O alumnado dos Club de Lecturas "Chocolate con libros"

despide este curso cunha última sesión, moi doce e veraniega,

praia, lectura e xeado de chocolate! Umm, que rico!

Paulo Vicente, profesor do Ies Punta Candieira e membro

da biblio do seu centro, participa na Biblioteca Humana/Polos Creativos.

Con el, un grupo de alumnado de sexto de primaria, acompañados

do seu mestre Alex, realiza un obradoiro de radio para rapearlle a Rosalía.

Unha actividade de expresión oral que aportou moitas outras cousas,

pois tamén foi un novo achegamento a un espazo,

no que en breves estará este alumnado.

Gracias Paulo por participar e facelos pasar unhas horas incríbles!

O 31 de maio foi un día para xogar coas palabras,

as de Antón Cortizas, mestre (xubilado) pero coa mesma alma,

escritor dunha manchea de libros e gran defensor do xogo tradicional,

ese que realizamos co corpo, coas verbas,

con moita imaxinación e algún material de refugallo.

Pola mañá, o alumnado de 4 anos realizou actividades ao redor do conto

"Sopra por este furadiño" e o de 5 ao redor de "Os dez animais".

Pola tarde, portas abertas a tódalas familias para ferrallar

e recuperar o xogo tradicional, unha tarde de creación extraordinaria.

Ledos de compartir coa comunidade educativa a noticia

de que o voluntariado escolar resultou premiado

pola Asesoría de Bibliotecas Escolares.

Moitos parabéns rapazada!

Sodes inmensos!