meteo Ortegal.

Esta actividade está enmarcada no proxecto "Aprendendo, naturalmente!"

A colaboración do banco de familias oferta diversas actividades.

Nesta ocasión Simone Jenkinson ofrecerá un obradoiro de teatro sobre

"A migración das aves" para o alumnado de 5 anos.

Serán dúas sesión, a primeira ás 9:30h e a segunda ás 11:30h.

Esta actividade está enmarcada no programa "Lectura e familias",

a través da Biblioteca Humana-Polos Creativos.

A nosa biblioteca foi seleccionada para recibir a visita de Radio Voz.

O alumnado de sexto recibe unha pequena charla formativa e posteriormente,

gravamos un programa de Étimos de aves e paxaros.

Programa enmarcado no proxecto "Aprendendo, naturalmente!" e emitido o

9 de marzo, Día do Naturalismo Galego, Día de Martín Sarmiento!

Quixemos alzar a nosa voz para facer valer a nosa lingua, a que falamos

a diario, a das nosas avoas e avós e por suposto aprender moito das aves

e paxariños, moitos deles que viven moitas aventuras nas súas migracións.

Agora ides escoitar o producto final, pero este tipo de actividades conlevan

un traballo laborioso.

Primeiro deseñouse en enviouse ás familias e coñecidos

unha pequena folla de recollida de información, dos étimos de nove aves e

da cultura popular referida a elas. O alumnado de sexto de primaria recolleu

as entrevistas e fixo un cadro centralizando as aportacións que se fixeron de

cada paxariño.

Posteriormente, buscaron información sobre a apariencia, canto, costumes de

cada un deles e a rexistraron. Con todos eses datos elabórase unha escaleta ao

que se adobía con poesías, recitados, ditos, refráns sobre estas aves e tendo moi

presente que estamos próximos á data de Rosalía de Castro e queremos adicarlle

a súa Alborada. Todos os niveis do centro saen representados neste adobío, que xunto

coas gravacións sobre étimos e características destes paxariños fan o programa

de radio que agora ides escoitar.  Será emitido por Radio Voz Ferrol, na frecuencia 105.4

Orgullo de cativada! Feliz Día do Naturalismo Galego! Parabéns Martín Sarmiento!

 Engadimos a escaleta e a bibliografía, por se é de interese.

Utilizando tres técnicas de manipulación,

Ton Arenas, da compañía Mircromina, trae ao escenario

a Antolín o bailarín, o veciño e ao can Linkecho que fai

as delicias de todos os asistentes.

Non puidemos máis que morrer coa risa e

pasar un bo anaco de diversión en gran familia.

A xornada de bimbio amosou o verdadeiro poder da arte.

O alumnado dirixido por Geraldine Jones e coa guía e acompañamento

dos axudantes da artista e das mestras, foron quen de dominar o material

para convertelo en fermosas estrelas, que logo adobiaron con cintas brancas

e azuis, as de  Galicia e de Rosalía. Non esqueceron, non, realizar uns recitados

 de poesía para celebrar o seu día, o seu nacemento.

Agradecer a Geraldine Jones e  Lugares Comúns este fermoso obradoiro.

Da man da Asociación Lugares Comúns, este venres 24 de febreiro,

gozaremos dun obradoiro de Iniciación ao bimbio coa experta Geraldine Jones.

O alumnado realizará unha peza de artesanía con este material.

Dende a biblioteca escolar queremos promover e recuperar oficios tradicionais.

Esta actividade está enmarcada no proxecto "Aprendendo, naturalmente!"

Recordamos que este sábado 25 realizarase o intercambio de sementes

e a actuación teatral, por parte de dita asociación.

As familias realizan un obradoiro de fósiles de dinosaurios co alumnado de 4 anos.

Esta actividade está enmarcada no proxecto "Aprendendo, naturalmente!"

Para quen lle apeteza profundizar temos, entre outros, un libro de realidade

aumentada na biblioteca "Carlos Labraña", IDINOSAURIO.

Ven buscalo!

Un grupo de familias toma a iniciativa e realiza unha gran proposta.

Obradoiros de cociña para o entroido. Unha xornada a mar de doce e divertida.

Cantidades, produtos, pasos, perigos no cociñado, colaboración... unha gran

mestura de saberes e novas aprendizaxes para conseguir

unha merendola fantástica e emotiva.

Gracias familias!!

A Biblioteca Humana volta este ano con novidades dentro do proxecto "Lectura e familias"!

Está claro que as nosas xentes son fonte de recursos diversa.

Ademáis a biblioteca, as mestras e os mestres somos consciente do poder motivador

que pode exercer que a avoa, o tío, a madriña, a veciña, o curmán, mamá, papá...

veña á escola e forme parte dela, que cree, ensine, lea, constrúa coñecemento.

Por todas estas razóns e moitas máis, este curso abrímonos á creación

dun banco humano para abarcar tres grandes obxectivos:

a)Continuar ampliando as persoas libro (contar oralmente unha vivencia, experiencia, saber...

a un grupo pequeno de persoas que logo teñen opción a facer preguntas sobre o comentado).

b)Acudir na hora de ler a contar unha historia a tódolos

compañeiros e compañeiras da aula do seu familiar.

c)Realizar un ou varios obradoiros sobre a temática que se solicita co alumnado.

O centro recibíu unha gran dotación de recursos materias de Polos Creativos.

Somos moi afortunadas e afortunados pois temos un centro con gran cantidade de material.

Agora é necesario sacarlle o máximo partido para aprender do mellor xeito que sabemos, Xuntos!!

Trinta e dous meses pasaron da montaxe desta obra tan peculiar,

unha obra representada nun estado de alarma.

Este venres 13 celebramos que o texto brillara.

Carlos Labraña está de parabéns e nós tamén, a súa obra está publicada.

Non hai mellor momento para agradecer, agradecer ás familias e a esta promoción de Vagalumes

(agora xa en 1º da ESO) a súa infinita colaboración: aportando ideas, creando xuntos ás súas

fillas e fillos atrezzo, disfraces, debuxos, grabando audios e facendo que todo isto viaxara

polas canles necesarias para centralizar a información e poder facer unha edición da obra

na que non nos podíamos xuntar.

Agradecer a Diego Cheda, as súas ilustracións que dan vida ás personaxes.

E por suposto, agradecer ao artífice de todo, Carlos Labraña, xa que son os seus textos

os que proporcionan divertimento, aprendizaxe dramático e sobre todo temáticas

controvertidas cheas de sensibilidade.

Se quedastes sen ver a obra podes aproveitar agora.

Tamén podes coller as obras de Carlos Labraña na biblioteca e

se queres tela en posesión xa está editada e a venda nas librerías da vila!

Dous anos atrás envoltos nunha pandemia, un grupo de Vagalumes,

as súas familias e a mestra sacaban adiante unha obra de teatro.

Unha obra que se converteu nun radio teatro, pois non podían interactuar

máis que de xeito virtual. Roupas, voces, fotos, atrezzo... voaban a través das liñas telefónicas, internet...

A obra era "Estrela... fugaz?", naquel momento, obra inédita do dramaturgo

que da nome á nosa biblio "Carlos Labraña". Autor que escribe para divertir, pero sempre utilizando

o teatro coma unha ferramenta para achegar temáticas controvertidas.

Este ano, Carlos Labraña volveu sorprendernos e esa obra saíu á luz coma unha estrela.

Do mesmo modo, un bosque cheo de especies diversas volverá a escintilar e reunirnos,

desta volta si, para ver aos Vagalumes no seu radio teatro, con "Estrela... fugaz?".

Quedades todas e todos convidados! Ata encher aforo.

Por un Nadal de Paz e Pan! A rapazada de 1º de Primaria escoita

o conto adaptado pola aula de 4ºB, baseado en O Principio de Paula Carballeira.

Así deciden realizar a terceira fase nunha lectura "Despois da lectura".

Un anuncio que pretende abrir os ollos sobre realides actuais.

Sobre as necesidades reais de países e xentes (incluso moi próximas a nós).

De que non todo o importante é algo material e que a paz pode conseguirse con un bico,

unha conversa, unha aperta, unha mirada ou un sorriso,

estas cousas alimentan e sanan os problemas do mundo.

Unha semente para todas e todos,

pero en especial para os que poden plantar o bosque.

Felices Festas!

Esta actividade non sería posible sen a colaboración do pai dun alumno ao piano:

Antonio Rodríguez Bustabad, a profe de Música: Antía Pita Martínez que realizou a

tradución da letra ao galego e a grabación radiofónica, as mestras de 1º de E.P

(Dulce, Carlota e María José) e o mellor que temos na escola: as nenas e os nenos!